يزن بصدمة : انتِ
ليان بصدمه :انت
يزن : انا ركبت صح و لا غلطت فى العربيه ... بس لأ مغلطش هى نفس اللى فى الصوره
ليان : لأ مغلطش ايوه انا شغاله اوبر .. مأخدش بالك من الأسم انه بنت
يزن : لأ ما ركزتش ...طب ليه بنت زيك تشتغل كده
ليان : ليه بقى ان شاء الله هو الشغل عيب
يزن : لأ طبعاً مش قصدى ....بس اما انتِ عايزة تشتغلى ليه رفضتى الشغل معايا
تبدأ ليان السواقة : ينفع مش أجاوب
يزن : براحتك
ليان : هتروح العنوان اللى انت باعته
يزن : اه ..انا ساكن هناك
ليان : على فكرة مش سألتك رايح تعمل ايه
ظلوا طول الطريق صامتين إلى ان وصلوا اخيراً
يزن : كام
ليان بحده : زى ما مكتوب عندك فى الرحله
يزن بمكر : على فكره سواقتك وحشه و ردك اوحش و ده مش فى صالح التقييم
يعطى لها مال فتأخذه و تضعه بشنطتها بغيظ
ليان ببرود : تقييمك ماطلبتوش و رأيك مش فارق معايا .. يالا انزل
يزن يكظم غيظة : على فكره مروج فوق لو عايزة تشوفيها اطلعى معايا
ليان بغضب :اطلع معاك فين
يزن :و الله ما بكدب عليكي هى فوق
ليان : هشوفها فى الجامعة ... سلملي عليها
يزن : و لو قلتلك اننا رايحين الملاهى ... ينفع اعزمك انك تخرجى معانا
ليان : يا جرئتك ... انت تعرفنى عشان تطلب تخرج معايا
يزن : اعتبريه تعويض عن الفضيحه اللى عملتيهالى و بعدين احنا مش هنكون لوحدنا
ليان بعد تفكير : رايحين اى ملاهى
يزن : رايحين ******
ليان : لأ يا عمنا دى عايزة يوم من أوله حد يروحها متأخر
يزن :عمنا !!! ... مش بدل ما ناخد الشمس كلها على دمغنا
ليان : منطق بردو
يزن : طب ايه هتيجي معانا ..
ليان : معلش مش هينفع
يزن :برحتك أصل بصراحة .. امبارح كان كتب كتاب مروج و انتِ عارفه هى معندهاش صحاب و لما شوفتك فكرت انها هتفرح لما تلاقى حد من الجامعة بيبارك لها و انتِ و هى ممكن تبقوا صحاب
ليان بعد تفكير : اوكيه موافقه
يزن :ايوة بقى هو ده الكلام ... بس هتيجي معانا كده (كان بيشير إلى ملابسها)
ليان تنظر إلى ملابسها : ماله بقى اللى لبساها
يزن : دى ملاهى يا ماما يعنى شقلبه و بهدله انتِ لابسه فستان ف انتِ محتاجه بنطلون
ليان : امممم .. طب انا هروح و هبقى اقابلكم فى الملاهى .
يزن : تمام هستنى تكلميني
_____________________________
بجامعة مرام
مروان كان واقف منتظر خروج معشوقته و كان يدعو لها من قلبه ان تجتاز الأختبار بتفوق و أخيراً خرجت فلاحظ مروان ابتسامتها السعيدة فسعد من اجلها
مروان بإشارة : عملتى ايه
مرام تشير له بأن الدكتور قد أعجب بمشروعها كثيراً و ان مشروعها سوف ينضم إلى مسابقة على مستوى الجامعة مع الكليات مختلفة و اللى مشروعة هيكسب هيتأهل و يبقى على مستوى جامعات مصر كلها و اللى هيكسب فى النهاية هيبقى ليه تدريب مجانى فى احد الشريكات الكبيرة
مروان بإشارة :مبروك يا حبيبتى و عشان النجاح الحلو ده ... احنا هنروح الملاهى
مرام تصفق بفرح طفولى عارم فيسعد مروان لسعادتها و تشير له هل اميرة هتروح معاهم
مروان يشير لها بنفى :انا عايز اخرج انا و انتِ لوحدنا
تشير له بأنها تريد اختها معهم لأنها بتحب دايماً انهم يكونوا معاها هما الأتنين
مروان : حاضر أوامر السنيوريتا كلها تتنفذ
_____________________________
بمكتب سليم
بالتحديد عند أميرة هاتفها اعلن عن اتصال من مروان
أميرة :ألو
مروان : ألو يا هادمت اللذات و مفرقة الجامعات
أميرة : عايز ايه يا رخم
مروان : احنا رايحين الملاهى و اختك مصره انك تيجي معانا
أميرة بتفكير : مش عارفه ليه حاسه من لهجتك انك مش عايزني ابقى معاكم
مروان : كويس انك فهمتى .. نفسي اخرج مع البت من غير محرم
أميرة بخبث : انا مش رخمه يا مروان عشان اجى معاكم زى العزول كده
مروان بفرح : هى دى اختى حبيبتي اللى انا عارف جدعنتها
أميرة : و لا غبية يا مروان انى اضيع على نفسي خروجه زى دى
مروان بغيظ و يقول من بين اسنانه : جايه ها ..جاية
أميرة بأبتسامة : طبعاً راشقة معاكم
مروان : راشقة ! يا بيئة
أميرة ببرود : اسم الملاهى لو سمحت
مروان بتأفف : رايحين ****** نعدى ناخدك
أميرة : لأ روحوا انتوا انا هبقى اجى انا خلصت شغل اساساً و كنت نازله
مروان : ماشي سلام
انهت المكالمة معها و لمت أشيائها و رحلت من المكتب لكن لم تلاحظ ذلك اللئيم الذى كان يراقبها و توجهت إلى الملاهى ....
أما سليم انهى شغله من قبلها بكثير و اتصل بيزن و بلغه انه هيروح يغير لبسه الفورمل بلبس كاجول و يلحقهم على مكان الملاهى
_____________________________
فى الملاهى
مروج تصرخ فرحاً :اااااا لياااان ايه جابك هنا
ليان تأخذها بالحضن بأبتسامته الرقيقه :يزن عزمنى و قالى انك اتجوزتى فجيت عشان اباركلك يا ندله انتِ حتى مفكرتيش تقولى لحد انك مخطوبه
مروج : انتِ تعرفى يزن
ليان : اه
عبدالله يهمس ليزن : مين الحلوة
يزن : و انت مالك .. خاليك فى مراتك و سيبني انا مع الحلوة
عبدالله بمكر : اوك ..على كُلاً سليم جاى اوعى تكون نسيت كلامه ف لو خد باله ان المزة تبعك هيشلوحك و هتتجوزها
يزن بخوف : يانهار اسود انا مفكرتش فى كده خالص ..انا لازم اتصرف
عبدالله : سيبلى مروج هقنعها تقوله انها صحبتها و قبلتها صدفه
يزن : و انا هكلم ليان
عبدالله : مروج حبيبتي تعالى عايزك
مروج : طيب حاضر ..ثوانى يا ليان و هاجى
ليان : براحتك يا قلبى
يأخذ عبدالله مروج بعيداً
يزن : ليان ممكن اطلب منك طلب
ليان : اه اتفضل
يزن : سليم اخويا جاى و ده بقى معقد جداً و لو عرف ان انا اعرفك ممكن يقتلك و يقتلنى
ليان بصدمه :نعم ...ليه ده كله و بعدين هو انت شاقطنى و لا احنا متصاحبين
يزن : معلش هو دماغه كده شايف ان البنت و الولد طالما بيتكلموا مع بعض يبقى مشافوش تربية و موقفه مش هيبقى كويس
ليان بغضب :ماكنتش عزمتنى من الأساس يا يزن طالما هعملك مشكله كده
يزن : لأ انا اسف و الله بس انتِ شوفتى مروج فرحت ازاى لما لاقتك
ليان : طب ايه المطلوب منى دلوقتى
يزن : احنا قابلناكى صدفه يعنى مش مترتبة
ليان : بس انا مش بعرف اكدب يا يزن .. انا همشى احسن بدل ماانا عماله مشكله
يزن برجاء : و لو قولتلك عشان خاطر مروج
ليان : حاضر ..امرى إلى الله
عبدالله : ها يا يزن يالا نلعب عقبال اما سليم يجى
يزن : قشطة بينا ... يا رجاله
مروج : الله انا عايزة اركب سفينة نوح بحبها اوى
عبدالله : ماشى لعبه سهلة و بسيطه و حاجه حلوه نسخن بيها
يزن : لأ يا عم دى بتقلب معدتى اركبوا انتوا ...انا هركب الأناناسه
عبدالله بضحك : اخرك الأنانسه
ليان بمكر : قول بقى انك خواف .. دى اسهل لعبه هنا
يزن بضحكه ثقة : لأ لأ انتِ فهمتى غلط انا مش بخاف و لا حاجه ... الفكره ان معدتى بتقلب
ليان بخبث : حجه بردو .. خلاص يا مروج اركبوا انتوا
يزن : يا بنتي و الله ما بخاف انا قلبي قلب أسد .. و ايه رأيك بقى انى هركبها
ليان بخبث : بس نركب فى اخر السفينة
يزن بتحدى : موافق و اللى يصرخ اكتر خسران
عبدالله يهمس لمروج : البت ضحكت عليه و هو مغفل
مروج بضحك و همس : احسن يستاهل انا فرحانه فيه
على الجانب الأخر امام نفس اللعبة
مروان بإشارة و تحريك شفاة : ها بقى ايه رأيك نركب دى عقبال ما اميرة تيجى
مرام تشير له بالموافقة و الحماس يبدو عليها
أنت تقرأ
قسوة و غرام
عاطفيةمالك يا دنيا بقيتي غابة مات و انقرض فيكي الغلابة و كل واحد كان له حاجه يجي على غيرة و ياخُدها ....... الظلم فيكي يا دنيا بين و الغدر بقى سهل و هين و الكل باع اخلاقه .. وبكدبه يزين .... قوللنا ازاى نجاريكي و العيب بقى عادي فيكي لا فى يوم جينا عليكي...
