دار بينا الوكت(مكتملة)

الــــــــبـــــــارتـــــ34🧡

مساء الورد🌸🌷

دار بينا الوكت
البارت 34

‏شحجيلك بعد ما ضل حجي الينكال
اظن خير الكلام وياك مـــا قـــله..
لان شما اسولف انــــت بيه تلوم
وعلى ابسط حجاية ادور الزله..

_ وينج ليش لحد هسه ما وصلتي!!!!!
_ مو اخوي جان يمنا لحد ماراح طلعنا خمس دقايق احنا يمكم..
_يلا عندي الج خبر ما ادري شلون اگوله تعالي واحجيلج..
_كون خبر يخلصنا من الكحبه للابد
_هو هم هيج بس اكو مشكله زغيره استعجلي ترا جن نار كابه بيه اريد افضح الكل الليلة
_شمالج ولج البيت متروس غير يوم عگد فاهر لاتورطين نفسج هسه اجي ونحجي ونشوف شني خبرج يفيد مايفيد..
_مصايب ولج مصاييب...

سديته منها وباوعت لجنات گاعده على جربايتها تبجي
اجيت عليها بعصبية: شوفي لج اقسم بالله اذا فكيتي حلگج بالسالفه اذبحج الي حجيتينه الي تنسينه انه اتصرف
حجت بشهگه ودموع: يمه فدوه والله ما اريد ابوي ينقهر....
عطت عليها: سكتي لج من تفووو عليج كل هالمده تدرين وماتجين تحجيلي من كون الله شالج باعي حالنا من اخذ ابوج هالساقطه وما لفى النا ساحرتله وانتي تدرين بهالمصايب وساكته تخافين لا ابوج ينقهر چا وانه امج يالمگصوعه اخخخخخ بس انه اتصرف ان ما هجمت هالبيت على روسهم ما اطلع بنت لميعه..

بجت بالزايد رجعت باوعتلها: شوفي اذا حجيتي معناها بعد ما ابقى انه هنا راح يطلگني ابوج ترضين تعيشين بدون ام!!

جاي احجي وجان يندگ الباب طلعت فتحته وطبت نعيمه وعيونها تباوعلي بفضول: احجي ولج شكو انسحبت بدون محد يدري واجيتج

قفلت الباب واخذتها لغرفتي: كعدي لان الي راح تسمعينه يجلطج..

باوعتلي عاگده الحواجب
كملت انه بجمود: تدرين شني العلاقة بين رجلي وسليمه اختج؟
: شبيهم!! علاقة عاديه..
: يا عاديه ولج شلون ماحسينا ضحكوا عالكل تدرين گبل العيد بيومين دزيت جنات تنده لبوها يتعلل ويا الرياجيل بالديوان وشني السمعته

بلعت ريگها: احجي فضيني شكوو!!!
: ولج سليمه مو مرته صدگ والقسم مو ابنه
گامت بعصبية: شني هاي ثريا جايه لاختي تتهميها
كفختها بخفه: دگعدي خليني اكمل هي مو جان ابن خالتكم عاگد عليها
هزت راسها تستوعب الگلته
كملت انه: هي حبلت منه
تعصبت وگالت: منو گال وشني الدليل شمالج ثريا تخبلتي
: والله العظيم ذيج جنات بغرفتها مو شكيتلج منها وگتلج متغيره ومتعبتني مدري شبيها اليوم كتلتها يلا حجت وانه هم تخبلت مثلج بس من البداية زواجهم جان مدري شلونه ثاري لاجل اختج الحامل حتى يحافظ عليها

خليت ايدها على راسها بصدمه وهمست: ماجاي اصدگ شلون الفلم!!!! معقول؟؟؟
هزيت راسي: تخطي صدمتج خيه اريدن اليوم اخرب علاقتهم كون باقر يطلگها واخلص منها!!
عگدت حواجبها: مخبلة انتي واختي شراح يجرالها!!
: افتحي عگلج وسمعيني عدل اختج مو زوجته ولا جاي حولها اصلا وادري شمايصير باقر مايتخلى عن القسم لانه معتبره صدگ ابنه يموت عليه.. باختصار اختج ماراح يلوحها شي بالعكس الذنب راح يركب ذيج الساقطة اريدنج بسدي ونتهمها كون سالفة منج وسالفة مني نحرضه عليها وهي مو كفوو ما حفضت سره وصانته برأيج هيج سالفة جبيره شني راح يكون تصرفة غير الطلاگ!!!