Stay By My Side

" ကျေးဇူးပြုပြီး Hyung တစ်ယောက်ထဲကိုပဲ ယုံကြည်ပေးပါ "

စတီယာတိုင်ကိုင်ထားတဲ့ Wonwoo ရဲ့လက်တွေတဆတ်ဆတ်တုန်လာသည်။ လူတစ်ယောက်ကို အရုပ်လိုကစားပြီးဘာမှမဖြစ်သလိုထွက်သွားပြီးမှ အခုပြန်ဆက်သွယ်တာ ဘာအချိုးလဲ ??
သူလုပ်ခဲ့တဲ့ကိစ္စတွေကိုမေ့ချင်ယောင်ဆောင်ပြီး ph ခေါ်တာဟာ မျက်နှာပြောင်တိုက်လွန်းတယ်မဟုတ်ဘူးလား ??
လေသံကို အတတ်နိုင်ဆုံးတည်ငြိမ်အောင်ထိန်းချုပ်လိုက်ပြီး.....

" ဘာကိစ္စလဲ ? "

" တော်သေးတာပေါ့ မေ့နေပြီထင်တာ ကျွန်မ မနက်ဖြန် ကိုရီးယားကိုရောက်မှာ လာကြိုပေးလို့ရမလား ??

" ငါမအားဘူး ..."

Wonwoo ရဲ့ ခပ်ပြတ်ပြတ်လေသံတွေကို သဘောပေါက်သင့်နေပေမယ့် အရှက်မရှိစွာနဲ့ဘဲ သူပြောချင်တာကိုပြောနေသည်။

" ရပါတယ် ဒါဆိုလည်း ကိုယ့်ဟာကိုလာခဲ့မယ် စောင့်နေနော် "

" Seo Yujin ဒီကိုလာပြီး ဘာတွေမွှေအုန်းမလို့လဲကွာ "
_______________________________________

Ph vibrate ~ ~

" အင်း Wonwoo ပြော "

" Seo Yujin ပြန်လာတော့မယ်တဲ့ Hyung "

ချစ်ရသူနဲ့အတူစားနေတဲ့ ထမင်း၀ိုင်းမှာ မကြားချင်ဆုံးသော သူရဲ့နာမည်ကို Wonwoo ဆီက ကြားလိုက်ရသည်။ Seungcheol မျက်ခုံးတွေတွန့်ကျိုးသွားပြီး ဒေါသအရိပ်အယောင်က မျက်နှာတစ်ခုလုံးကို လွှမ်းမိုးလာသည်။

" သိပြီ Wonwoo "

ဖုန်းချပြီးနောက် အတန်ကြာတိတ်ဆိတ်နေမိသည်။ ကျေးဇူးပြုပြီး နောက်တစ်ခေါက်တော့မလုပ်ပါနဲ့

" Wonu ဆက်တာလား ? ဘာဖြစ်လို့လဲ Cheol ? "

" ဟင် !! ဘာမှမဟုတ်ပါဘူး Hannie ရဲ့
Wonwoo က ဒီအတိုင်းဆက်တာပါ "

ပါးချိုင့်ရေးရေးလေးပေါ်နေတဲ့ ချစ်ရသူရဲ့ အပြုံးနဲ့တင် Hannie အရာအားလုံးကို စိတ်ချနိုင်သည်။ Cheol ရဲ့စကားဆို မျက်လွှာလေးချပြီး ယုံကြည်တတ်တဲ့ Hannie ဆီမှာ Cheol ရဲ့အကြည့်တွေမခွာနိုင်
ချစ်ရပါသောလူသားလေးကို အန္တရာယ်ပေးမယ့် ဘယ်သူ့ကိုမဆို Cheol ဒီအတိုင်းထားမှာမဟုတ် အခုတော့ ပိုလို့တောင် ဂရုစိုက်ရအုံးမည်။