دار بينا الوكت(مكتملة)

الـــــبـــارتـــــــ6🧡

مسائــــــكمـ  جـــــــوريــ🌸

#دار_بينا_الوكت

احَس واهُسَي بلدنيا ڪلش مطشَر وماينلمُ !.

سعادتي وفرحتي واملي بشوفته كلها تحطمت من دخلت لدار اهله ..

رفضهم الي بدون مبرر ونبذ بنات ولدهم كل هذا بكفه ومعرفتي انه متزوج من قبل ست سنوات تقريبا بكفه !

يمكن اني غبية وما حسيت بي..!!!  لالا هو محتال وثعلب ذكي لعبها صح ما شكيت ولو مره بي ماكان واضح علي انه متزوج غيري .. شلون كان يروح لاهله ويجي عليه بعدين !!

كابوس هذا اكيد ليش انقلبت حياتي راسا ً على عقب !! ليـــــــش ..!!!!

زوجته صغيره امبينه عشرينية وعنده بنات اي شفتهن وهم حامل جديد بطنها مال اربع شهور ..!!

بجيت ندم وقهر على غبائي عفت اهلي ومدينتي حتى اوصل اله وكل ضني ينتظرني وهو عايش هنا ومكمل حياته مع زوجته وبناته بوسط اهله ..

شسويت بحالي اني وين اروح لمنو الجأ بعد !! شلوون ارجع لمدينتي اني غبية من يوم العفت اهلي .. هسه ضعت وحيدة بمكان غريب عليه ..

ضميت بناتي لحضني الله ينتقم من كل ظالم حسبي الله عليهم انقهرت على بناتي موتن نفسهن من البجي عليه خافن اليوم كولش حبيباتي..
مسحت دموعي لخاطر يسكتن : مابيه شي ماما اسكتو حبيباتي

بست كل وحدة منهن وحضنتهن : يله اسكتو حتى اشتريلكم نمنميات !

حاولن يسكتن وهن يكوللي : ما ما ابكي !!
: لاياروح ماما بعد ما ابكي .. محد يستاهل حبيبتي هسه نروح عالبيت يم جده..

سنا بضحكة طفوليه : اي اي جده

حسيت بظل وكف فوگــي رفعت راسي شفته ابن الشيخ كال بصوت هادئ : امشي ركبي بالسيارة .،
گمت وياه بكل بهدوء لازم ارجع لبيتهم اخذ جنطتي والگي حل لمصيبتي ..

ركبنا بالسيارة ورجع هو يجيب ابوه كان واكف ينتظرنا عالشارع ووياه الشيخ سلمان .. كولش كرهتهم وحقدت عليهم ضليت اتحسب عليهم الله ياخذلي حقي منهم ..

-ضاري
راح الشيخ الفقار وهو غضبان عليه وعلى سوايتي شگد شرحت وحجيت انه اريدنها بس الكل ضدي وحسيت فعلا خسرتها كرهتني من نضراتها ...

حاقده عليه محد يلومها ابد الله اليعلم شلون خاطرت وطلعت وشكد عانت لحتى توصل تلاكي الامان يمي وانه شسويت !! كسرتها وكسرت گلبي وياها ..

بجيتها وزعلتها لاول مرة من يوم زواجنا .. ما انسى ابد نضراتها لهند ولبناتي الي طلعو الها ماانسى شلون باوعت لبطن هند بقهر يحجي يكول انه عانيت وتعذبت وانت عايش حياتك بوسط اهلك نضراتها جيلة وخلتها بنص گلبي...
فرغ گلبي وانتهيت فعلا.....