يمامة نرسيس

الرابع والعشرين

يمامة نرسيس

بقلمي عذراء الساعدي

♥♥♥

خلص النهار وعده الاذان وهمه ماكو  كلت هذا جذاب

يضحك عليه والله هنه صبن العشه

وانه سرفنت رداناتي وربعت ودست عالصينيه جني

جاي احارب مو اكل

ندك الباب كامت فتحته تماره طبت ووراهه ثنين نسوان مره

جبيره وبنيه بطول الباب وضخمه  صلوات على محمد

يمكن تاكل متسلق. وحصو  حتى هيج طولها وحجمها

اشو انه اكل الاخضر واليابس ومدري وين يروح

جني عصعوص

سلمت من بعيد وظليت بكعدتي اكل ما تحركت من مكاني

هنه سولفن شويه النوب المره الجبيره كالت

احنه جاين نخطب بنيتكم وانه غصيت بالكمه

والانظار كلهه تجهت عليه

ركضت تماره جابتلي ماي شربته واحس الاكل طلع من خشمي

امي كلتلهه ياهي منهن الرايدينهه ذني

كلهن بنياتي

الله يحفظلج ياهن احنه جايين على فطومه

امي سمعتهه وظحكت والمره صفنت على امي هسه تكول بكلبهه

هاي شمالهه المره

خيه انتي تعرفينهه شايفتهه لو سامعه بيهه فاطمه

لا والله يبعد اختج انه ما شايفتهه بس سامعه بيهه وهل

جيت اشوفنهه واخطبهه

هاي فاطمه الجاي تاكل كدامج

يا فدوه صلاوات على محمد وآل محمد جنهه كتكوته

هسة هاي تمدحني تذمني لا بس الكتكوت حلو

المره نزوت بامي تسولفله على طرزان والبنيه الوياهه

فصلتني تفصل تالي صاحتني اكعد يمهه

كتلهه بس اغسل

كمت جاي اشيلن الصينيه اجيت انجبح على وجهي

همزين ما منتبهاتلي جا صرت مظحكه وعلي

ولحكتني يمامه تخوزر تعرفين ذول الوادم

لا منين اعرفهم انه

جا شو المره تكول سامعه بيج وهل اجت تخطبج

وانه شمدريني ذيج هيه

وروحي حققي وياهه جايتني انه شكو

عافتني ومشت بس ما صدكتني اختي واعرفنهه

غسلت وطلعت كعدت يم البنيه عرفتني بنفسهه هيه اخته

الوسطانيه مزوجه بمنطقتهم