သူတို့ အချိန်အနည်းငယ်အတွင်းကို ရင်းရင်နှီးနှီးဖြစ်လာကြသည်။ တကယ့် အိမ်ထောင်သည်တွေလို ဆိုးတူကောင်းဖက်တော့ မဟုတ်သေးပေမဲ့ အရင်ကထက်စာရင် အများကြီးပြေပြစ်လာကြပါပြီ။ အဓိကကတော့ ရောင်လွှမ်းကြောင့်ပါ ရောင်လွှမ်းက ထင်တာထက်ပိုပြီးတော့ကို နေတတ်ထိုင်တတ်သည်၊ ရင့်ကျက်သည်။ တစ်ခါတလေ ကောင်ငယ်လေးရဲ့ ပို့ချမှုတွေကို မိုးပြေးမှာနာခံရသေးသည်။ ဥပမာ-ညဥ့်နက်တဲ့အထိ အလုပ်မလုပ်ဖို့ ၊ နေလည်စာကို အချိန်မှန်စားဖို့။
တစ်ရက်က မိုးပြေးအလုပ်ကို လမ်းကြုံလို့ဆိုပြီး နေ့ခင်းနှစ်နာရီလောက်ရောက်လာသေးသည်။ ဖြစ်ချင်တော့ မိုးပြေးကလည်း hotel အသစ်ဖွင့်ဖို့အတွက် ပရောဂျက်ရှိနေတာမို့ အလုပ်ထဲခေါင်းစိုက်နေရချိန်ဖြစ်၍ နေ့လည်စာမစားထားရသေးတဲ့အချိန်ဖြစ်နေသည်။ စားပြီးပြီလား ဘာညာမေးရင်းကနေ မိုးပြေးနေ့လည်စာမစားရသေးဘူးမှန်းသိတော့အော်လာတော့သည်။ ခင်ဗျားဘာအတွက် ပိုက်ဆံဒီလောက်ကုန်းရုန်းရှာနေတာလဲ၊ ကိုယ့်ကိုယ်ကိုယ် ဂရုမစိုက်နိုင်တဲ့အထိဘာတွေလိုအပ်နေတာလဲဆိုပြီးတော့ကို ဒေါသတကြီးပြောလာသည်။ မိုးပြေး အဲ့တုန်းက လန့်သွားပေမဲ့ ကောင်ငယ်လေးက သူ့ကို စိတ်ပူတဲ့အတွက်ကြောင့် ပြောတာပဲဆိုပြီး ပျော်ရွှင်ရသေးသည်။ အဲ့နေ့က ချက်ချင်းပဲ ကုမ္ပဏီကန်တင်းကနေ အစားအသောက်တွေမှာကာ အလုပ်တွေပစ်ချပြီး သူ့ရှေ့မှာစားပြလိုက်ရသေးသည်။
ညဘက်ရောက်ရင်တော့ ရောင်လွှမ်းကလည်း စာကြည့်ခန်းထဲမှာအလုပ်လုပ်သည်ထင်သည်။ အဲ့အခန်းကို စသုံးတဲ့နေ့ကပဲ ဒေါ်ကြီးမိုးတို့ကို သန့်ရှင်းရေးလုပ်ခိုင်းပြီး နောက်ရက်တွေမဝင်ခိုင်းတော့။ မိုးပြေးကတော့ အခန်းထဲမှာပဲ အလုပ်လုပ်ဖြစ်သည်။ ကိုယ်စီ အလုပ်လုပ်နေကြပေမဲ့ ရောင်လွှမ်းအခန်းပြန်လာပြီဆိုရင် မိုးပြေးလည်း အလုပ်တွေရပ်လိုက်ရသည်။ ပြီးတော့ သူတို့အတူတူအိပ်ယာဝင်ကြသည်။ အဲ့ဒါကလည်း ကောင်ငယ်လေးရဲ့ အလိုအတိုင်းပဲဖြစ်သည် အိပ်ယာဝင်နောက်မကျစေဖို့ဆိုတဲ့အကြောင်းပြချက်နဲ့။
YOU ARE READING
နေရောင်လွှမ်းတဲ့ မိုးပြေးသဏ္ဍာန် (ေနေရာင္လႊမ္းတဲ့ မိုးေျပးသ႑ာန္)
Lãng mạnနေရောင်ထွက်ပေါ်လာရင်မိုးတိမ်တွေဖယ်ပေးရတာထုံးစံပဲ...ခင်ဗျားနဲ့ကျွန်တော်နဲ့က ကောင်းကင်တစ်ခုတည်းမှာအတူမရှိနိုင်တဲ့သူတွေ နေရောင်လွှမ်း တစ်ခါတစ်လေကျရင်လည်း မိုးတိမ်တွေကိုနေရောင်က ဖြန့်ကျက်ထားမှ ပိုကြည့်ကောင်းတဲ့မြင်ကွင်းတစ်ခုဖြစ်သွားတာ...