يمامة نرسيس

السادس عشر

                                   يمامة نرسيس

                             بقلمي عذراء الساعدي

🌺🌺🌺                                

بهيدة يچويات العمر

             تاهت ملامحنه

عريان السيد خلف

...............................

حسين صدك تحجين لو ناصبه علي بروح ابوجج

يمامه وروح ابوي احجي صدك

حسين وليش ساكته متكليلي

يمامه خفت احجي والله. عافني ومشه طاير وانه امشي وراه اريد

الحك بي ماكو

الحد ما طبينه بدربونتنه اشو هذه طب لبيتهم وسد الباب

تانيت شويه عبالي راح يرجع يطلع

تالي ايست وطبيت لبيتنه

بعدني ما نزعت هدومي وندك الباب سمعت صوت عمتي ام حسام

سلمت وسالت عليه طلعت الهه بوستهه كالت امشي البسي

حتى نروح للصالون نحجز بدلات ونشوف شتسويلج شعرج

طبيت لبست شالي واخذت عباتي وطلعت

مشت ويانه وسن امي كالت انه مابيه حيل تعبانه

والله اختاريتلي بدلتين مالت الحنه ذوق وسن وعمتي جان لونهه

احمر وبدله العرس على ذوقي

وشعري كالت على باجر نميشه الج وردينه للبيت

بالرغم اكو خوف بداخلي بس هذه ما منعني افرح واتخيل روحي

بالبدله وحسام واكف كدامي يعاينلي فرحان

من قرب الوكت والتهيت بالتحضيرات نسيت كلامهه اصلا

او يمكن تناسيته

ثاني يوم رحت للمدرسه

ومن حليت بس بدلت واكلت كعدنه انه ووسن نرتب

بملابسي بالجنط للثنتين ونص كمت بدلت

وطلعت من شافتني امي كالت بعد انتي راح تعرسين وما بقه

شي بعد لا ترحين كعدي ارتاحي ييماا وراج تعب

ميخالف حبيبه بس اليوم اروحن وحتى هم ابلغنه انه بعد

ما اجي حتى يدورله غيري

هيه بعد ما حجت كامت لبست وخذتني وصلتني وردت

وانه فتحت والتهيت بالمحل

لحد ما اجه وقريب ما جاي اطلع كمت حاجيته

جان كاعد عالمكتب مدنك راسه تحمحمت يله باوعلي وهز راسه ها

خويه انه بعد ما اجي راح ابطل