يمامة نرسيس

البارت الحادي عشر

                                    يمامة نرسيس

                                بقلمي عذراء الساعدي

❤️❤️❤️                                    

هيه مو فركه

          وجرح خاطر يطيب

هيه كسرت خاطر

                   وشامت ضحك

🌸🌸🌸             

والله توني سديت الباب وانه امشي نزعت عباتي

وما احس اله صوت رمي بابنه

يابه متت جيت اطلع وامي ركضت علي ولزمتني

خاب يمه عوفيني حسام بالباب شبيجج

فقدت كمت اصرخ اريد

اخلص روحي منهه ماكو نوب طلعن البنات وياهه جلبن

بيه بنص هوستنه وجان يوكف الرمي

واجانه صوت واحد

يصيح لك حسين ال** اطلع اذا انته زلمه وعلي اله

احط جيله براسك وانعل والديك

ووالدي اليطلع وراك يا ناقص غيره يالخوان

امي عافتني ولطمت على صدرهه

واحنه وحده صفنت بوجهه الثانيه وجدتي كاعده بمكانهه

مابيهه تكوم م̷ـــِْن الهبطه

وتصيح الله يجفينه شر التايهات يمه شام

بس لٱ حسيونه الطايح بهل بلوه

يمه مت عيني راح الولد

تدخلت الجوارين وراحت العالم الهاده

وامي ما صدكت وطلعت تركض تشوف شكو وانه ركضت وراهه

مديت راسي شفت حسام واكف يم امي

يحجي وياهه

مدري شلون انتبهلي عاف امي واجه عليه

اشرت للبنات يطبن وفتحتله الباب

ولج شسوين واكفه بالباب ولشارع متروس زلم

ما تكليلي

وعلي خفت عليك م̷ـــِْن سمعت الرمي جيت اطلع لْـۆ ما لزمني

امي والبنات

ايابه هيج تحبيني

اي جا غير انته رجلي وراح تصير ابو جهالي

خاب اروح فدوه الجهالي اليجون منج

يمامة

عيونهه

روحي م̷ـــِْن كدامي بويه وسلمي على رويحتج

هاااا

طبي بويه طبي وبعد لٱ تطلعين خوش