يمامة نرسيس

السادس والاربعون

يمامة نرسيس

بقلمي عذراء الساعدي

❤️❤️❤️

سلمنة عليهة وطببتنة

جوة كلهم نايمين النوب شكد استحيت جايينهم غباشة

الولد سلم وطفر وامي كعدت تسلم وي عمت فطم

وعينهة عليهة

ما قبلت نكعدهة

الحد ما هية فزت من وحدهة وشافتنة اشرتلي اكومنلهة اكومهة

استغربت جا هية شبيهة

من اوخر الغطة واشوفن رجلهة مصبوبة وامي لطمت

على صدرهة

راسن ام محمد كلتلهة لا يروح فكرج بعيد

والحسن هية عثرت بالدرج وطاحت

امي عاينت لفاطمة تتأكد وفطيم هزتلهة براسة يعني اي

وكعدت تسولف عليهم من اخذوهة للمستشفى

شوية ضحكت امي يلة سكتت

ضلينة يمهم ردت بس احاجيهة على صفحة افتهم منهة

شصار وصدك هية طايحة لو هو طاكهة

بس امة ما طلعت من يمنة

تالي ترخصنة وطلعنة لكيناة واكف بالباب هو ووياة ولد

امي كلتلة بلة يمة ارد احاجيك بشغيلة

احجي يمة ماكو غريب هذة ابن عمي

اللة يخلي لاهلة

مشكورة حجية ويحفظلج بنياتج

اكلك يمة محمد امانة اللة والرسول فطيم هية طايحة لو انتة

ضاربهة بداعة امك

افاا  مو انة الاطكن حرمة ومو اي حرمة ام بيتي

صدك تحجين

جا انتة ما شفت روحك من جنت تجي تهدد بينة

جنت اجي احجي هيج من حركة كلبي

كلت بلكي موجودة عدهم وضامة روحهة ومن تسمعني تطلع

يعني هسة مو انتة الطاكهة

عذرا عالتدخل بس انة جنت عدهم واصلا هية طاحت من وراي

ها شلون

هاي يا خالتي انة جيت عليهم وفلشت الباب ومحد طلعلي

وجيف همة اهلي فتحت الباب وطبيت

وهية من شايفتني رايحة تركض وزالكة وصار الصار

الحمد للة هسة ارتاح كلبي

وانة زعلت عليج

جا يمة مو حكي اخافن عبن انة امهن وابوهن ودامني

اشم الهوة وبية حيل ما اخليهن ينهانن

محمد ما عاش اليهينهن