ကိုကို့ရဲ့ငယ်...✨
"Aww အစ်မ...ခဏနော် ကျွန်တော် သော့ယူလိုက်ဦးမယ် "
မိန်းမိန်းငယ် လက်နှစ်ဖက်ကို နောက်ပစ်လျှက်...နူတ်ခမ်းလေးကိုစေ့ကာပြုံးလိုက်၏။
ထို့နောက်မှ ခေါင်းလေးငြိမ်ပြသည်။
ကောင်လေးကတော့မြင်မှာမဟုတ်
အပြေးအလွှားသော့သွားယူနေပြီ။
ခြံဝန်းထဲရောက်တော့ မရောက်ဖြစ်တာကြာတဲ့
ပတ်ဝန်းကျင်လိုခံစားမိသည်။
အစ်ကိုတို့အိမ်ဆီရောက်ဖို့
နှစ်မိနစ်နီးပါးတော့ ပန်းပင်တွေကြားက
ဖြတ်လျှောက်ရသေးသည်။
အိမ်နဲ့ ခြံဝန်းကြားမှာ စုံနေအောင်စိုက်ထားတဲ့
ပန်းပင်တွေက အမျိုးမျိုးမဟုတ်ပဲ...
တစ်မျိုးတည်းမလို့ ပွင့်တဲ့အချိန်မျိုးဆို
ပန်းခြံထဲရောက်သွားသလို ခံစားရစေသည်။
ဘေးတစ်ဖက်ဆီမှာ အစ်ကိုဘောလုံးကန်နေကြ မြက်ခင်းစိမ်းစိမ်းတွေနဲ့ကြက်တောင်ရိုက်သည့် နေရာတွေရှိတယ်။ယောကျာ်းသားများတဲ့ အိမ်မလို့
ဧည့်ခန်းမှအစ ရေချိုးခန်း
တွေအဆုံး အကုန်လုံးက
ရှင်းရှင်းလင်းလင်းနှင့် ယောကျာ်းဆန်သည်။
အစ်ကို့အဖေက ဆောက်လုပ်ရေးလုပ်ငန်းတစ်ချို့ ပိုင်သည်။
အန်တီနွေးကလည်း အရိုးနှင့်အကြောအထူးကု
ဆရာဝန်ပင်။အစ်ကိုက
နှလုံးအထူးကု...မိန်းငယ်အစ်ကို့ကြောင့်
နှလုံးရောဂါ ရရင် အစ်ကို့ဆီလူနာအပ်ရမည်။
သူ့ကြောင့်ဖြစ်တာမဟုတ်လား။အငယ်လေးကတော့
Model။အစ်ကိုတို့မိသားစုက ဝင်ငွေကတော့ တော်တော်လေးကြမ်းမည့်ထဲတွင်ပါမည်။
သို့ပေမယ့် အန်ကယ်မှအစ အငယ်ဆုံးလေးအထိ
တစ်ယောက်မှ မာနကြီးတာတွေ
အဆင့်အတန်းခွဲခြားတာမျိုးတွေ မရှိပေ။
အရင်းနှီးဆုံးသူစိမ်းတွေထဲမှာ
သူမတို့အိမ်ပါတာမလို့ အစ်ကိုတို့
မိသားစုအကြောင်းတော့
ကောင်းကောင်းကြီးသိသည်။
"ငယ် သမီးလေး မရောက်တာတောင်ကြာလှပြီကွယ်...
အန်တီဖြင့် ခင့်ကို
တောင်လှမ်းမေးဦးမလို့...လာလာ "
"ငယ်လည်း သိပ်နေမကောင်းတော့...
အိမ်ထဲကမထွက်ဖြစ်တာပါရှင့် "
