دار بينا الوكت(مكتملة)

الــــــبــــارتــــــــ24🧡

مساء الخير 

اعتذر ما كنت اريد نوصل لهنا بس بسبب التفاعل راح اتخذ هالاجراء 
البارت القادم ينزل اذا وصل هالبارت
100 نجمة
200 تعليق
تعليقات عالرواية واحداثها مو سمايلات رجاءا
غير هالشي لاتنتظرون بارت

دار بينا الوكت
بارت 24

لفيت المنشفة على شعري وطلعت للغرفة باوعت لباقر من شافني صفن بيه تالي اخذ ملابسه وراح للحمام

سشورت شعري وخليت كريمات وفرشتلي واندحست بفراشي اووف اخيرا شويه استرخاء ونوم......

طب باقر لابس الشورت بس وينشف بشعره عزاا هذا شبي
التفتت للجهه الثانيه صار وجهي مقابل للكنتور وغمضت عيوني واني افكر رمضان اقترب  وهذا اول رمضان الي واني بعيدة عن اهلي وبيتي وين رمضان ذاك ووين هذا كلشي تغير ومابقى شي بمكانه..

فزيت من شفته سحب الغطا واجا شالني يمه متت: اشبيك باقر نزلنيييي!!
: اليوم ما افلتج من ايديني.....

: اشنوو هالحكي عووفنييي
توجه للضوا طفا وهو شايلني وراح للجربايه ذبني بهدوء: نامي هنا ما اريد بس عطرج بسدي كافي..

باوعتله: عفية ما اطيق ما اخذ راحتي عوفني ارجع لمكاني

هز راسه: لا ماكو،، تعلمي هنا نامي وبعدين لشوكت تردينا نبقى هيج..
جاوبته بضوجه: اش تريد مني عندك نسوان اثنين وفوقها علاقتك بثريا متحسنى روحلها انا ما اريد منك شي..

عگد حواجبه بعصبيه: شبيج كل مره جايبتلي طاريهن منو گالج علاقتي وياها رجعت صدگ جاي تحاول تصحح غلطها واعتذرت هواي بس بعدني معاقبها بالهجر لاتضلين تمسلتين....

: عندك سليمه انا لاتنتظر مني شي..
ضيگ عيونه وباوعلي بحده: ليش بله شنو السبب!! مرتي وصارلنا فترة متزوجين وكل واحد عرف الثانى وطبعه شكو بعد!!

تنهدت بخنگه هذا شلون الواحد يشرحله مو كلشي يصير بسهوله ما متقبله تصير بيناتنا علاقه جسديه مااريد هالشي واني مامستقره بحياتي اذا اگوله حتزيد عصبيته اكثر ويتخبل عليه بقيت ساكته

تالي گال: دُنى صبرت هواي وطلبي سهل نامي عالجربايه وبس لاتصيرين عناد..

تأفافت وجريت الغطى ونمت بجهة اليسار من الجربايه
سمعته جر حسره واجا تمدد بمكانه بجهة اليمين..

بين النايمه والگاعدة حسيت بايدين محاوطتني وانفاس تلفح رگبتي استسلمت للنوم متجاهله افعال النايم بسدي...

صبحنا ثاني يوم مالك انطى عمي بياضها وراح لبيتهم عمي وابو مالك وابو مرتضى وباقر خذوها لاهلها مجنزة متگدر تحرك ايد بقت تتوسل لطلگوني لتحجون لاهلي يذبحوني بس عمي خلاص بعد قرر ولا سمع منها كلمه ولا حجى وياها بس اشر لسليمه تساعدها اطب للسياره ولهنا طلعت الفصلية من بيت الفقار للابد....