دار بينا الوكت(مكتملة)

الــــــبــــارتــــــ16🧡

مساء اللـــوز والجوز 😋

#دار_بينا_الوكت

يبو عيون الخضر لاتنظر علناس
لان من شاف عينك مابعد ناظر
عليك اعيون تكتل من جمال البيك
كلمن شاف عينك يكسر الخاطر
اذكر مره شفته بعيني من مريت
ومن شفته الهسه بابي امناطر

_دُنىٰ
حسيت على ايده تحضن ايدي وايده الثانية تغطيها
باوعتله بخجل من تصرفه المفاجئ

باوعلي بنظرة ماعرفت افسرها وكال بهدوء: اشكرج لانج جاي تسوين مثل متفقنا..

سحبت ايدي منه واحس خدودي جمرن عبالي شوف شبي ميدري اني هيج من گاعي اگعد واسولف ويا الشخص عادي واخذ عليه بسرعة حسب ماضيي قبل ضاري ابد ميعارض كوني انسانة اجتماعية الي زملائي ونطلع كمجموعات سفرات وسياحية فكلش عادي عندي اكعد واخذ عالشخص بسرعة..

بلعت ريگي وحاولت امسح كلشي اجا براسي عن الماضي من اجيت لهنا واني كلش منعزلة واخاف احجي ويا احد واتورط ويا النسوان!! يمكن لذلك عباله جاي احاول اتقبل علاقتنا!!!

: وين شردتي؟
باوعتله بنظرة خاطفة: معاك.. كوي انا هاكذ طبعي..

ابتسم الي وحط ايده تحت خده: حلو طبعج عفوية وبريئة متتصنعين ويا المقابيلج..

صبيتلي كولا كلاص ثاني: التصنع ينكشف بعدين اشون ويا الحقيقة المرا!؟

سحب نفسه للخلف مرتجي على ظهر الكرسي وكتف ايدينه على صدره:حلو' شني رأيج بيه؟ دامج صريحة

شردت بافكاري عنه قبل اذا اكوله شراح يكون موقفه!!
عضيت شفافي السفلية جاهلة العيون الي تراقب كل حركة اسويها

باوعتله كام للثلاجة وطلع بطل ماي مجرش ورجع لمكانه فتحه وبدا يشرب

حجيت من كمل وسد البطل: راح احكي بصراحة ماتضوج!!

هز راسه يستمع الي

حجيت بهدوء: اول مرة التقيت بيك من رزلتني بالمطبخ ومن ذاك الوقت وكلما اسمع بطاريك او المحك داخلي يرجف خوف

ضحك: من كل عقلج؟

هزيت راسي: اي والله ممكن تعتبر نفسك اول شخص يرزلني بحياتي كلها..

رفع حاجبه مستنكر:هاي موخوش شغلة

ضحكت على شكله: والله لان اني كثير هادئة وما امنح المقابيل فرصة يعلي صوتو عليي او يرزلني..

هز راسه: اعوضج واخليج تنسين هالموقف عني..

كلتله بهدوء: على فكرة ما انا الي خربت اللبن بذاك اليوم.. عمتي شاهدة!