قسوة و غرام

بارت 2

وصلت هناء إلى منزلها المتواضع بسعادة عارمة و اشترت لأبنتيها كل ما تشتهي الأنفس و بعد وقت جاءها ياسر

ياسر بأبتسامة سميجه : اذيك يا مرات اخويا

هناء بغيظ و كره : ماعتقدش انك جاى عشان تسأل على احوالنا يا ياسر جاي ليه

ياسر بخبث : انتِ نسيتي الايجار و لا ايه يا ام اميرة

هناء : منك لله يا ياسر اتفضل فلوسك ايه و اطلع بره مش عايزة اشوف وشك

ياسر بأبتسامة و هو ينهض يتبعها خبث :خارج بس بكره لو نص فلوس التعويض لو ماجتليش عيالك مش هتشوفيهم تاني انا مش مختوم على قفايا

خرج و تركها تأكل نفسها ظلت تفكر فى حديث رفعت نعم فالمال سوف ينفذ سريعاً لذا يجب ان تدخل معه فى تلك المشروع العملاق من اجل ان تضمن مستقبل بناتها ...شرعت بالأتصال به على التليفون

هناء : انا خلاص فكرت يا متر انا موافقة على انك تاخد جزء من التعويض و تدخلني فيه المشروع اللى هيضمن مستقبل عيالي

رفعت : برافو عليكي يا ام اميرة كده انتِ بتفكري صح انا هعدي عليكي بكره انا و الشريك اللى معانا و هناخد منك الفلوس و نخلص الورق
_____________________________
يمر اليوم و يأتي رفعت مع شريكه و ينجزوا اوراق المشروع و هناء لم تفهم اى شئ هى فقد دخلت معهم بالمال و هم بباقى المال و ادارة المشروع و رحل رفعت بعد ان اعطاها العقد الذي يضمن لها حقها و اخبرها انه فى خلال شهرين سوف يكون لها مكسب كل شهر من ذلك المشروع الضخم و مر الشهران و اصبحوا ثلاثة اشهر لم يأتيها منه اى رد عن المكسب  او الخسارة فأتخذت قراره بأن تذهب له المكتب بعد ان نفذ كامل صبرها

حارس العمارة :رفعت بيه طلع ناصب على ناس كتير و واخد منهم فلوس ياما و الشرطة جت و حققت بس طلع العقود مش مظبوطه و الشرطة خرجته بس.........
يقاطعه صوت رجل حاد : انتِ كمان رفعت نصب عليكي

كانت هناء مصدومة : هو خد مني فلوس على اساس انه هيفتح جيم و هيبقى ليا مكسب اضمن بيه مستقبل عيالى

: لا حول و لا قوة إلا بالله .... خد منك كام

هناء و الدموع تتلألأ بعينها : خد مني 100 الف كل اللى حيلتي 

: معاكي عقد بالكلام ده دلوقتي

هناء مازالت مصدمومه : اه معايا

: منك لله يا رفعت ... بصى يا مدام انا هوديكي القسم نشوف العقد ده تمام و لا لأ و بعدين نطلع على بيته انا عارفه 
_____________________________
صفية كانت تذاكر لأولادها و سمعت صوت عالى بأتجاه باب المنزل فتحت الباب وجدت جمهورا من الرجال

صفية بفزع : فى ايه انتوا مين و بتعملوا ايه هنا

: احنا مين ... أحنا اللى جوزك نصب علينا انا جوزك واخد مني 50 الف جنية على اساس انه هيدخلني شريك فى فتح مطعم