يمامة نرسيس

البارت السادس والثلاثون

يمامة نرسيس

بقلمي عذراء الساعدي

❤️❤️❤️

رحت عالسريع غسلت وبوجهي للمطبخ سويت ريوك واخذته

لكيت وسن كاعده يمهه وتسولف

بالكوه خليتهه تاكل والله تونه خلصنه وندك الباب

اجت امهه كالت خلصت شغلي بالبيت وجيت عليكم جايبه

هدوم بتهه كلتلهه بدلي هنا وي خواتج

وره الصلاه طبن هيه ووسن بدلن وانه ظليت احضر بالصواني

والنوب حطيت الكيك بالمواعين

كملتهن وطبيت سبحت وطلعت هنه شافني وسحلني للجربايه

هاي تسوي بشعري وذيج تمكيج بيه وبس اعترض

يحمسني تالي سكتت وكعدت

للثنتين واجن البنات طالعات جنهن لعبات

وبدت الجوارين تجي ولهناك واجو اهل محمد وهو ماطب ظل

بره ظلت عيني عالباب جا بيت خالي وين

اشو جن ماعدهم عرس حتى صوت ماكووو

اشو كلبي خمشني خفت شنو الفلم

مو عوايد سليمه تضم راسهه خاف صاير شي مو زين دخيلك ربي

فطنت امي عليهم ومشت الهم لهناك وردت

وجهه ما يتفسر كبل طبت لغرفتهه

لحكتهه بليه ما ينتبهلي البنات

هاا يمه الله يستر شكوو تبجين صاير شي

ولج يمه حسين على اساس هو من الصبح طالع وراد لاهله

وهسه يخابرون عليه ماكو

لو تشوفين خالج وجهه غادي اصفر ويرجف عليه

ماكو شي لتخافين خاف ازدحام هاي هسه يجي وداعتج

ان شاء الله كومي حبيبه انتي طلعي يم الوادم

انه هسه شويه واجي وراج

صار ادللي

طلعت منهه وانه كوه امشي خفت اي هسه تكولن جا وحجيج توه

هذه الحجي كلته حتى اريح كلبهه ولو ادري

هيه ما مقتنعه بي اصلا

كعدت يم وسن وصفنت على بهراء شلون مكيفه اخذت التحبه

ياربي لا تكسرهه وتمم فرحتهه بجاه محمد وال محمد

الوادم ملت ومحمد ما مهتم وجهه على فاطمه

ويسولفون بس بهراء بدت تتغير ملامحهه وانه

والله توني جاي افقد الامل وطبو علينه يهوسون هو وابوو

وجم وحده من حبايبهه وراهه