يمامة نرسيس

مشهد

                                    يمامة نرسيس

                               بقلمي عذراء الساعدي

                               
..............                                    

طلعت من المدرسه ميته من التعب والشمس صكعت راسي

صكع يا بويه بعد وراي شغل البيت والكرب الزين والنوب

تعاي اقري

شلون بيه شيخلص اليوم شوكت يجي الليل

حتى اخلي راسي عالمخده وانام

منطقتنه فارغه ودنيا ضهر

توني طبيت بيهه واشوف خيال احد يمشي

وراي كلبي وكع بالكاع من الخوف

وخاصه من اتذكرت كلام جدتي من كالت هل ايام

جايتنه سالفه جديده

يخطفون البنيات يغتصبونهن ويطلبون فديه

ومن اهلهن يطون يشمرون البنيه

مكتوله بابهم

توني سرعت مشيتي وصاح عليه جمدت بمكاني

انداريت عليه ولد طويل وضخم ولابس كله اسود ولاف وجهه

بالشطفه وبيده سجينه
.........

طلعت اسحل برجلي سحل

وصار بوجهي ضحكته شكت حلكه هاي كل ما يشوفني هيج

مشيت وتعديته بلا ما اسلم عليه

اليوم ضايجه من اول ما كعدت وروحي صايره بخشمي

كام صاح وراي

شدعواج يابه تباوعيلي بالعين الزغيره

السلام لله يبنيه

باوعتله وغمضت عيني اليسره

وكتله من وره خشمي

اليسمعك يكول صار سنه مشايفتك شحال لو ما يوميه

جافت علينه بعد شكو دا اسلم والله يا الله

عفته ومشيت للغرفه

وطبكت الباب حيل وكعدت شويه وسمعت صوته سلم وطلع

صاحت عليه جدتي كمت اشوفهه

بس فتحت الباب استلمتني

شمالج شجاج ولج شكالج الولد حتى هيج تحاجينه

جي فقير السانج شطوله وياه

بعدين موزين مكلبج شو شحلاته هو

شقصدج مو زين مكلبج يجده جي عرجه مو

ما كلت هيج انه

اله كلتي بس بطريقه غير مباشره هاي اذا انتم اهلي وهيج

تباوعولي جا الوادم الغربه شلون

عمري هذي مشاهد من القصه الجديده ان شاء

الله ابلش بيهه بعد بين قضبان الجحيم

اذا يعجبكم تقروهه ضيفوهه لمكتبتكم