يمامة نرسيس

التاسع والثلاثون

يمامة نرسيس

بقلمي عذراء الساعدي

من كال لعمتي تردين شي من برة انه طالع بشغلة

اشو الخلقة نكلبت

اللهم لا شماتة هههه

سعاد كلتلة وين خوية جا ما تتعشة

لا ما جوعان وعندي شغل مستعجل يلة في امان اللة

طلعت وراة هم رد وصاني ما اكل

ضل الشيطان يوسوسلي ليش هيج لح علي ما اكل شي

وهو خله وطلع شني سحارات هنة

يماا اللة يبعدنة عنهن

خليت ايدي على بطني وكلبت الخلقة وطبيت شافتني عمتي

عفشت وجهه وسألتني شبيه كتلهه مادري توجعني

شهلاء صاحتني اكعد اكل وياهن

لا حبيبه بالعافية ما اريدن اسم اللة عليج بطني موتتني ما اكدر

اكل شي عاطت شهلاء من يمهة

خاف حامل يمعزاية

جا واذا حامل شتردين منهة يخالة شني حبلة من صاحبهة

غير مزوجة هية

اي ادري حبيبة بس بعدهة زغيرة ومو مال حبالة

لا خالة مو زغيرة مرة بعشر نسوان لا تشوفينهه نويعمه تراهة

تعجبج وبعدين وينهة حبلة على اواة

جا يوم المنا بس توهة غاسلة

ها اي احسن خلي تعديلهه سنة سنتين

اللة كريم

فاطمة انه ضالة مثل الاطرش بالزفة هنة يسولفن وانه اعاينلهن

اريدن اعرف هاي شمالهة وشعدهة وياي

احسن روحي شايفتهه سامعة صوتهة مو غريبة عليه مألوفة

وبنفس الوكت ابد كلبي ما مرتاح الهن

ترخصت منهن ومشيت صعدت من صدك وجعتني بطني

كمت احس سجاجين وتكطع بيهة

بس طبيت شمرت روحي ونمت لحد ما اجة محمد كوة

شلعني من الجرباية حتى اتعشة غصبت روحي

كلتلي لكمتين وكمت

هاي شبيج يابة اشو مسنحة

مادري شو بطني توجعني

خاف اعراض الدودو

هههه لا مو هيه

جا شبيج

اندري

دنامي بوية نامي لا احصلي كتلة

انه مشيت مددت وهو شال الصينية ونزل نص ساعة ورد صعد