قسوة و غرام

بارت 19

مروج بصدمه : يا نهار اسود سليم
كان سليم مبلل بأكمله
سليم وهو يمسح الماء من على وجهه  بغضب : انتِ بتعملي ايه هنا
ليان على وشك البكاء لم تستطيع الرد ... خرج يزن من الحمام فصدم مما رأى سليم مبتل و ليان وجهها اصبح شاحب اوشكت على البكاء و مروج واقفه فاتحه فمها
يزن بصدمه : فى ايه
سليم بغضب : انا اللى بسأل فى ايه .. بتعمل دى ايه هنا
ليان شعرت بالإهانه فبكت بصمت 
يزن يحاول ان يسيطر على غضبه :دى اسمها ليان
مروج تتدخل : انا يا ابيه اللى قولتلها نعمل كده مانعرفش انك هنا كنا بنهزر مع.........
بتر كلامها سليم بغضب ينهرها :ده مش اسلوب هزار يا انسه يا محترمه
ليان ببكاء : انا أسفه لحضرتك ..
و رحلت من أمامه و دخلت غرفة مروج لتأخذ شنطت ملابسها لترحل و ذهبت مروج خلفها
يزن بغضب : انا ماسمحلكش يا سليم انك تكلمها بالشكل ده
سليم بغضب و صوت جهورى : ماتتكلم عدل يالا فى ايه انت نسيت انى اخوك الكبير
يزن : لأ يا سليم مانستش بس انت اللى نسيت اصول الضيافه
سليم يأخذ نفس عميق ليهدأ حاله و ببرود يكمل حديثه : طب يا يزن نسيبنا من اسلوبك فى الكلام الزفت ده و خلينى فى سؤالى .. ليان بتعمل ايه هنا فى الوقت ده
يزن :هقولك .... قص عليه ما حدث
سليم : و انت عملت ده كله ليه بقى ..
يزن : عشان بحبها
سليم : شوية و هتنساها زى اللى قبلها
يزن : لأ ليان مش زى اللى قبلها ... انا عايز اتجوزها
سليم بهدوء : و لو رفضت يا يزن هتعمل ايه
يزن بشجاعة : هتجوزها بردو
سليم : للدرجه دى بتحبها
يزن : اه يا سليم بحبها و مش هسيبها
سليم يبتسم : تمام .. انا موافق
يزن : بجد !
سليم : و انا عمرى هزرت معاك
يزن بفرحه يحضن سليم : لأ .. حبيبي يا سليم
سليم يبتسم فرحاً على تمسك اخيه بحبه هو كان على علم بعلاقته بليان و واثق من حبه لها و لكن كان فقد يريده ان يعترف بذلك فأستغل الفرصة ..
أما بالخارج
اخذت ليان حقيبتها و ارادت الرحيل و لكن حاولت مروج كثيراً ان تمنعها و لكنهم خرجوا إلى الخارج بأتجاه الرسيبشن فوجدتهم أميرة ليان خارجه تبكي و مروج تحاول منعها ..
أميرة بحرج : صباح الخير
ألتفت لها مروج و ليان بفزع : بسم الله الرحمن الرحيم
مروج : أميرة بتعملى ايه هنا
أميرة بحرج :هو سليم ماقلكمش حاجه
مروج بأستغراب : حاجه ايه
اميرة بصدمه :يبقى ماقلش
ليان : فرصه سعيدة يا أميرة هبقى اشوفك بعدين
أميرة كانت فى قمة حرجها : لأ استني انا جايه معاكى
مروج بأستغراب : استنوا انتم الاتنين .. هو فى ايه انا مش فاهمه حاجه خالص
خرجت ليان و لحقت بها أميرة و لكن كان قلبها خائف للغاية
خرج يزن من غرفته وجد مروج امامه
مروج : هو فى ايه انا مش فاهمه حاجه
يزن : ليان فين
مروج : خرجت هى و أميرة
يزن بأستغراب : أميرة
مروج : اه اميرة .. سألتنى هو سليم مقالش حاجه قولتلها لأ هيقول ايه ماردتش عليا و مشيت مع ليان
يزن بأستغراب : هيكون فى ايه بينها و بين سليم ... طب ماتعرفيش راحوا فين
مروج : لأ .. انت ممكن تلحقهم هما لسه نزلين
خرج سليم من الغرفة بعد ان بدل ثيابه
يزن : اميرة كانت بتعمل ايه هنا يا سليم
سليم يضرب على رأسه :اميرة نسيتها يخرج بأتجاه الريسبشن لم يجدها
سليم :هى راحت فين يا مروج
مروج : مشيت مع ليان .. هو فى ايه انا مش فاهمه حاجه يا ابيه
سليم بغضب : ازاى تسيبيهم يمشوا .. غبية
لم تستطيع مروج كبت دموعها فسقطت من مقلتيها دون إرادتها
يزن يهدأه : اهدى يا سليم مروج ملهاش دعوة
سليم ينظر لها يجدها تبكى و تنظر إلى الأرض بخذي ..اقترب منها و اخذها بحضنه ماسحاً دموعها
سليم :بطلى عياط ..خلاص بقى ماتزعليش منى
مروج ابتعدت عنه و مسحت دموعها : خلاص يا ابيه انا اصلاً هريحكم منى و هتجوز انا و عبدالله كمان اسبوع
سليم بغضب : تريحينا منك .. ايه الكلام ده يا مروج
مروج : انت مضايق من وجود.....
سليم يقاطعها : لأ طبعاً انا يستحيل اضايق منك ... مين قالك انى مضايق منك
مروج تبكي :انت من ساعت اما عرفت انى مش بنت عمك و انت مش بتيجي البيت رافض تقعد معايا فى مكان واحد
يزن بصدمة : نعم مش بنت عمى .. اما انتِ ايه
مروج ببكاء : فرج طلع خاطفنى من أهلى
سليم يحضنها مره اخرى حضنه الأخوى: العلاقة اللى كانت بتربطك بيا مش مجرد انك بنت عمى لأ ده انتِ اختى الصغيرة حتى لو مش بالدم كفايه انى ربيتك على ايدى .. و لا ايه
يزن : انتِ اختنا يا مروج و مالوش لازمه الكلام فى الموضوع ده تانى   ...... (ثم يغير مجرى الحوار )ابعد عن البت يا عم دى ماتحللكش و بعدين عبدالله لو شافك هيزعل 
تضحك مروج .. اما سليم فيغضب
سليم : اتلم يا زفت .. انا هنزل يمكن ألحقهم 
يقاطع حديثهم صوت جرس الباب يتجه سليم لفتح الباب يجد امه امامه
سليم : كنتي فين يا ماما
صافيه : كنت بجيب طعميه من عند عمك رجب نفسي فيها بقالى كام يوم دى سخنه و مولعه انما ايه يالا تعالى افطر معانا
يكبت سليم غضبه و يرحل من امامها امام ضحكات مروج و يزن .......
_____________________________
ذهبت أميرة مع ليان إلى احد الكافيهات  ..
ليان : انا حاكتلك كنت بعيط ليه و ايه اللى ودانى عند يزن البيت ... انتِ بقى مش عايزة تقوليلي حكايتك مع سليم
أميرة :اممم هقولك
حكت لها قصتها مع سليم و أمتلأت عينيها بالدموع .... ليان كانت تستمع لها بشغف كأنها تستمع لقصة احد المسلسلات
ليان : ده انتوا قصتكم و لا الفيلم الهندى
أميرة تضحك : ليه يعنى
ليان : ليه لأسباب كتيرة اوى اولهم محاولة انتقام و قسوة و أخرهم غرام و حب ..
أميرة بأندفاع :حب من ناحيته هو إنما انا.......
ليان تقاطعها بمكر : انتِ ايه مش بتحبيه
أميرة : أنا لأ طبعاً احبه بعد كل البهدله دى
ليان بخبث : احسن بردو انا بحبه
أميرة بغضب : انتِ ايه ... الكلمة دى ماسمعهاش تانى لو خايه على روحك
ليان تنفجر ضاحكة : واضح انك مش بتحبيه فعلاً
أميرة بتوتر : اه مش بحبه 
ليان : عليا انا الكلام ده ده انا القطها و هى طايره .. انتِ شكله بتحبيه اوى
أميرة بخجل :بصراحة بحبه جداً يا ليان ..بس عايزاة يحس بقيمتى مش بالساهل كده يقولى بحبك و عايز اكمل معاكى حياتي و انا زى العبيطه اسامحه انا كرامتى فوق كل شيئ
ليان : يا ولا انت يا بتاع حقوق المرأه ..رضوى الشربيني هتفرح بيكي اوى .. بس انتِ مش هترجعى البيت عنده 
أميرة : لأ هرجع بيتي انا و اللى عنده يعمله
ليان : طب ماتيجي تعيشي معايا انا قاعدة لوحدى
اميرة : مش هينفع
يقطع كلامهم صوت ذلك القاسي الذى كان امر معرفة مكانهم سهل للغايه عليه من خلال رجالته
سليم :اميرة ازاى تنزلى من غير ما تقوليلي
أميرة بتوتر : انت بتعمل اي هنا
سليم :انا سليم الألفى يا ميرو اوعى تنسي
ليان : طب انا همشي يا اميرة
سليم بغرور لليان :انا عمرى ما اعتزرت من حد بس تقدرى تطلبى منى اى حاجه و اعتبريها اعتزار 
ليان :امم عرض كويس ...سيبنى افكر فيه و هبقى اقولك باي
اميرة بأندفاع : استنى انا جايه معاكى مش انتِ قولتيلي اجى اقعد معاكى انا موافقه
سليم : لأ مفيش مرواح معاها
اميرة بعند : لأ هروح
سليم : انا قولت لأ
اميرة بعند : هروح يا سليم و انت مش هتعرف تعمل حاجه انا فى مكان عام لو قربت منى هصوت و هقول انك خاطفنى
ينظر سليم لها بتحدى 
بمنزل الألفى
يزن : امى سليم جيه برا و معاه ضيفه
صفيه : ضيفه ... واحده ست يعنى
يزن : نعم بنت شابه انما ايه فورتيكا
صفيه بصدمه : سليم ابنى معاه بنت ازاى ده معقد
بالخارج
اميرة بغيظ : على فكرة بقى انا مش هسكت على اللى انت عملته ده ... و انتِ يا معدومة الكرامه مش لسه طاردك من البيت  تقفى جانبه ... حسبي الله و نعم الوكيل فيكي يا ليان
تضحك ليان بشدة و تسأل مروج عما حدث
فترجع اميرة بالذاكره فلاش بااك ^^^^^