دار بينا الوكت(مكتملة)

الـــــبـــارتــــــ2🧡

السلام عليكم وردات 🌸

بالنسبة لتنزيل راح يكون يومين بالاسبوع
يوم احد
ويوم اربعاء
الساعة 11 مساءاً

___________

چنت اباوعله واتأمله مصدومه شجاب ابويه لبيتنا ابتسمت ممصدكه من ابتسم اليه وتقرب يمسح على راسي چنت مثل الملهوفه احفظ كل تفاصيله يالله شلون صاير يخبل لحيته سودا وبيها شيبات يضون من بياضهن وعيونه مبتسمات اليه بحنان محچه شي ابد ولا نطق بحرف رغم احس عيونه بيها كومهه سوالف همست اريد المسه
: بابا!!

فزيت من نومي عركانه وانفاسي تلهث احس كلبي يريد يطلع من مكانه
تمتمت بخيبة امل: حــــلم ْ ليش ما حكى شي بعد كل هالسنين انتظر شوفتو وشفتو بدون مايحكي معايا.....

كمت واني ضايجه ومخنوكه ليش ماكال ولا كلمه ليش محجى!!! چنت اغار من امي اذا حلمت بي وتسولف النا على حلمها اكول واني ليش ما احلم واشوف مو هو ابويه واشتاگله ليش ميجيني......
غسلت واجيت كعدت بالمطبخ مقابيل امي اريد احجيلها بس اشوفها صافنه وتفكر ولا حست عليه!

: صباح الخير ماما.....ليش صافنه اكو شي!!
انتبهت عليه ابتسمتلي بهدوء

: صباح الورد ياعروسه..اي حبيبتي ما اليوم تروحون تسوون تحاليل علمود تعقدون بالمحكمه...

: ويييي ياامي ناسيه اروح اتحضر على اي لحضه يجي ضاري.....

رحت ركض غسلت وبدلت لبست فستان مجسم بيجي طوله لجوا الركبة بشوية وردانه طوال وتفصاله نازك بي حزام اسود عريض لبست حذاء كعب اسود وجنطه صغيرونه سودا

وچان اسمع صوت موبايلي يدك
ركضت جاوبته منو غيره بس رقمه بجهازي: الوو
: ياهلا بالحب شلونج
: بخير وانت؟
: صرت زين من سمعت صوتج
خجلت وما رديت شحجي شكوول!!!
بقيت افتر اروح واجي اشبر الغرفه جنه حس عليه لان ضحك
: تراني عند الباب؟

: عفيه ضاري خمس دقايق لبين ما اكمل ادخل للبيت ماما بالمطبخ!

: يله جا اطب اسلم بين متخلصين حبيبتي..
: اوك
سديت الخط منه وركض ركض

خليت مكياج هادئ وسرحت شعري وتعطرت
وطلعت اخذت شهييييق وزفييير ياله طبيت للمطبخ باوعت امي مدللته مخلت شي بالبيت ممخليه كدامه وهو يشرب چاي ويسولف الها على اثاث البيت ورا الظهر يصلن.....
من شافني ابتسم واستأذن من امي وطلعنا....

طول الطريق حاضن ايدي بيده وطاير من الفرح واني الخجل حياكلنييي...
وصلنا وسوينا التحاليل وكعدنا ننتظر يطلعن لان صديقه يداوم هنا وكال راح استعجل بيهن
بقينا كاعدين نسولف اخذت عليه واخذ عليه رغم هو اصلا ماخذ عليه من زمان بس هسه يختلف الوضع كوني مرته...