Stay By My Side

ခင်ဗျားကိုမမြင်ရလေ ကောင်းလေဘဲသိလား ?

နိုးလာတာမကြာသေးတာကြောင့် Mingyu သေချာလှုပ်ရှားလို့မရ အစာမာမာတွေလည်းစားလို့မဖြစ်တာကြောင့် Seokmin ရဲ့မေမေထည့်ပေးလိုက်တဲ့ ဆန်ပြုတ်ကိုဘဲအားကိုးနေရသည် ။ သူငယ်ချင်းလေး Seokmin ကတော့ Mingyu ဘေးနားကနေ တစ်ဖ၀ါးမှမခွာဘဲ ဆန်ပြုတ်တွေတစ်ဇွန်းပြီးတစ်ဇွန်းခွံ့နေသည်။

" Kim Mingyu နောက်တစ်ခါမင်းစိတ်တိုင်းကျမလုပ်နဲ့နော် နောက်ကလိုက်ရှင်းရမယ့်ငါကမလွယ်ဘူးကွ ..ဟွန်း ..."

"အေးပါ နောက်မဖြစ်စေရဘူး ...

" ဟက်.. ပြောလိုက်ရင် အဲ့တိုင်းကြီးဘဲ ပြီးရင်လုပ်ချင်တာလုပ်တာဘဲကို ကျက်သရေကိုမရှိဘူး .."

Seokmin စိတ်ချမ်းသာအောင်ပြောပေမဲ့ သူ့အကြောင်းကိုသိနှင့်ပြီးသားဘဲမလား.....
ထိုအချိန်တွင် Mingyu ကိုဆေးသွင်းပေးရန်အတွက် nurse ရောက်လာသည်။ nurse၏အနောက်မှာတော့ သူသတိရခါစကတွေ့လိုက်ရသည့် Dr.Jeon .....

"ဆန်ပြုတ်တောင်သောက်နိုင်နေပြီဘဲ တဖြည်းဖြည်းသက်သာလာမှာ စိတ်မပူနဲ့နော် ...."

ကရုဏာအပြည့်နဲ့ပြောနေတဲ့ Dr ရဲ့မျက်နှာကို Mingyu စိုက်ကြည့်နေမိသည်။ သူနဲ့ရင်းနှီးနေသည့်မျက်နှာပင်....သို့သော်ဘယ်လိုမှပုံဖော်ကြည့်လို့မရ...ဆေးသွင်းနေရင်း အရေးပေါ်လာခေါ်တာတာကြောင့် Dr Jeon ကအရင်ထွက်သွားသည်။ Nurse ကိုမေးကြည့်မှဖြစ်မယ်....

" ဟိုလေ ဆရာမ ခုနက Dr ကကျွန်တော့်ကိုကုပေးခဲ့တာလား ..."

" Dr.Jeon လား ? ဟုတ်တယ်လေ သူကဒီဆေးရုံမှာအတော်ဆုံးခွဲစိတ်ဆရာ၀န်ဘဲ..
ဒီကလူနာလဲနေတုန်းကဆို Dr ကတအားစိတ်ပူနေတာလေ ပုံမှန်ထက်ပိုပြီးတော့ ဟိ .."

" ဒါနဲ့ အဲ့ Dr နာမည်ဘယ်လိုခေါ်လဲဗျ ? ကျွန်တော့်ကိုအများကြီးစိတ်ပူပေးထားလို့နာမည်တော့သိသင့်တယ်ထင်လို့ပါ ..."

" Dr နာမည်က Jeon Wonwoo လေ အရမ်သဘောကောင်းတဲ့ဆရာပေါ့ "

" Jeon....Jeon Wonwoo ....တဲ့လား !! မဖြစ်နိုင်တာ ငါဒီလောက်မုန်းနေတဲ့သူလား သူက..သူကငါ့ကို ...ကယ်ပေးလိုက်တာလာ..??  "

မဖြစ်နိုင်လောက်ဘူးတွေးနေပေမဲ့ တကယ်ဘဲ Jeon Wonwoo ဖြစ်နေခဲ့တာပေါ့ ၁၃ နှစ်ကျော် ဝေးကွာနေခဲ့တော့  Wonwoo ရဲ့ရုပ်ကိုသူမမှတ်မိခဲ့တာ ပြန်တွေ့ရတော့လည်း သူ့ပုံစံက သနားစရာကောင်းလွန်းနေပြန်တယ်။