دار بينا الوكت(مكتملة)

الـــــبــــارتـــــ5🧡

مسائكم نوتيــــلا 🍫

((النشر يومين في الاسبوع يوم الاحد ويوم الاربعاء))

(((الساعة 11 مساءاً)))

#دار_بينا_الوكت

_انتهَتہَٖ القصـۃ شخصہَ باع والثانيہ ضاع ،💔

صبح صباح اللقاء وحماسي يقرا ميه شكد مو متحمسه اريد اطير واوصل اله التفكير بموقفه من يشوفنه شراح يسوي ماخلاني انام ليلي...

من الفجر ودعت اصحاب البيت الي لحو عليه شكد علمود يخابرون محمد يوصلني ورفضت

كافي تعبو هواي وياي وماقصروا شعنده الرجال يجرجر ورايه للبصره ..

اخذت سيارة الي ولبناتي من الكراج توصلني للبصرة لناحية ال____ حسب الوصف الي انطاني اياه الضابط.... وتوجهنه بكل عزيمه للبصره الفيحاء..

چنت ملهوفة لشوفته بعد مرور سبعة اشهر من الفراق بناته كبرن هل راح يفرح بينا ... شلون تحمل بليانه هم چان يفتقدنا مثل منفتقده !

بعد افكار وملاحم داخل راسي وصلنا للمنطقة المطلوبه انطيت السايق اجرته ونزلنه الجنط وراح باوعت حواليه منطقة جميلة جدا الاشجار والمزارع منتشره بس فصل الشتا مخرب الجو بالطيانه حمدت ربي لابسه جينز وبوت وقمصله زيتوني ثقيله من البرد وبناتي نفسي هم لبستهن بوت وجينز وقمصله .. راحن بناتي يمشن كدامي وحدة ماسكة ايد الثانية وانا اسحب بالجنطة واباوع لكل شي حواليه كوله غريب وجديد بالنسبه اليه وكفت من شفت ولد بعمر ال13 سنه سالته عن عشيرة الـــــــــــ وشيخها الفقار ابو الحسن گالي : لحكيني انه ادليج... هناك بيت الشيخ . .

مشينا تقريباً عشرة دقايق ودخلنا لمزارع كبيرة كالي الولد : هيانهه هذاك القصر الجبير الي بالوسط داخل المزارع ذاك بيت الشيخ الفقار

: شكرا تعبتك
ابتسملي مستغرب لبسي لان طول الطريق يباوعلي متعجب !!

مشينا اني وبناتي من نص المزارع وماحسيت غير طلق صار علينا جمدت بدمي وبناتي يصارخن واجن حضنني ويبجن بخوف تركت الجنط و كولشي بيدي وضميتهن لصدري : لا تخافون ماما ماكو شي ..

اجانا صوت رجال يصيح بعصبية : منو انتي يا مره ؟
باوعتله رجال اربعيني طويل وشوي مليان لحيته وشعره بيهن شيب عاقد حواجبه ويباوعلي !!

چان شايل بندقية بيده عابتله كون يعني هو الضرب علينا ميستحي هذا ما يگول خطيه اطفال اخوفهن
حچيت بنتر
: اجيت لبيت الشيخ لامر ضروري ..

استغرب من شكلي حسيته طول بنظرته يبو على حظي المصخم يربي ليش مخلقتني بشعر اسود هيج الي يشوفني ميستغرب

: شنهي انتي ! من وين جايه حضرتج ؟

وكفت من هدأن بناتي الكامشات ايديه بخوف : انا من الموصل صارلي يومين من طلعتو من داعش وجيتو لزوجي لانو من البصره ومن هاي الناحية وناس قالو روحي لشيخ الفقار يساعدكي ..