مساء الخيــــــــــر على وجوه الخيـــــــــر😍
اعتذر جدا عالتأخير الضروف حكمتني 💔
النشر يومين في الاسبوع:-
يوم الاحد
يوم الاربعاء
الساعة الحادية عشر ليلاً (١١)
_تِݛكت ݪيَ ۅجٖ٘عاً يَڪَفينيَ سَبعُين عَامَاً ، أي ڪِݛمٛ ۿذا.
هسه توني انتهيت من واجبي صارلي اسبوعين بعيد عن ولايتي هواي تعبان مشتاك لبيتي لاهلي ولبنياتي جنات وحسنات وفداء وابني القسم .. جنت متلهف ارجع بعد غياب واشوف امي الحنونه وابوي الهيبة وابوس راسهم ..
ركبت سيارتي الساعة 10:37 الصبح مشيت بطريقي وسيارتين حمايه وياي لكوني عكيد فمكانتي تشكل خطر على حياتي ..
توني اعبر حدود بغداد والاحظ خمس سيارات مظلله تلحكنا وانه مو غبي لا بسرعة عرفت انه مستهدف حاولت اتخطاهم لكن مع الاسف ما طولت دقائق وحاصرونه نزلت من السياره وسلاحي بيدي هي موته وحده مستحيل اموت وبكلبي خوفه اواجه ويا كاتل يا مكتول !
الحمايه مالي نزلو وياي وحاوطوني وهمس اركان باذني :سيدي اتصلت بالمركز والمساعده بالطريق ..
هزيت راسي وباوعت عالطريق العام محاصر
والسيارات التجي بسرعة تلوف وترجع بدون انتضار
نزلوا الجماعة الملثمين بس عيونهم طالعة بقيت اباوع عليهم احاول اركز بيهم صاحوا بعصبية ووجهوا اسلحتهم بوجهنا : ارموا اسلحتكم بسرعة !
خزرته صاح بوجهي: يله لك ذب سلاحك
شطت اول مره شخص يتعامل وياي هيج بس انه معروف برجاحة عقلي وما اتصرف تصرف بدون دراسه ..
همست لاركان : شكد صارلك من اتصلت ؟
همس بسرعة : من اول ما لمحتهم ورانه !
ابتسمت بانتصار : جا نواجهم احسن من الاستسلام
وصارت الطلقات من الجهتين تنطلق
وجان تفكيري بمحله سيارات الشرطة ملت المكان وتم القبض عليهم بعد ما تصوبت انه وثلاث من الحمايه عايشين والباقي انتقلوا الى رحمة الله ....
هالحادثة الصارتلي اثرت هواي على نفسيتي وعلى جسمي صارلي شهور معتمد على اخوي فاهر وحيدر بمشيتي وكعدتي وحاجتي للحمام ..
تأثرت هواي وبالبداية يأست فعلا اني امشي بعد !
وكلت امري الى الله التجأت اله بالصلاتي وقرآني والحمدلله جاي اشوف شلون كاعد اتحسن شويه ..
ونفسيتي احسن بقى امر وحيد قالقني وبعد الشفاء التام يله يبين نتيجته التفكير موتني كل رجل يتحمل اي شئ كان بس لا شي يمس رجولته !!
تنهدت بتعب ونفضت الافكار السلبية من راسي ونمت...
-----------------
(اباوع لرجليه لابسه حذاء ابيض يخبل كعب عالي وبلمعته وامشي بي واتباها بجماله كاعد مقياس على رجليني)
أنت تقرأ
دار بينا الوكت(مكتملة)
Romanceبين ليلة وضحاها تنقلب الموازين ويدخل السواد حياتهم ويدب الخوف في قلوبهم إلى أين يذهبون! قصة من بين الالاف القصص من مدينة احتلها السواد رغما عنها....
