Stay By My Side

Wonu hyung ကငါ့ထက်သူ့ရည်းစားကိုပိုချစ်မှာပေါ့

ဟိုတစ်နေ့က Seokmin ပေးသွားတဲ့ အမှုတွဲဖိုင်ကိုကြည့်နေရင်းနဲ့ Mingyu ဘာဆက်လုပ်ရမှန်းတောာင်မသိတော့ဘူး သက်သေတွေအကုန်လုံးဖျောက်ဖျက်ခံထားရပြီး တရားခံဘယ်သူမှန်းအစရှာမရတဲ့ ဒီအမှုကိုဘာကြောင့်များစိတ်၀င်တစားဖြစ်သွားရတာပါလိမ့်
သူများတွေလက်လျှော့ထားတဲ့အရာမျိုးဆို Kim Mingyu တို့ကရအောင်လုပ်ပြချင်သည်။ အခုလည်းမူးယစ်ဆေး၀ါးတွေတန်ချိန်ပေါင်းမနည်းဖမ်းမိထားပြီး အဲ့တာကလည်း မှောင်ခိုစျေးကွက်မှာပထမဆုံးအကြိမ် ပမာဏအများဆုံးစံချိန်တင်ဖမ်းမိခဲ့တာ ဒါပေမဲ့ တရားခံကဘယ်သူမှန်းသဲလွန်စပိစိလေးတောင်မရှိဘဲ လုပ်သွားတဲ့သူတွေကပိရိလွန်းနေသည်။ ဆက်စဥ်းစားရင်ခေါင်းကိုက်တာဘဲရှိမယ်။ ညလည်းနက်နေပြီဆိုတော့ အိပ်ပျော်အောင်တော့အိပ်ရမှာဘဲ ဒါပေမဲ့ ဒီအမှုတွဲအကြောင်းက Mingyu ကိုမေးခွန်းပေါင်းများစွာနဲ့ အိပ်မပျော်အောင်လုပ်နေပြန်သေးသည် ။

______________________________________

" Aigoo..ငါရဲ့အားကိုးရတဲ့သူငယ်ချင်းလေး Lee Seokmin ဒီတစ်သက်အိပ်ယာကထဖို့အစီအစဥ်ရောရှိရဲ့လား ဟမ် ???"

ဆေးရုံမှာအနားယူနေရတဲ့ Mingyu ထက်ပိုပင်ပန်းနေတာကတော့ အကောင်းစားသူငယ်ချင်းလေး Seokmin ပါ။ Mingyu ဘေးနားမှာတစ်ချိန်လုံးနေနေရတော့ သူလည်း အပြည့်အ၀အနားမယူနိုင်ဘဲ ရတဲ့နေရာမှာ ဖြစ်သလိုဘဲ အိပ်နေရင်း Mingyu ကိုယ်တိုင်အော်ခေါ်ပြီးနှိုးရတဲ့ အဆင့်ထိ

" အမ်.. ဘာလဲ ?? နိုးနေပြီလား ...
ပြန်အိပ်လိုက်အုံး အစောကြီးရှိသေးတယ်
၀ါး ~ ~ ~ "

ဆက်နှိုးနေရင်လည်းထမှာမဟုတ်တာကြောင့်လေကုန်ခံပြီး နှိုးမယ့်အစား ကိုယ့်ဟာကိုနေတာကဘဲပိုကောင်းသည် ။ အစောကြီးနိုးနေတာကြောင့် Mingyu ရဲ့အတွေးတွေကဟိုရောက်ဒီရောက် ...
ပြတင်းပေါက်နားမှာထိုးထားတဲ့ ပန်းလေးတွေကိုတွေ့တော့ Wonwoo hyung ကို
သတိရမိသည် ။ သူ့ရဲ့စာကြည့်စားပွဲနားမှာ အလှပန်းအိုးလေးတစ်အိုးအမြဲတမ်းထားတတ်တာ ဒါမှမဟုတ်လည်း ဘွန်ဇိုင်းပင်လေးတစ်ပင် အပင်လေးတွေရှိတာက စိတ်ကိုကြည်လင်စေတယ်ဆိုပြီးတော့ပေါ့ ဒါပေမဲ့ Mingyu ရောက်သွားတိုင်း ပန်းအိုးကကွဲရင်ကွဲ ဒါမှမဟုတ် အပင်တွေကျိုး တစ်ခုမဟုတ်တစ်ခုကတော့ဖြစ်စမြဲဘဲ ဂနာမှမငြိမ်တာ စာလုပ်နေတဲ့ Wonwoo ပေါင်ပေါ်တက်ထိုင်ပြီး သူသိတာလည်းမဟုတ်ဘဲနဲ့ စာတွေလျှောက်မေး သူမေးသမျှပေါက်ကရမေးခွန်းတွေကိုမငြီးမငြူဘဲ စိတ်ကျေနပ်အောင်ဖြေပေးရတဲ့ Wonwoo မဖြေဘဲနေရင်လည်းစိတ်ကကောက်သေးဆိုတော့
တကယ်တော့ Wonwoo ကို အကိုရင်း Junhui ထက်တောင်ပိုပြီးကပ်ခဲ့တာ