دار بينا الوكت(مكتملة)

الــــــبــــــــــــــارتــــــــــــ37🧡

مساء الجمـــــال🌙⭐

دار بينا الوكت
البارت37

‏تبقى..
تبقى الي وابد يالغالي مابدلك
حبيبي وكل دگه گلب باللهفه تشهدلك
عمري مراح احب بشر گدك ولا مثلك

خليني ابسطها الك حتى انت تفهمها
ما اگدر ابحبك بعد مشاعري اكتمها
اتموت روحي من القهر من انت مو يمها

امنين ما تجيلي
احبك كل حيلي
شريكي انت بليلي تبقى...

مر اسبوع ورا ذيج العركه الصارت باقر اختفى ورحنا اني واخوي ليونس للبيت تعذرنا منه خطيه بعده الضماد بوجهه جان كسرله خشمه للرجال..

طبعا يومين كعدت ما داومت وراها شفت هدوء رجعت عادي اداوم وبناتي بالروضه
وانوس  يم خاله يناغي ويحبب بروحه وهي متولعه بي..

وصلت للمستشفى نزلت وتشكرت من يونس هاي اول يوم يوصلني من بعد اسبوع اجازة تبهذلت احوالي بدونه

طبيت وهناك البنات سوالف وضحك للظهر جان يرن موبايل هاله بسرعه من شافت الاسم گامت وراحت بعيد عنا

بقينا اني وساره وحده تغمز للثانيه يمكن واخيرا دگ گلبها
اجت ورا ربع ساعه بيدها عصير
: هااا احكي اكو شي مغبيتوو علينا
هاله بضحكه: شنوو مثلا شبيجن ليش هيج تباوعولي؟؟؟

سارة بفضول: منو هو وشسمه وشيشتغل وشكد عمره نعرفه لو لا؟؟؟

هاله باستغراب: منو هوو؟؟؟

: الي عفتينا ورحتي تسولفين ويا!!

: هاااااا اي هاي اختي روانه تدرن بيها تسولف هواي

سارة برفعه حاجب: گلتي روانه!!!
حجيت بعدم اقتناع: وكل مره تحكين معاها يمنا ماتقومين!!
ضحكت: كافي ولجن اشتغلتني تحقيق هاجن شربن هذا رمان الج دنووش وهذا برتقال الج سوسه

: سوسه بعينج مالگيتيلي الا هالصخمان سكتي لايلزمها عليه المگرود..

ضحكنا وبقينا نسولف ماحسيت وغير وجسمي خدران وعيوني تقفل من حالها وساره تحجي بعصبيه
: شنووووووو ليش ولج؟؟؟

ماسمعت وراها كلشي نمت بعمق لحد ما صحصحت وجسمي ثگيل اريد ارفعه ما اگدر فتحت عيني وجان اشوف غرفه صغيرة ومرتبه واضح مال فندق مو بيت
گلبي قبضني وين اني!!! مو جنت ويا البنات شجابني لهنا

گمت واحس شويه شوي يرجع الحيل الي فتحت البرده وجان اشوف الجبال واحنا فوگ الجبل
عرفت احنا بواحد من الشاليهات تخبلت هاي شكووو!!!

فتحت الباب بسرعه انفتح مشيت بهدوء ادور احد ماكو
تالي سمعت صوت مي بالحمام
بلعت ريگي وگلبي يريد يطلع من الخوف رجعت للغرفة افتش موبايلي وين غراضي ماكووو كلشي ركضت لباب البيت اريد افتحه ماكو مقفول
حصت اروح واجي اخاف يطلع من الحمام وعقل ما ظل براسي اريد افهم شصار وشجابني لهنا