يمامة نرسيس

البارت الرابع والثلاثون

يمامه نرسيس

بقلمي عذراء الساعدي

❤❤❤

حاولي تحبينه مثل ما حبيتي حسام الله يرحمه

انسي الفات انتي بت اليوم

عيشي حياتج الدنيا متوكف وره احد كلنه نموت واذا كل البنيات

سون مثلج جا من زمان البشر نقرضت

وخلصت القروده من الكره الارضيه

هههه عود ليش تسمين الوادم قروده

مو كلهه قروده بس الاغلبيه الموزينين هذول من صنف القرود

امثال سليمه وعقيل وامه

عوفج منهم وكومي وصيري قويه انه ماعرفج ضعيفه

انه قويه بيج ودامج انتي بضهري انه ماكو شي يضعفني

الله يحفظج ويسعدج ويستر عليج

ويحفظج النه حبيبه

ومنا قررت اسمع كلام امي واطي فرصه النرسيس والي

حتى ابدي من جديد عسى ولعل الكه السعاده الظيعتهه

ضغطت على روحي ورديت وكفت على رجليه وذبيت حمولي على

رب العالمين وكلته امري

ثاني يوم امي اخذت بهراء وفاطمه ومشن للسوك

تكمل نيشانهن انه كاعده مكابله جدتي صارت بيه سوله  كلساع

ادنك اسمع دكات كلبهه وابوسنهه النوب

صفنت بسالفه وسن اشو هذه ذبهه عالصامت ولاجنه بالبدايه

كتل روحه عليهه ومرتين وده علينه خالته

من جانت جنه عد ابوهه واحنه ماطلنه كلنه لحد ما ترد جنه يله

اشو اجت البنيه وهمه اختفوو

خرب حضج يوسن مصخم من يومه كمت الملم بالبيت

صار كم يوم هاملينه ومدري منين جاي هل تراب كله بحيث انه

من خلصت صرت انكت تراب

طبيت طلعتلي هدوم وجاي اطبن اسبح وندك الباب وسن ملتهيه

وي بتهه كلت ذن اكيد امي والبنات حطيت الشال

على راسي ومشيت فتحته صدك ويصير نرسيس بوجهي

يبووي عالفشله الولد صفن عليه وانه حرت وين اظمن روحي

سلم ومد ايده لازم صينيه بيهه مالذ وطاب

هاي الوالده دزته

هاا ليش معذبه روحهه خطيه

بالعكس ماكو لا عذاب ولا شي هوايتهه الطبخ اصلا التكول عدهه

مطعم شيعجبج تسويلج

الله يحفظهه الكم

ويحفظ امج شنو محتاخذينهه مني