دار بينا الوكت(مكتملة)

البـــارتـــــــــ21🧡

مساء الانوار
نرجع وياكم من جديد بعد ما كملت امتحانات على خير والحمدلله طبعا اليوم كان اخر امتحان  💕
ما گدرت اخليكم تنتظرون اكثر
ان شاء الله نكملها سويه بس لاتضوجوني من ناحية التصويت القليل وماتعلقون عالفقرات
باعو هسه الرواية وصلت 13 الف والتصويت ماتعدى الالف بعده بله مو قهر 🥺
خلونا من هسه نتفق عالتصويت والتعليق عالفقرات كلش مهم بالنسبة الي 💋 واني هسه عطلت باقية وياكم اتفاعل 😍❤

النشر يوم الاحد والاربعاء الساعة 11 بليل 💙🍂🌴

دار بينا الوكت
البارت 21

فـي الـحـياة
إن لم تتـ۶ـلم من الضربهۂ ه الأولــى
فأنت تستححق الثانيةه ! 🔥
.
..

ماذا لو عاد معتذرا؟
معتذراً عن ماذا ؟
ايتوقف نزيف الروح بكلمه أسف؟
اننسى العيون التي ذُبلت من البُكاء والعقل الذي اهلك من فُرِط التفكير  ارحل اعتذارك لن يجدي نفع🍂🍃

_دُنىٰ
من اجا باقر وحجالي عن ثريا وشكاويها عصرني گلبي هالمره مو هينه والله يعلم شناويه

باقر حجى مع مريم وافتهم السالفه كلها وحلفتله مريم ثريا جذابه وتهامه التزم الصمت واضنه فهم هي مجرد غيره وخباثه لاغير..

قبل ما انزل لجوا بدلت دشداشه ماروني غامق مطرزه وشال بيجي خليت عطر ومورد خدود ومسكارا شويه تغيير دايما ما اخلي قطرة مكياج...

نزلت جوا اول شي سويته دورت على بناتي سمعت صوتهن بالاستقبال وصوت القسم وياهن عفتهن وطبيت للمطبخ الدنيا مغرب وسليمه جاي تحضر للعشا

باوعتلي وگالت:شعجب ما نزلتي عالغدا؟

: ماظلتلي نفس ما غشعتي اش عملت ثريا..

سليمه: يمعودة طنشي ولاتهتميلها

گعدت عالكرسي وعيوني عليها: هم سوت هاكذ وياكي قبل؟؟ لان هسه مابينكي وبينها شي حتى ماتحكون سوا!!

تنهدت سليمه: اووف شفت الضيم منها شحجي خمسطعش سنه لايوم ولا يومين..تغار جثير وتموت عالمشاكل...

: اشون تحملتيها والله احس قلبي يريد يطق وهاي اول مشكله صارت بعد ما اتحمل مشاكل...

سليمه وهي تفتح الجدر عالطباخ: تحملت والصبر من الله شسوي ماالي احد يتيمه من صغري واخواني كل واحد على حلگ مرته شوفت عينج عندي اختي نعمة من تطلگت لهسه محد من اخواني ناطيها ربع دينار واخواني كلهم عزلو وطلعو من البيت الجبير بيت ابوي وعافوهم وحيدهم هي وامي..

تذكرتها هاي الي اجت وگالتلي ( والله متوقعتج هيج ملعبه بسرعة سحلتيلج رجال حوك وخليتينه تحت ابطج.... لاتفرحين هواي لان مكانه مو يمج...)

لهسه من اتذكر كلامها احتار بيها شعليها هيج محروگ گلبها تكول ماخذه رجلها من حضنها...