يمامة نرسيس

البارت الرابع

                                    يمامه نرسيس

                                بقلمي عذراء الساعدي

❤️❤️❤️                                     

الحياة لا تـقف على أحد ﯛلڪن القلـﯛب تـَقف على ﻣَن تـُـحب

❤

️❤

️❤️

البنات مكيفات ومتانيات شوكت اكلهن لبسن

حتى ناخذجن تجهزن للمدرسه

وصارت عركه براسي حتى دخت توني جاي اغفه

وفزيت على صوت الصريخ

رج البيت رج

اريد ارفع راسي من المخده نشليت لٱ اكدر احرك ايد

ولا رجل من  الهبطه والصريخ بره مستمر

دخيلك ربي سترنه

شكو شنو صار

شويه يلا كدرت اتحرك كمت ارجف

طلعت والكه وسينه كاعده بالكاع شاكه ثوبهه وشعرهه مملش

وتبجي وامي لازمتهه متخليهه تتحرك

وعاطت بيهه جدتي

خايبه هَــْـِْـْْـِلاّ هسه انتي شفتهمتي وكعدتي تنوحين

عالزلمه وتفاولين عليه يخايبه

كومي خلستي الفرخ* ه

كومن يمه غسلنلهه وخل تبدل ثوبهه

يمامه كومنهه البنات وانه ضاله بوكفتي اباوعلهن بعدني

مرعوبه شهل يوم هذه الخلصته جفلات

كعدت يم جدتي اباوعلهه

وهيه دنكت تسبح وتهز براسهه مراضيه

هَـا جده شكو شصاير شبيهه وسن

يجده رجلهه طاكته سياره وحالته مخطره وخابرهه

حماهه كلهه

يا الحمد الله

ربج ما يضرب بعصه حوبه هل يتيمه اللهم لٱ شماته

ها يجده اشو اشوفنج متشمته مو عوايدج

خلي البلكلب بمجانه احسن الي والج

لان اذا طلع يكسر الكلوب

صار يبعد حيلي بس كليلي البنيه راح تظل هيج تون عليه

خطيه ولو هو ما يستاهل واحد يسويله زين بس ميخالف

  ليش ما اكوم

البس عبيتي واصيح لحسيون يجي

ياخذهه للمستشفى وتروح وياهه امي مو احسن شتكولين

هو انه هم ردت اكلج هيج وانتي سبقتيني دكومي كليللهن خل

يزهبن روحهن وامشي للولد