မိုးပြေးတို့အခန်းရှေ့အနည်းငယ်အကျယ်အဝန်းရှိတဲ့ ဝရံတာမှာ ရောင်လွှမ်းက စီးကရက် ထွက်သောက်နေသည်။ ဒီအရွယ်ယောကျာ်းလေးအနေနဲ့ စီးကရက်သောက်တာဟာ အဆန်းမဟုတ်ပေမဲ့ အခုလိုမျိုးကြီး သူ့ဘဝသူဖျက်ဆီးနေတာဟာ မိုးပြေးရဲ့အမှားမကင်းပါ။ ကောင်ငယ်လေးအတွက် စိတ်ပင်ပန်းနေတဲ့ပုံပေါက်နေတာကြောင့် မိုးပြေးနဲ့စကားသေချာပြောကြည့်မှရတော့မည်။ ဒီအတိုင်းကြီးပဲဆက်သွားလို့ ရောင်လွှမ်းရဲ့ဘဝအတွက် မကောင်းနိုင်တော့ပါ။
မိုးပြေး ဝရံတာလေးဆီသို့ လိုက်ထွက်သွားပြီးရောင်လွှမ်းရဲ့ဘေးနားမှာရပ်လိုက်တော့ ရောင်လွှမ်းရဲ့အကြည့်တွေက သူ့ဆီကို တစ်ချက်ပို့လွှတ်လာသည်။ မိုးပြေးကတော့ ကောင်ငယ်လေးကိုပဲကြည့်နေလိုက်ကာ
"ကိုယ့်ကြောင့် ရောင်လွှမ်းပင်ပန်းနေပြီလား"
"ပင်ပန်းတယ်ဆိုရင် ခင်ဗျားက ဘာလုပ်ပေးမှာမလို့လဲ"
ညလေးအေးက တိုးဝှေ့တိုက်ခတ်လာတိုင်း ချည်နှောင်ထားခြင်းမခံရတဲ့ ဆံသားတွေက တလွင့်လွင့်နဲ့ နောက်သို့ယိမ်းနွဲ့နေတယ်။ ရောင်လွှမ်းက သံတိုင်ဘောင်တွေပေါ်မှာလက်တစ်ဖက်တင်ရင်း တစ်ဖက်က စီးကရက်ကိုကိုင်ရင်းရှိုက်ဖွာနေသည်။
မိုးပြေးက အမှန်ဆို စီးကရက်အနံ့ကို မခံနိုင်ပါ။ ယောကျာ်းလေးဖြစ်ပြီး ဆေးလိပ်ငွေ့တောင်မခံနိုင်ဘူးလို့အထင်ခံရနိုင်ပေမဲ့ တကယ်လည်းသူ အဲ့ဒီအငွေ့တွေကိုရှူရှိုက်မိရင် မွန်းကျပ်တယ်လို့ခံစားရသည်။
အဟွတ်!
မိုးပြေးချောင်းဟန့်သံတစ်ချက်ထွက်သွားတော့ သူက မိုးပြေးကို ကြည့်လာသည်။ သူ့လက်ထဲက စီးကရက်ကြောင့်ဆိုတာသိသွားတော့ လက်ရန်းဘောင်ပေါ်ကိုဖိချေကာ အငွေ့သတ်လိုက်သည်။ ပြောပါတယ် ကောင်ငယ်လေးက စိတ်ထားကောင်းတဲ့သူပါဆို သူကြောင့်တခြားသူထိခိုက်မှာမျိုးကို မဖြစ်စေချင်ဘူးဆိုတာ အမူအယာတွေအရသိနိုင်သည်။
"ကိုယ် မင်းကျေနပ်သလို လုပ်ပေးမှာပါ အကယ်၍ မင်းဘက်ကကွာရှင်းချင်တယ်ဆိုလည်း..."
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Romanceနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...