هية روح وراحت بحضن # الغريب
والخذاهة ما يحس # بجروحي
ربي مو عندك ملك يأخذ # الروح
شلون ترضة # انسان ~ يأخذ ~ روحي 💔
_______________
# ياسمين الفهد
# بقلم خاتون
______
———- قرائة ممتعة ———
اني فهد جبران سالم من عشيرة ( ) ولدت وشبيت بالبصرة وية عائلة جبيرة من عمام وأولاد عم واخوان يسدون عين الشمس وجدي الشيخ سالم هوة شيخ العشيرة وابن عمي جبر من بعدة هوة اليستلم المشيخة راح احجيلكم عن طفولتي وشون عشتهة واجابني البغداد اني الأخ الجبير بين اخواني وعندي اخين واخت حياتي جانت جداً هادئة بطفولتي ما جنت احب المشاكل او ادخل للدواوين وية ابوية وعمامي ولد عمي جنت ارجع من المدرسة واروح لو للبستان لو اكعد ادرس بس هل شي معجب جدي وابوي لأن الزلمة بنظرهم مو اليكعد ويلزم كتاب الزلمة اليشيل اسلاح ويكعد ايعارك بالفصول لهيج سلم المشيخة الأبن عمي جبر يصير اكبر مني بسنتين ما هتميت مثل ولد عمي او حقدت علي لأن جدي سلمة المشيخة بالعكس فرحت لأن ابوي بعد ما جبرني اروح ويا للفصول وبدت اهنا مرحلة مراهقتي وبديت انعجب ابت عمي الثاني اسمهة شمس تقريبن بعمري وتعلقت بيهم الحد ما تحول العجاب لحب وعدت نفسي بس اتخرج من السادس اروح اخطبهة من عمي وبدت المدارس صادف اني باخر مرحلة بالثانوية يعني سادس كلش تعبت بي لأن جانت السنة هذي هي التحد مصيري بنسبة الي فذبيت كل حيلي بالدراسة وبدت المتحانات ومتحنت والحمد لله بكل المتحانات مجاوب زين ورة ١٥ يوم تقريبن كالو طلعت النتائج رحت للمدرسة واني ادعي احصل معدل زين والحمد لله ربي ما ضيع تعبي وطلت ناجح بمعدل يخولني ادخل كلية طب ابتسمت واني اشوف نتيجتي بفخر وزادت بتسامتي لمن اذكرت شموستي
وكلت اليوم اخذ ابوية وجدي وروح نخطبهة من عمي رجعت للبيت واني احس الفرحة ما سايعتني وصلت وشفت ناس اتروح وتجي ابيت جدي وجدورة مال طبخ كبار جاي ايدخلون بيهن البيت جدي استغربت ورحت البيتنة دخلت وسلمت علة اهلي وكلتلهم علة نجاحي فروحلي وامي هلهلت لأن ابنهة راح يدخل طب بس مدري ليش حسيتهة اتباوعلي بحزن وعيونهة مدمعة كتلهة شبيج كالت ما بية شي بس فرحانة بيك وبنجاحك ابتسمتلهة وبست راسهة وسئلت ابوية عن الهوسة البيت جدي وهنا جانت صدمة كلي بخبر مستحيل انسا طول عمري حسيت بالحظة كل تعبي وسهري علة مود انجح وروح اخطب شموستي راح خدرت رجلية واني اسمع ابيوي يكول اليوم خطبت ابن عمك جبر من شمس بس قررت ما اسكت واضيع اول حب بعمري تركت ابوية يحجي ورحت الديون جدي جانو ولد عمي وعماي ملتمين بالديوان وكاعد بنصهم جدي الي اول ما شافني عرف بية اريد احجاي بموضوع شمس فطلب من كل عماي ايطلعون همة ولدهم استغربو عمامي وكامو طلعو كلهم من الديوان واني بديت اصيح واحجي كل البكلبي وكتلة اريدهة واحبهة من الصغر واذا ما نطيتني ياهة انهي عليهة كدام كل الشيوخ حاول جدي يهديني ويفهمني انهة عيبة من الناس اول شي رادهة ابن عمهة الأول وانطيتوهة للثاني بس اني وين جنت مثل الجمر الي ريد يحرك اي واحد ايشوفة وطلعت من ديوان جدي وشفت شمسي واكفة كبال الديوان ومين عليهة متوترة يمكن سمعت اصياحنة اني وجدي ما هتميت ورحت سحبتهة من ايدة واخذتهة بالبستان بمكان معزول وعترفتلهة بحبي واني عاشكهة و جنت رايدهة من الصغر وكلتلهة بس كولي موافقة لدللج دللا تحجي بي كل السلف واذا تردين اخذج انعيش بغداد سوة بس كولي اي بس ردهة صدمني وشكد كرهت نفسي وستحقرتهة لمن كالت انهة ما تريدني وتحب ابن عمي جبر وهية شسوي بدلاي اذا راح اصير شيخة هل سلف بعد ما تتزوج جبر حسيت كرامتي انمسحت بلكاع وعفتهة بدون ما احجي اي كلمة ورجعت للبيت لميت ملابسي بجنطة وطلعت بس راسي امي وابوي وكتلة رايح البغداد بعد ما اكد اعيش اهنانة وهوة رفض اول شي وحاول يقنعني ابقة بس اني جنت مصر علة قراري فهوة استسلم للأمر الواقع ونطاني مفاتيح الشقة البغداد ودعتة ورحت البغداد وصلت ترقيبن الفجر فتت فتحت الشقة ودخلتهة جانت بسيطة متكونة من صالة وغرفة ومطبخ اصغير وصحيات نزعت ملابسي ونمت كبل مندون ما افكر ابي شي وكعدت الصبح لبست بنطرون اسود وتيشيرت عادي ورحت قدمت بكلية الضباط وتخليت عن حلم الطب ومرت السنين الحد ما صار عمري ٢٦ سنة وصرت من اهم الضباط بقوات مكافحت الأرهاب شخص قاسي عصبي ايدة والضرب هذة الشخص الي رادوني اكون علي وصدك صرت هيج واسؤ ويوم من الأيام جنت معزوم بيت صديقي علة الغدة شفت بنية اكبال بيت صديقي اصغيرة وحلوة مبينة بل عشرين للصراحة عجبتني جانت سمرة بملامح بارزة ابتسمتلهة وفاتت البيتهم رجعت للبيت الي اشتريتة من تعبي وعفت شقة ابوية بس شكل الأبنية ما فاركاني وكمت كل يومية امر من يم بابهم اشوفهة وطلع الشغلي والعرفتة عنة انو اسمهة غادة وطالبة كلية تربية مرحلة ثانية وتكررت جياتي المنطقتهم الحد ما مر شهر علة هل حالة وخيراً اشجعت وقررت احاجيهة ورحت ثاني يوم الصبح من وكت شفتهة استوهة طلعت من بيتهم وجاي تتمشة بشارع مشيت وراهة بالسيارة علة كيف ولمن شفت الشارع فارغ دكيتلهة هورن علة مود تلتفت وهية التفتلي بستغراب وكالت : خير ترة الشارع فارغ تكدر اتفوت من غير جهة
فهد : اول شي السلام عليكم
غادة بستغراب : وعليكم السلام تفضل رايد شي
فهد بصدق: اني اسمي فهد ضابط شرطة وللصراحة صارلي فترة اراقبج وعجبتيني واني شخص ماحب اسوالف التليفونات والرسائل احب ادخل البيت من بابه فا اذا اتقدمتلج اتوافقين
غادة بخجل : احم مادري بكيف اهلي يلة اترخص وراحت بسرعة
فهد : ابسمت ورحت للمركز دخلت المكتبي واتصلت ابوالدي سلمت علي وحجيت ويا اشوية وراهة كتلة شف ابنية ابغداد حلوة وعجبتني واريد اخطبهة وهوة للأسف جان ردة برفض تمامن حاولت ويا بس قافل ما يرضة ازوج غريبة سديت التيفون ورحت الشيخ ايصير ابو صديقي حجيتلهة علة الخطوبة وعلة رفض اهلي كلي سهلة اني اروح وياك ونخطبهة وصدك ثاني يوم العصر رحنة اني وصديقي وابو وخطبناهة من ابوهة والعرفتة عنهة انه هية الجبيرة وراهة اختين وماعدهة لا اخوان ولا عمام وابوهة ابتسم لمن شاف الشيخ وعرف اني ضابط شكلة يحب الماديات وسئلتي عن اهلي كتلة اهل بالبصرة بيني وبينهم مشاكل لهيج ما اجو واذا ازوجت بنتك راح نبقة بغداد وعندي بيت بمنطقة ( ) تكدر اتروح وتسئل علية اذا تريد كال ابوهة ببتسامة بعد ما عرف راح تعيش بتة بيت وحدهة وبهيج منطقة راقية انو نشوف رئي البنية وطلعو فهد وابو صديقة الشيخ وصديقة بعد ما ترخصو من ابو غادة
فهد : ورة اسبوع اتصل بية رقم غريب جاوبتة وطلع ابو غادة وردلي الموافقة وصارت الخطوبة والعرس بقل من شهرين واجو بس امي واخوية بالعرس بس اصدقائي ما قصرو ومن اهنا بدت حياتي الزوجية اول اسبوعين من زواجي من غادة جانو مثل العسل وما بيناتنة اي مشاكل وراهة بدت غادة اسوي مشاكل علة اتفه السباب زائدن شكهة بية جانت جداً اشكوكية وطلع المشاكل من جوة الكاع وكل يومي طلبات ساعة خدامة ساعة اريد طقم ذهب ساعة ملابس ودور طلعات وطبات وبدت تهملني وتهمل بيتهة بشكل مبالغ بي كل جمعة هية لازم عد اهلهلة وكل اسبوع تطلع هية وصديقاتهة واني بديت اتقلم وية الوضوع وصرت اكضي كول وقتي بالدوام والشغل ورهة تلث تشهر كلتلي غادة انو هية حامل صدك فرحت من كل كلبي بعد اسنين من الشغل والتعب راح يجي اليسندني ويصيحلي بابة وبدت اخلص شغل بالمركز بسرعة علة مود ارجع للبيت لأن جان حمل غادة كلش صعب لأن بجر وديتهة للدكتورة كالت الطفل نازل لازم تكعد علة ظهرهة ومرت الشهر واني بين مركزي وغادة الي صارت لا تطاق من ورة الحمل واني اصبر وكول يمكن هورمونات الحمل ومرت الأيام والشهر واجة اول طفل الية اول ما شفتة دمعت عيوني من الفرحة وشكرت ربي وشلتة بيدي واذنت بذنة وسميتة كرار ورة يومين طلعت غادة من المستشفة ورادت اتروح عد اهلة كتلهة ترجع وياي للبيت واني اهتم بيهة وجيبلهة مربية بس رفضت عفتهة علة راحتهة وديتهة البيت اهلهلة وبين يوم ويوم اروح اسلم عليهة واشوف كروري ورة اسبوعين جبتهة هية وكروري للبيت وطلبت مربية الكرار علة مود اتساعدهة جبتلهة احسن مربية ورة شهر رجعت نفس الشي طبات وطلعات هية وصديقاتهة وحتة كرار هملتة وعافتهة يا بيد المربية يا عد اهلهة حتة مكمت احجي وياهة بخصوص طباتهة وطلعاتهة اشكد حجيت وما فاد جنت مخليهة علة راحتهة وكمت اكضي يومي كلة بالمركز بين الرهابيين والمجرمين صرت اكثر عصبية وقساوة وية الكل بحيف كامو الكل يحسبلي الف احساب من يسمعون بأسم الضايط فهد جنت الشخص الوحيد ويا الين وارجع الطبيعتي هوة كرار يلي كل ما يكبر يشبهني بطبعة جان جداً مسالم حتة ميتعب المربيات ايذكرني بنفسي لمن جنت اصغير ورة خمس اسنين من زواجي من غادة سمعت بخبر حملهة الثاني صحيح فرحت انو راح يجيني طفل ثاني بس ضجت لأن راح يولد عد ام مهملة مثل غادة هية كروري وهاملتة مو نوب طفل ثاني اتنهدت وكلت انشألله الله يفرجهة ويعقلهة ورة تلث اشهر راحت حللت جنس المولود عرف انة بنية فرحت وعدت نفسي الة ادللهة وما خلي شي بنفسهة ومرت الشهر بين حمل غادة الصعب وشغلي وفجئة صار عد غادة ولادة مبكرة الصبح وديتة بسرعة للمستشفة وشافتهة الدكتورة وكالت ولادة مبكرة لازم انسويلهة عملية وقعت اوراق العملية وبدت العملية ورة ساعتين تقريبن اجتي السستر ( الممرضة ) وبيدهة طفل اصغيرون لافتة ابطانية انطتني يا وكالت مبروك اجتك بنية مثل الكمر ابتسمت وشلتهة واذنت بذنهة وسميتهة ملاك وبستهة من خدهة واطيتهة للسستر راحت ودتهة للخدج وراهة طعلت الدكتورة وباين علة معالمهة الحزن خفت وسئلتهة عن غادة واهنا جانت الصدمة الثانية بحياتي وهية وفات زوجتي غادة وكعت دمعتي عليهة صحيح ما جانتلي زوجة زينة بس بيناتنة عشرة وطفل والعشرة ما تهون الة علة ولد الحرام مسحت دمعتي بسرعة وسويت الأجرائات مال الجثة وبلغت امهة وابوهة وخذت تابوتهة ودفنتهة بالنجف ونصبو الجادر كدام بيتي وبدت اناس تجي وتعزي مرت اتلث تيام الفاتحة ولا واحد من اهلي اجو او خابروني وعزوني مع ان اكيد هسة الخبر وصالهم ورة اسبوع من الفاتحة رحت شفت ملاك بيت اهل غادة وردت اخذهة بس رفضو وكالت امهة انهة بعدهي اصغير وماكو واحد يهتم بيهة اهناك وخالتهة جاي تهتم بيهة سكت لأن مرة جبيرة وعيب اكسر كلمتهة وكمت كل اسبوع اروح اشوف ملاك وكل ما اريد اخذهة يكلولي بعتهي اصغيرة ومحد يهتم بيهة الى اخره الحد ما هددتهم انه اذا ما تنطوني ياهة اصير بيناتنة المحاكم وامهة خافت وكالت خلص تعال الأسبوع الجاي واخذهة كتلمة ماشي وطلعت من بيتهم واني بصراحة ما جاي اكدر اساوي بين دوامي وكرار الي بديت اخاف من الخدم علي وصديقي بعد ما شاف حالتي اقترح علية اني ازوج اخت غادة علة مود اتربي الطفال واكيد ماكو وحدة راح تكون حنينة عليهم مثل خالتهم رفضت لأن اعرف البنية بعدهي اصغيرة وجاي تدرس يمكن بالصف الخامس واني رجال عمري بثلاثين حتة اظلمهة وياي بس بعدين فكرت بيهة زين وما دام هية الجاي تهتم ابملاك وكرار متعلق بيهة ليش لا وصدك رحت ثاني يوم وطلبت ايدهة شفت اهلهة اتفاجئو بس مبين عليهم قابلين كلتلي امهة نسئل البنية وردلك خبر كتلهة ماشي عمة ويلة اترخص عندي شغل وطلعت من بيتهم وثاني يوم واني جاي ادرب العساكر دك تليفوني كتلهم استراحة خمس دقايق وجاوبتة جانت ام غادة سلمت علية وكالتي انو ياسمين اتريد تحجي وياي بموضوع قبل الزواج استغربت وكتلة يلة انشألله باليل اني يمكم ردت علية بسرعة وكالت لا لا تعال هسة لأن تعرف ابو غادة ميرضة تحجون اذا مو عاقدين كتلهة خلص مسافت الطريق واني يمج وسدت التليفون وكلت الصديقي ياخذ مكاني بالتدريب ورحت البيت غادة دكيت الجرس وطلعتلي ام غادة سلمت عليهة ودخلت بالستقبال ورة خمس دقايق دخلت ابنية قصيرة اشوية ولابسة كلة اسود ما ركزت ابملامحة سلمت ورديت اسلام وكعدت اكبالي بس امين عليهة متوترة وتفرك بيدهة وطلعت امهة علة مود نحجي ابراحتنة بس هية ضلت ساكتة اتحمحمت وكتلهة بشنو اتريد تحجين اوياي وهية بدت تحجي وتكول عندي اشروط حتة ازوجك انو ما اصيرلك مرة واني بس اهتم بالجهال وتحجي خرابيط اني كتلهة انه محد يتشرط علية وكتلة اني اصلاً مزوجج علة مود الجهال ومستحيل تدني نفسي عليج او اريد وهية كالت لعد متفقين وسئلتني علة كرار كتلهة يم المربية وبنهاية الأسبوع اعقد عليج وترخصت وطلعت من بتهم وكضة الأسبوع بلمح البصر بين الدوام والنقل البيت جديد لأن كمت اختنك من ذاك البيت فشتريت بيت جديد ورحت بنهاية الأسبوع وخذت شيخ وياي وعقدت علهة واخذتهة هية وملوكة ورحنة البيتي شافتة وسئلتني ليش مغير البيت كتلهة بكفي ودخلت هية للبيت واني دخلت جنطهة وشفتهة كاعدة بالصالة ومكعدة كروري بحظنهة وكروري اول ما شافني نزل من حظنهة واجة بتجاهي شلتة وسئلتة ليش ما نايم كلي منتظرك انام سوة كتلة ماشي وكلت للخادمة اتودي ياسمين الغرفتهة وصعدت اني وكروري فوك بغرفتي حطيتة علة الجرباية وانطيتة تليفوني يلعب بي ورحت سبحت وصليت واخذت التليفون من كرار وطفيتهة ونمنة اني ويا ومرت الأيام والشهر الحد ما صار سنة الوفا غادة وزاجي من ياسمن يلي جانت نعمة الأم والخالة الطفالي اثنيناتهم حتة واجباتهة الزوجي بحقي كا طبخ وتنظيف كول عليهة حتة المربية استغنيت عنة بس الخدامة موجودة لأن البيت كلش جبير وماتكدر علي وحدهة ومنا تربية الطفال وحتة شالهة متنزعة كدامي مع اني كتلهة اكثر من مرة اني زوجج عادي اتنزعين شالج بس هية جانت ترفض فا خليتهة علة راحتهة وبيوم من الأيام اني جنت بمكتبي كاعد اشتغل علة شكم قضية مهمة دك تليفوني شفتهة رقم اخوي استغربت وخفت بنفس الوقت لا صاير علة واحد من اهلي شي لأن صارلة فوك الست سنوات مداك علية جاوبتة وبعد السلام والكلام كلي انة جدي مريض وحالتهة صعبة ويريد ايشوفني ويشوف الجهال كتلهة انشألله باجر الظهر احنة يمكم ورحت للأمر مالتي وطلبت اجازة كد اسبوعين ورجعت للبيت شفت كرار وياسمين كاعدين بالصالة وكرار يكتب عاف الكتابة لمن شافني واجة حظناني حظنتة وبستة من خدة وشلتة كعت علة الكرويتة وكعتة بحظني وسلمت علية ياسمين يالي مبينة مستغربة لأن جاي من وكت وسئلتني اذا اتغدة لو لا رديت السلام وكتلهة ما اشتهم غدة وحضري نفسج انتي والجهال باجر الفجر نروح للبصرة سئلتني بستغراب
ياسمين بسغراب : ليش اروح للبصرة
فهد برود : خابراني اخوي وكال جدي مريض ويريد ايشوفنة
ياسمين : ماشي وجكد راح نبقة علة مود احضر ملابس للجهال
فهد : مو اهوي اسبوع لو اسبوعين بس ما اوصيج نتعامل كدامهم عادي علة اساس زوج وزوجة خوش
ياسمن : خوش يلة رايح احضر الجنط مال ملابس
فهد : ماشي واني صاعد انام ما اريد واحد يكعدني
ياسمن : اوكي وراح فهد الغرفتة واني رحت الغرفة كروري حضرتلة ملابسة وحطيتهن بالجنطة وحطيتهة بصف الباب ورحت اني وكرار الغرفتي شفت ملوكة كاعدة رحت شلتة من الكاروك وشربتهة ممة وحطيتهة بالكاع تلعب هية وكروري وكمت حضرت ملابس كومة الملوكة لأن تسحك ملابس اهواي ودائماً ادمر ملابسهة وحضرت ملابسي بجنطة وهم حطيت الجنط بصف الباب وحضرت البس الراح انروح بي باجر الحد ما صار المغرب يلة كملت ورحت اتوضيت وصليت وعشيت كروري لأن اينام هوة وملوكتي من وكت اتعشو وسبحتهم خاف باجر الفجر اسبحهم وياخذون برد ويمرضون وسبحت همين ونزل فهد تقريبن بثمانية سئلتة
ياسمين : احضرلك عشة
فهد وهوة يلبس ساعتة : لا مشكور طالع اتعشة اني واصقائي تردين شي
ياسمن : لا سلامتك
فهد : يلة لعد في امان لله
ياسمن : بعد ما طلع فهد من البيت رحت نومت الجهال وتعشيت وشفت فلم حلوة الحد ما غفيت وما فزيت غير علة دكة الباب وفهد وهوة يصيح
فهد : ياسمن يلة اكعدي صار الفجر ورانة طريق
ياسمن بنعاس: اي اي كعدت وكمت غسلت وصليت بسرعة ولبست ملوكتي وهية نايمة لأن اذا واحد كعدهة يقرة السلام علة نفسة من ورة صريخهة لبستهة بدلة وردية حلوة وبوند ابيض وحذاء ابيض ورحت الغرفة كروري خطية شفتهة نايمة بعمق زعلت لأن راح افززة من نومتة وكعتة وهوة خطية يطوطح منا ومنا من النعاس ولبستة بنطرون اسود وبدي ابيض وحذاء ابيض ورجعت نومتة بين ما اكمل ورجعت الغرفتي ولبست
هذة الفستان وياهة جنطة امل شيالات سودة اصغيرة حطيت بيهة مميتين الملوكة حراريات يعني ايحافظن علة حرارة الحليب وحطيت كحل ومسكارة وحمرة وردية خفيفة وشلت ملوكتي ونزلت جوة شفت فهد واكف بالصالة يحجي وية واحد بس استغربت من لبسة جان لابس دشداشة سودة وجرارية جوزية لافهة لفة خليجية اول مرة اشوفة لابس دشداشة بس شنو طالعة علي فد شي مدري هوة محليهة ضليت صافنة علي وشون الدشداشة ضابة علة عضلاتة وظاهرتهن فززني من صفنتي ايدة التهز بجتفي ويكول
فهد : بابه وين رحتي شنو بعدج نايمة
ياسمن بحراج : ها لا بس شوية نعسانة
فهد : روحي اصعدي بالسيارة بين ما اجيب كرار بدلتيلة مو
ياسمن : اي بدلتلة ورحت حطيت ملوكتي بالكرسي المخصص الهة وسديت احزام الأمان مالكرسي خاف تكعد وتوكع واجة فهد وهو شايل كرار رحت بسرعة وفتحتلة الباب وهوة حطة بصف ملاك وسد الباب واني صعدت اليكدام وهوة جاب الجنط وحطهن بالصندوك وقفل البيت واجة ركب السيارة وشغل دعاء الصباح وتوجهنة للبصرة ..........
ياترة شنو منتظرهم بالبصرة ؟
وهل راح يرجع فهد يحن الحبة الأول ؟
وهل ياسمن راح تكدر تتقلم وية عائلة فهد ؟
لا تنسون التصويت ♥️
والتعليق والمتابعة 💜
وحبايب انشرو القصة حتة يصر التفالع قوي بيهة وذا شفت التفعل صار زين انشرلكم كل يومية بارت 💞
والبارت٢٦٢٥ كلمة يعني اليكول قصير بهذة 🔪
هههه جذب واحبببببكم ❣️
