كاعدة با الكاع ومثنية رجلية يم صدري وحاطة راسي بيهن وابجي واشهك
ام ياسمين بقهر : لج بنيتي لا تشلعين كلبي قبل شهر خسرت ضناي ودفنتة جوة التراب وماريد اخسر ضناي الثاني وافقي فدوة رحتلج
ياسمن بصوت عالي وهوة تبجي : شوافق فهميني شوافق اوافق انكم تردون ازوجوني ورة شهر من وفات اختي لا ولتعس المن ازوجوني الزوجهة ها فهميني يمة عليمن اوافق
ام ياسمين بعصبية : لعد احسن تجي مرت اب وتربي جهال اختج وتعذبهم ها شوفي لج تزوجي ورجلج فوك راسج فاهمة وعافتهة وراحت
ياسمين زادت با البجي وكالت : يا رب ساعدني اني مو حمل اختبارك ربي ما عندي غيرك التجئلة ربي موتني وريحني ولا تخليهم ايدزوجوني يا ابو فاضل يكولون اليطلبك ما اتردة خايب اني طالبتك اليوم وريدك اتحل مشكلتي ...........
عمرك جربت تشتاق لميت ?
مات خلاص مالة اي وجود بالحياة
اسمة ما عاد ينكال
طيب جربت كل ما حجيت عنة وبجيت
يكولوك ادعي له بالرحمة
وتنادي وانتة عارف انه ما راح يرد
بس تتمنى تسمع صوتة ما جربت هذة الشعور اجل لا تحجي عن الألم ولاتحجي عن الفقدان ولا عن الفراق لأن الألم الحقيقي
هوة فراق شخص اخذه الموت وفقدتهة من الدنيا 💔
بقلم خاتون ♥️
.........
گم مؤلم ان
تتعلق بشخص
تبكي قهراً من
تصرفاته 💔
————— قرائة ممتعة ———
كاعدة علة الجرباية واهز ابكاروك ملوكة الحد ما غفت باوعتلهة وبتسمت علة برائتة وشون كل ما تكبر ايزيد شبهة بغادة الله يرحمهة صفنت وذكرت كول الصار جنة شريط جاي ايمر كدام عيني وشون بين ليلية وضحاهة انكلبت حياتي وصرت أم الطفلين
قبل سنة
ياسمن : جنت راجعة من المدرسة واني تعبانة واحس بخدودي راح يطكن من الشمس وصلت البيتنة وشفت الباب مفتوح وناس ملتمين علي وصوت اصريخ عالي طالع منه وكع كلبي بيدي من الخوف ركضت للبيت دخلت وشفت مامة كاعدة بالصالة وشاكة دشداشتهة وتبجي وتصرخ وبابة كاعد علة الكرويتة وباين علية معالم الصدمة وحاط يدة علة كلبة واختي الصغيرة كاعدة يم مامة وتبجي ركضت علة مامة وكتلتهة
ياسمين بخوف : مامة مامة شبييج ليش تبجين مامة شكو فدوة كليلي اصاير
ام ياسمين بصريخ : ولج راحت الغالية راحت ماتت اخيتج وهية بعمر الورد
ياسمين بصدمة : من منو غادة وضحكت بهسترية وكالت : ههههه شهل شقة تردن اسون مقلب بية مو تردن اتخوفني هههههه بس اني كشفجن اي اكيد دجذبون علية ريمو مقلب مو ههه عبالهن يمشي علية
ريم (اخت ياسمين ) بجي : لا.. ماتت فهد كال
ياسمين بضحك : هههه ولج شبيج مقلب ديمقلبونة علة مود ايخوفونة
ريم بجي وهية تحظن ياسمين: لا مات فهد كال بلولادة
ياسمين : هههه مو اكولج مقلب هية استوهة طبت بشهر السابع يعني بعد شهرين يلة طب ابشهرهة مو اكلكم دتضحكون علية
ريم بجي : لا .. ماتت .. صا.. صار عدهة .. ولادة.. مبكرة .وماتت
ياسمين دفعت ريم وكالت بصريخ : لا ما ماتت دجذبون اي انتو كلكم تجذبون علية غادة متموت وتعوفني لا م.. قاطعت كلامهة ام ياسمين وهية تضربهة راجدي علة وجهة وتكول
ام ياسمن بجي : لا ماتت فتهمي ماتت صارت جوة التراب
ياسمين بجي وعياط وهية تحظن امهة بقوة : لا لا ما ماتت مماتت مستحيل غادة اتروح وتعوفني هية كالت ما اتركج وضلت اتعيط وتبجي الحد ما اغمة عليهة
ياسمين : فزيت من مكاني واني اشوف نفسي بغرفتي واختي ريم بصفي ابتسمت انو هذة جان حلم وكلتلهة : اف الف الحمد لله طلع حلم لو تدرين اشفت من حلم شفت نفسي جاية من المدرسة وشفت الناس ملتمين علة بيتنة وانتم تبجون وتكولن علة غادة ماتت اسم الله عليهة
ريم ودموعهة رجعت تنزل وكالت : مو حلم حقيقة غادة راحت يم ربهة
ياسمين باوعتلهة بصدمة وكالت بجي وصريخ : لا غادة عايشة وانتو كلكم اجذبون اطلعي برة برررة ما اريد اشوف واحد بيكم طلعت ريم وهية تجبي علة حال اختهة وراحت ياسمن وقفلت الباب وراهة وكعدت بالكاع وسندت ظهرة علة الباب وضلت تنفي براسهة وتوكل : لا لا اكيد ما ماتت غادة عايشة ديجذبون علية وضلت تجبي وتصرخ بهسترية وكسرت شكو شي بالغرفة الحد ما غفت ونامت وفزت بنص الليل علة صوت بجي طفل استغربت لأن ماعدهم اطفال اصغار بالبيت فكامت وفتحت الباب مال غرفتهة وطلعت سمعت الصوات جاي من غرفة اختهة ريم فا راحت للغرفة وفتحت الباب شافت اختهة نايمة وبحظنة طفل يبجي تقربت عليهة وشالت الطفل وشافت شكلة اشكد بريئ وصغيروني بكد ايدهة ميبن حديث ولادة وضلت اتهز بي علة مود يسكت الحد ما فزت اختهة وكالت
ريم بنعاس : اوف شوكت كعدت قبل اشوية نومتهة
ياسمين بصوت مبحوح من البجي : قبل اشوية بس هذي منو وجابهة البيتنة
ريم بحزن : هذي ملاك بنت غادة
ياسمن ابتسمت بقهر ودنكت علة الطفلة شمتهة بقوة وباستهة وكال بهمس : اه لو تعرفين امج جكد جانت منتظرتج وفرحانة بحملج
ريم وهية تحاول اتغير الموضوع : احم انطيني ياهة خل اسويلهة ممة اكيد خطية هسة جوعانة
ياسمين قربت ملاك الصدرهة وكالت : لا ماكو دعاي انتي رجعي كملي نومتج واني راح اهتم بيهة بس كليلي وين ملابسهة وحليبهة
ريم بنعاس : براحتج وبهذيج الجنطة ملابسهة وحليبهة
ياسمين : رحت اخذت الجنطة ورجعت الغرفتي حطيت ملاك علة الجرباية ورحت فتحت الجنطة وطلعت ممتهة والترمز مال مي وقوطيت الحليب سويتلهة ممة بسرعة لأن جانت تبجي ورجيتهة وشلت ملاك وحطيتهة بحظني ورضعتهة الممة خطي جانت جوعانة كملت الممة وضليت اهز بيهة الحد ما نامت ونمت علة الجرباية وحطيتهة بحظني ضليت اتئمل وجهة الملأكي الحد ما نمت وياهة ومرت الأيام واني اهتم بملاك وبكولشي ايخصهة جانت هية المصد الوحيد اليخليني انسة موت غادة او اتناسا بس جنت اخاف لا يجي يوم وياخذوهة مني وخوفي صار حقيقة بعد ما اجة فهد زوج اختي غادة ورة الربعين مالتهة وراد ياخذهة رفضت انطي ياهة وتحججت انو بعدهي اصغيرة وطفلة انفاس منو راح يهتم بيهة ويداريهة طبعاً اني احجي هل كلام الأمي وامي هية توصلة الة لأن ماعدنة بنية تكعد تحجي وية نسيبهة وسولف ويا وضل فهد يجي كل اسبوع يجي ويطالب بملاك وهدد بابة انو اذا ما ننطيهة راح يحول الوضوع للمحكمة فا مامة هدتة وكلتلة تعال اسبوع الجاي وخذهة وهوة وافق وراح بوقتهة اني جنت منهارة لأن راح ياخذ ملاك لأن صدوك اتعلقت بيهة وكمت احسهة قطعة من روحي صدوك حسيت نفسي امهة وخلص الأسبوع واجة فهد البيتنة علة مود ياخذ ملاك بس صدمني وهوة يطلب ايدي بكول صلافة من بابة ولا جن زوجتة صارلة شهر من ماتت والي صدمني اكثر موافقت امي وابوية الطلبة وراح سيف واجتني امي علة مود تقنعني عفتهة وصعدت بسرعة الغرفتي ضليت كاعدة بلكاع بصف الجرباية ودموعي تنزل واني اذكر كلامة وشون طلبني من بابة بكل حقارة زاد بجي بعد ما دخلت امي للغرفة وبدت تقنعي بي وانو ازوجة واني ارفض الحد ما كالت
ام ياسمن بقهر : لج بنيتي لا اتشلعين كلبي قبل شهر خسرت ضناي ودفنتة جوة التراب ماريد اخسر ضناي الثاني وافقي فدوة رحتلج
ياسمين بصوت عالي وبجي : شوافق فهميني شوافق اوافق انكم تردون ازوجوني ورة شهر من وفات اختي لا والتعس المن تردون ازوجوني الزوجهة ها فهميني عليمن اوافق
ام ياسمين بعصبية : لعد احسن تجي مرت اب وتربي جهال اختج وتعذبهم ها شوفي لج تزوجي ورجلج فوك راسج فاهمة وعافتهة وراحت
ياسمين زادت بالبجي وكالت : يا رب ساعدني اني مو حمل اختيارك ربي ماعندي غيرك التجئلة ربي موتني وريحني ولا تخليهم يزوجوني يا
ابو فاضل يكولون اليطلبك ما تردة خايب اني طالبتك اليوم واريدك اتحل مشكلتي وغفيت بمكاني من التعب وكعدت علة ضوة قوة مال شمس بوجهي جاي من الشباك صار الصبح واني بمكاني احس جسمي مكسر من الكاع كمت سبحت وصليت وسويت استخارة بالقرأن ورحت الغرفت اختي ريم من البارحة ما شفت ملوكتي عفتهة يمهة وما رحتلهة من ورة المشاكل الصارت دخلت للغرفة وشفت ريم نايمة بسابع حلم وملوكة كاعدة ضحكت لمن شافتني ابسمتلهة وشلتهة غسلتلهة وبدلت ملابسهة ورضعتهة مميتهة واخذتهة ونزلت جوة شفت مامة بالمطبخ دتنظف صبحت عليهة مردت علية مبينة زعلانة مني اتنهدت وكعدت علة الكرسي وحطت ملوكة بحظني وكتلهة : موافقة
ام ياسمن : علة شنو
ياسمن : علة الزواج بس بشرط
ام ياسمن فرحت لأن وافقت بس ما مبينت وكالت بعد اهمام: اي وشنو شرطج
ياسمن : اريد احجي ويا قبل لا نزوج
ام ياسمين : بس ابوج ما يقبل تحجون سوا قبل لا تتزوجون
ياسمن : بكيفج بس اذا ما حجيت ويا مستحيل ازوجة
ام ياسمن : وشتردين تحجين ويا
ياسمين : شي خاص ما اكد اكولج يا
ام ياسمن : ها هيج صارت مو
ياسمين : اي هيج واخذت ملاك وصعدت فوك حطيتهة بالكاع وحطيت يمهة العاب ونظفت غرفتي والصالة الفوك وكنستهن ورجعت نومت ملاك وحطيتهة بالكريكوت وكملت شغلي الحد ما صاحتني امي نزلت وكتلهة
ياسمين : ها مامة صحتيني
ام ياسمين : اي اجة فهد مساع خابرت علي علة مود يجي وتحجون منطول ابوج بشغلة روحي بسرعة البسي شال وجبة وتعالي للستقبال
ياسمن : ماشي وصعدت فوك لبست جية سودة فوك التراك وشال اسود ونزلت جوة تخلت للستقبال وكلت واني مدنكة راسي : السلام عليكم
فهد بصوت خشن : وعليكم السلام
ياسمن : رحت كعدت بصف مامة ونتبهتلة لابس ملابسة العسكرية يمكن جان بالشغل لأن هوة ضابط بس ما ركزت بشكلة ولا باوعت علي الحد ما مامة اترخصت وطلعت وضليت ساكتة وافرك ايدي بتوتر الحد ما تحمح بصوت رجولي وكال : امج كلتلج تردين اتحاجيني اتفضلي بشنو تردين تحجين وياي
ياسمن : عندي شكم شرط بخصوص زواجنة
فهد وهوة رافع تك حاجب : اتفضلي
ياسمن وهية مدنكة راسهة : ما اكدر اصيرلك مرة احم او زوجة ومستحيل اعتبرك زوجي وراح تبقة بنظري زوج اختي وبس لا اكثر ولا اقل وراح اكون فقط ام او مربية الجهال اختي واي حقوق زوجية مراح انطيك غير الاهتمام بالبيت وبالطفال والطبخ هذي شروطي اذا وافقت عليهن خيرن علة خير وذا موافقت براحتك بس مستحيل انطيك ملوكة
فهد برود : اول شي الظابط فهد ما ينشرط علي هاي اولاً ثانين اني مستحيل تدني نفسي عليج او اباوعلج ثالث شي والهم اني ما طلبتج من ابوج غير ان تكونين ام الجهال بعتبارج خالتهم وتكونين احن من الغريبة عليهم
ياسمين : حلو لعد متفقين بس وين كرار
فهد : بالبيت نايم والمربية يمة ونشألله نهاية السبوع اجي واجيب الشيخ وياي علة مود نعقد
ياسمين : براحتك
فهد : يلة لعد اترخص
ياسمن : مرخوص الله وياك وطلع فهد واني صعدت فوك اتنفست براحة بعد ما وافق علة شروطي واجتي مامة حاولت تعرف اشحجيت ويا بس اني كلتلهة انو حجيت ويا اشياء بخوص ملاك لأن اعرفهة مراح ترضة علة كلامي وكتلهة نهاية الأسبوع راح نعقد وهية بدت تروح للسوك وتحضرلي اجهازي ( نيشاني) هههه اليسمعة صدك راح ازوج وخلص الأسبوع واجة فهد واجاب السيد ويا علة مود نعقد واني لبست فستان اسود سادة مال محجبات ويا حجابة حاولت امي اوياي علة مود اذب الأسود بس ما قبلت وعقدنة السيد وصرت مرتة شرعين وراهة كام وسلم علة اهلي واترخص منهم علة مود اروح فكمت ودعت مامة وبابة واختي ريم وطلعت ويا ركبت السيارة وهوة صعد جنطي مال ملابس وصعد بالسيارة ابستم وكرص ملوكة من خدهة وساق السيارة ضلينة طول الطريق ساكتين الحد ما وكف السيارة كدام بيت جبير وراقي وكال : وصلنة يلة انزلي
باوعتلة بستغراب وكلت : بس هذة مو نفس البيت الجنتو عايشين بي انتة وغادة
فهد : اي ذاكة بعتة وشتريت بدالة هذة
ياسمين بستفهام: ليش بعتة
فهد برود : يعجبني يلة نزلي كرار منتظرنة ونزل من السيارة ونزلت اني ورى وفتح الباب وكال : ادخلي واني راح انزل الجنط
ياسمين : ماشي ودخلت للبيت الله مصلي علة محمد كولش جبير وحلوة حتة احلة من البيت القديم وشفت كروري كاعد بالصالة ويلعب باللعاب وبصفة المربية مبين عليهة هندية وهوة اول ما شافني ركض علية وحظني واني ابتسمت وبستة وحطيت الحمالة البيهة ملاك علة الكرويتات وشلت كروري وحطيتهة بحظني وراهة دخل فهد يلي اول ما شافة كرار نزل من حظني وراح حظنة وفهد ابتسم وشالة وكال
فهد : ليش بعدك ما نايم
كرار بصوت طفولي: انتضرتك علة مود انام سوة بابة خالة بعد تعيش ويانة مو
فهد : اي بابة بس مو اتعب خالة ماشي
كرار :لا ما تعبهة اني احبهة هية راح اصير بدال مامة
فهد : اي حبيي يلة تعال علة مود انام باجر عندك روضة ومايا روحلي دلي المدام علة غرفتهة وصعدو جنطهة فوك
مايا : حاضر بابا
وصعد فهد فوك ودلتني المربية علة غرفتي دخلت للغرفة وسديت الباب وشفت الغرفة حلو مرتبة وبيهة كنتور وجرباية ام النفر وسرير اطفال بصفهة وحمام داخل الغرفة تنهدت وحطيت ملاك بسريهة واخذت جنطي الصعدوهن فتحتهن وحطيت ملابسي بالكنتور وحطيت ملابس ملاك بصفهن ومرت الأيام والشهور بشكل عادي بين تربية ملاك وكرار الي كام يصيحلي مامة وفهد ابداً ما محتكة بي وقليل اشوفة لأن طول النهار بشغلة وبالليل يلة يرجع بس جانت دائماً اكو غموض حول حياتهة وعائلتة الي ابد ما شفتهم او سمعت عنهم حتة لمن جانت اختي غادة عايشة مجانت تعرف غير امة واخو الي اجو بس بيوم زواجهم
الوقت الحاضر
صحيت من شريط ذكرياتي علة صوت كرار
وهوة يصيح مامة مامة
نزلت بسرعة وشفتة استووة جاي من الروضة ابتسمت ورحت بستة من خدة ونزعتة جنطتهة وبدلت ملابسة وصبيتلة غدة اتغدة وراح يلعب بالصالة واني شلت المواعين وغسلتهن وصعدت توضيت وصليت وكعدت ملوكتي غيرتلهة ملابسهة ورضعتهة ونزلت جوة حطيتهة بالكاع وحطيتلهة مكعبات علة مود تلعب بيهن وجبت جنطت كرار مال روضة وخليتة ايحل واجباتهة الحد ما اجة فهد استغربت اول مرة يجي من وكت واول ما شافة كرار ركض الحظنة وحظنى وفهد شالا وكعد علة الكرويتة وكرار بحظنة كتلة واني الملم بدفاتر كروري : الله يساعدك اصبلك غدة
فهد : ويساعدج لا ما اشتهي بس حضري نفسج باجر الفجر انتي والجهال راح اورح للبصرة
ياسمن بستغراب : ليش اروح للبصرة
فهد..........
يتبع —————————
شتكولن ليش فهد يريد ايروح للبصرة ؟
وين عائلتة ؟
وهل ياسمين راح تكدر بيوم تحب زوج اختهة لو لا ؟
ولاتنسون التصويت 💜
والتعليق والمتابعة 🧡
وفدوة انشرو القصة لأن كولش حلوة وسوو تاكات الصدقائكم
# بقلم خاتون 🖤
احببببببببببكم ♥️
