يمامة نرسيس

الواحد والعشرون

                                    يمامة نرسيس

                               بقلمي عذراء الساعدي

♥♥♥                                         

تباوعولي جا الوادم الغربه شلون

وصدك من طبيت لغرفتي كعدت وصفنت بيهه

موزين مكلبني اشو هو ما عايزه شي

وانه اتعزز عليه وتذكرت امه سليمه الي ما تصيحلي

باسمي كله اجت العرجه راحت العرجه

كرهته على كرهه امه بالرغم هو ما شفت منه اله كل خير

الوو وين صفنتي شني الهل درجه سؤالي صعب

وماله جواب

ما صفنت بس انه هيج جنت اكرهه العالم كلهه مو بس انته

وهسه؟

انته شعليك عوذه يلة روح اريدن انزل  انامن

نوم العوافي بويه 

يمامه نزلت اركض كبل لا تنزل وتشوفني

بس تحلفت بحسين شلون هيج يتختل بيهه الوادم

شتكول علينه رايدهه تعال ودك بابهه

طبيت لفيت راسي تانيتهه نزلت وبعد انه غفيت

الصبح من طلعت لكيته بالباب خزرته ومشيت

ايابه شبيهه الصخله تخوزر بيه

نداريتله كتله راجع روحك وتعرف شمسوي انه ماراح احجي

ولا اعاتب جنت ناويه اتعارك بس بطلت

خليته وجهه كام يضرب الوان

وعفته ومشيت للسوك  والله توني فتحت المحل وكعدت

وما احسن اله رجل وسن فوك راسي

اتعوذت من الشيطان لان انه متحمله عليه هواي بس

مو وكتهه جي انه بالسوك وبمكان شغل

بالبداية حجه على كيف ومن شافني ما عبرته ولا اطيته

مجال ظل يعربد على ابو

انه اريدن مرتي وهيه جتكم زياره وانتو عصيتو بيهه

ومن هذا الحجي الفارغ

اكلك مرتك ما جتنه زياره لا تغشم روحك خوش

اجتنه مكتوله ومزوركه وجهه ما يتباوع بيه وبعدين وين اكو

خطار يجي من السته ونص

تره اجت شارده منك ومن حيونتك

احترمي نفسج ولا تجاوزين تره تصير مو زينه

نفسي احترمهه وي المحترم والي يستاهل ويجبر الواحد يحترمه

بس انته حتى ما تستاهل اظيع وكتي وياك