مساء الفل 💜🌸
شكرا الكم بنات على دعائكم وكلامكم الحلو ربي يسعدكم 🤍🕊
دار بينا الوكت
البارت 36
كاعد وحدي بطارف البستان فكرة تجيبني وفكره توديني شلون يصفى الوضع شلون ابني ينسى هاي مر ثلاث شهور والوضع بعده على حاله..
باوعت فاهر جاي من بعيد
وصلني يلهث: شعندك هنا خابرت هواي ليش ماترد!!
حجيت ببرود: شكو؟
: خطار عدنا امش وياي حسن وحسين بالمركز مايرجعون لحد المغرب
هزيت راسي وگمت نافض دشداشتي السودا من التراب: منهو الي جانا؟
: الشيخ عناد وولد عمه گالوا جان عدهم شغلة هنا ومرو علينا يطمنون على اخبارنا
هزيت راسي: بيها الخير
وصلنا للديوان طبيت سلمت وكعدت وياهم انا وابوي بعدنا واحد مايحاجي الثاني.. هواي حاولت ارجع احاجي يصدني فاستسلمت وانتظر يومن اليحن گلبه..
الساعة صارت بال12 كمت طبيت للمطبخ اشوف شحال الغدا باوعت امي واكفه تطبخ تخبلت: هاي شني يمه ليش انتي واكفه عالطباخ!!
باوعتلي والعرگ يشخل من گصتها: حنين راحت لامها مريضه من الصبح وثريا مادري عنها..
عكدت حواجبي واجيت كعدتها: ليش ما ندهتي عليها يمه شلون اتعبين نفسج طالع اشوفها
طلعت فوگ وداخلي يغلي انه اعلمج ثريا طول هالمده شالعه گلبي
طبيت للجناح واسمع صوت ضحكها بالغرفه
لعب گلبي تقربت من غرفتها وجان تطلع حسنات من غرفتها اشرت الها: اشششش
باوعتلي مستغربه سكتت ماحجت كلمه
بقيت اسمع سوالفها لثريا وهنا جانت صدمة عمري
_لا ولج تتوقعين بعد كل السوينا يرجع يسأل عليها والله خلينا يكرهها يكره العمى يتخبل اذا احد جاب سيرتها..... اي شعبالج هو الصار على بال ابليس مايخطر المهم خلصنا منها ولا جان اخذت الاول والتالي خاصة بعد ماجابت ولد منه......... لا والله محد يدري باخبارها حتى مريم ماتسولف بس اظن يتواصلن هي مريم حيه ماتحجي وتدافع الها دايم........... لا يحظي منين احاول ويا من كل الجهات ويطردني ويجاهلني............. اي والله كون موت اليكرفها عاميته مامخليته يشوف دربه بس وربج مثل ما طردناها ولفقنا عليها التهم لارجعه لحضني وخليه يطلگها ويرميها رميه الجلاب....
دفعت الباب بقوه جفلت وصفر وجهها وهي تباوعلي بصدمه
جريت الموبايل منها وباوعت اسم نعيمه والمكالمه صارلها فوگ الساعه والنص
سديت الخط حتى ذيج الحيه الثانيه ماتدري بالي راح يصير وباوعت لثريا الحيه الملفيها ببيتي
: ها شو سكتي احجي ولج
عطت عليها تلعثمت وگالت: شـ شحجي!!!!
: احجي بعد ولج ابليس يتعلم منجن انتي والحيه الثانيه احجي لا ادميج هنا وبوجهج لبيت اهلج
أنت تقرأ
دار بينا الوكت(مكتملة)
Romanceبين ليلة وضحاها تنقلب الموازين ويدخل السواد حياتهم ويدب الخوف في قلوبهم إلى أين يذهبون! قصة من بين الالاف القصص من مدينة احتلها السواد رغما عنها....
