يمامة نرسيس

الخامس والاربعون

يمامة نرسيس

بقلمي عذراء الساعدي

❤❤️️❤️

شصار شهلاء ابوهة سحلهة سحول وسعاد اخذت القاسمة

اللة من خالي وكالهة بعد اذا عتبتي باب

البيت رجلج اكسرهة

وجدة طاحت علينة النوب احتارينة بيهة

وهاي صار جم يوم احنة مخبوصين من وراهن

حسبي اللة ونعم الوكيل خل اكومن المن غرفتنة تردين شي

لا سلامتج

فاطمة طلعت منهة احمد ربي واشكرة مشيت لغرفتنة

نظفتهة النوب مسحتهة بماي وملح

وشغلت قران بيهة وطلعت مسحت البيت كلة

صارت بية خوفة

نزلت السطل والوصلة وطبيت للحمام غسلت ادية

وطلعت جاي اصعد انزلي

هدوم اطبن اسبح

واجاني صوتة من ورة شسوين هنا شجابج

انداريتلة فكيت عيوني على وسعهن هذة مو محمد كلة

متغير بس صوتة هوة ولو ما حاجي ما اعرفنة

رد عاد سؤالة شسوين هنا وشجابج

شني شسوي بيتي ورديتلة

بيتج

اي بيت رجلي يعني بيتي

ضحكتيني واللة رجلج مو ردتي يطلكج ونهزمتي منة

ايام هو يدور عليج مثل المطي

ومن يرد للبيت يكول بعد ما ادورهة خل تولي

وارجع اسوي نفس البارحة الحد ما طحت على وجهي عاجز

ما كدر اسوي شي

مو بيدي من طلعت واللة بعدين انتة ما تدري شسويت بية

وشلون كسرت كلبي

اي انة هم جنت مو بيدي الاسوي

دام هيج سامحني وخل نبدي صفحة جديدة

مو بهل سهولة فاطمة صفحتج حتركت وبعد ما تصلح

من الساعة الي تجرأتي وطلعتي من البيت

والنوب ما مشيتي لاهلج مدري وين اطيتي وجهج

بالامام جنت وروح ابوي جنت اشتغل مفتشة واكل واشرب

بغرفة التفتيش واذا ما مصدك اخذنك واتاكد بنفسك

ما يحتاج ويلة امشي رجعي منين ما جيتي

ما اطلع منا انة ما اجيت حتى اردن

وانة ما اريدج بعد

مو بكيفك