يمامة نرسيس

البارت الثامن عشر

                                   يمامة نرسيس

                              بقلمي عذراء الساعدي

❤❤❤                                   

طلعتني بهراء بالكوه رديت للبيت امشي على رجليه

واكولن انه جذب ما احبنه لو احبه جا متت وراه

مثل امه تلكتني امي تعتب علي ليش رحت بليه ما اكلهه

وانه مابيه ارد عليهه....

الايام مشت واجت اربعينه

رحت وياهم وبس شفت صورته عالقبر طحت لا وصلتله

ولا حاجيته بيومهه

ومنا بعد ظميت حزني بكلبي وقويت روحي لخاطر اهلي

فتره ويصدموني اهل حسام بايعين بيتهم

ويردون يشيلون للبصره رحتلهم متخبله ابجي واعاتب بيهم

ردتهم يبطلون بس ما رضو

كالو نريد نهج البيت يخنكنه من نطبله وهمه ماكو

بكل مكان نتخايلهم بي

عذرتهم وحقهم رحتلهم ساعدت البنات بلم غراضهم

وعيوني ما نشفت

ظليت وياهم لحد ما كملو وشالو وهم اخذتلي يومين نعزلت

والنوب رديت من جدتي طاحت علينه

باليل ركضت لبيت خالي لا حسين ولا خالي موجودين

فزعت الجيران اخذوهه ومشت وياهم امي

وللصبح وهمه ما رادين

كلساع اريد اطلع الحكهم ووسن مجلبه بيه

للثمانيه وطبت امي وجهه مزلغ انه شفتهه وصرخت ما بيه

حيل لوعه ثانية وهيه سوده عليه

ركضت عليه تكلي والله عدله ييما شمالج

جا ليش هيج مسلغه وجهج عبنهه عايشه

ضاربتهه جلطه طلعت ونشلت عمت عيني عليهه

الف الحمد الله المهم تجر النفس

وصلت المرحله عدي اقبل كلشي بس المهم عايشين الاحبهم

وكدام عيني

ضلت جدتي اسبوع بالمستشفى وفلسنه بحيث الربع شني

قيمته احنه ما نملكه حسين ما جان هنا

وخالي من الباب يجي يسال ويروح وبت وسن تبجي

تريد ربع تشتري معلمتهه امي

يوميه تاخذهه تشتريلهه طبيت للغرفه طاقتي خلصت وعلي

كعدت بالنص ابجي حسام راح مدرستي عفتهه

جدتي نشلت وفوكهه ماعدنه مصرف