ကိုကို့ရဲ့ငယ်...✨
*အတ္တကြီးတယ်ပဲပြောပြော အစ်ကို့ကို ငယ်ပဲ ပိုင်ချင်တယ် *
မိန်းမိန်းငယ် အလိုမကျစွာ
မျက်နှာလေးဆူပုတ်ရင်း ထိုအစ်မမျက်ဝန်းတွေကနေ
အစ်ကို့နောက်ကျောကို ကာကွယ်ပေးနိုင်မဲ့အရာကို အသည်းအသန်လိုက်ရှာနေမိတယ်။
အစ်ကိုကလည်းဝယ်ထားတဲ့ပစ္စည်းတွေကအများကြီးဆိုတော့
မိနစ်ပိုင်းတော့ ကြာဦးမည်။ထိုမိနစ်ပိုင်းအတွင်း
ငယ်အစ်ကို့ကိုဘာနဲ့ကာထားရ...။
"ဟော တွေ့ပြီ "
တစ်တွဲမှာ ငါးထုတ်လောက်ပါသည့်
ငါးမုန့်ကြော် ခပ်ကြီးကြီးတွေ...။
ဒီလိုမျိုး နှစ်တွဲလောက်ဆို သေချာပေါက်
တစ်ကိုယ်လုံးမဟုတ်ရင်တောင်
နောက်ကျောတစ်ပြင်လုံးကို ငယ် ကာထားနိုင်သည်။
ကိုယ့်အကြံနဲ့ကိုယ်
ပြုံးရင်း အခုထိ ဝယ်စရာရှိတာလိုလို
ဘာလိုလိုနှင့် အစ်ကို့နောက်ကျောကို
ပဲ ကြည့်နေတဲ့ သူကို မျက်စောင်းတွေ
အကြိမ်ကြိမ်ထိုးပစ်လိုက်တယ်...။
ပြီးတာနဲ့ တုံ့ဆိုင်းမနေပဲ ခပ်လှမ်းလှမ်းမှာ
ချိတ်ထားတဲ့ ငါးမုန့်ကြော်ထုတ်တွေကို
ချိတ်ကနေ ကိုင်ဖြုတ်၍...ပခုံးတစ်ဖက်ဆီကနေ နောက်ကျောဘက်ကိုတွဲလောင်းချထားလိုက်တယ်။
ကြက်သားမူန့်အထုပ်ကိုပါ တစ်ခါတည်းရောချည်ထားတဲ့
ငယ့်ပုံစံက ဆန်တာ လက်ဆောင်ထုပ်ထမ်းလာနဲ့
တူနေပမယ့်လည်း...မတက်နိုင် အစ်ကို့ကို ရသလောက်
ကာထားနိုင်ရမည်။
"အစ်မ ငွေရှင်းတာမျိုးမဟုတ်ရင် ဖယ်ပေးပါလား ဒီမှာ....အထုတ်တွေအရမ်းများနေလို့...အဟင်း "
နှစ်လိုဖွယ်ကောင်းအောင်ပြုံးလျှက်သာ...
အသံကိုအောက်ဆုံးအထိနိမ့်၍
ပြောလိုက်ပေမယ့်လည်း...
မျက်လုံးတွေကတော့
" အစ်ကို့ကိုဆက်ကြည်နေရင် ငယ်ဆက်သည်းမခံတော့ဘူး "
လို့ပြောနေသယောင်...။
"ခဏလောက်စောင့်ပါဦး...ဒါလေးရှင်းပြီးရင် ပြီးပြီ...ရှေ့ကလူလည်းမပြီးသေးဘူးမလား "
