صار الوكت موزين
بي كلشي جايز
طلعن بنات الكروب
كلهن عجايز 🧓🏻
/ مقصودة يول 😎
•••••••••••••••••
# ياسمين الفهد
البارت السادس عشر
# بقلم خاتون الكعبي
•••••••••••••••••••
_____ قرائة ممتعة ____
تذكير
جبر بحدة : اااشكم مررة منبهج ما تحجين وية هذة العااار هااا
رفل بخوف : جبرر اشبيك ترة هذة ابن خالي واجة سلم علية اشون يعني ما ارد السلام
جبر بعصبية : وشبت بيج لج طايحت حظ اشكم مرة امنبهج ما تتخالطين وية ابن خالج العار هاا لا نوب الكاج داكة ويا اسوالف والبتسامة شاكة حلكج
رفل : جبر لا تنسة نفسك ترة انتة ابن عمي وبس يعني حالك من حالة ومثل ما اسلم عليك واحجي وياك هوة كذالك واني محجيت ويا وحدنة حجيت ويا وبنات خالي كولهة واكفات والولد اسبورتي ويحب يشاقة ويضحك قابل ابوزم بوجهة
جبر : بتل الكلب ليش اتخليني اجاوز شنو حالي من حالة يعني قابل هوة ايبوسج نفس ما ابوسج وحظنج لج شنو هنا عقل لو باتري عطلان ترة اني هسة بحسبت خطيبج والأسبوع الجاي اعقد عليج يعني انتي مرتي حلالي واني مسحيل ابيوم اقبل مرتي تحجي وية واحد عاار مثل هاذة حطي هذة الحجي ترجية ابذنج انتي مرتي الي ملكي ملك جبر مفهووم
رفل : اني مو ملك احد ومستحيل بيوم اصير مر. .. وقبل لا اكمل كلامي هجم جبرعلة اشفايفي وباساهن بوحشية وضل ايبوس بيهن ويمص الحد ما عظهن بقوة ونزل راسة علة ركبتي من جوة الشال شمهة بقوة ومصهة بقوة ورفع راسة وكال بصوت خدران
جبر : رفل ادخلي للبيت قبل لا ارتكب بيج جريمة
رفل بتوتر وخجل : هزيت راسي ودخلت رئستن للبيت من باب المطبخ شفت بنات خالي كولهن واكفات جاي ايصبن بالغدة دنكت راسي ورحت للسنك فتحت البوري وغسلت وجهي ورجعت كعدت يم ياسمين بالغرفة وصبو الغدة للزلم وصبو للنسوان جان خير من الله والله طحتلة دوسة ونص من الجوع وامي كل اشوية تخزر بية عود عيب واني اخر همي المهم اشبع كرشي وكملنة الغدة وشلنة المواعين ونقلناهن للمطبخ وما شألله الندارة فجئة نزلت علة شميسو الحية وكامت اتساعدنة اشرت الياسمين تجي وياي بس هزتلي بكتافهة بعلامة الرفض استغربت وقربت يمهة وكلت بهمس : ولج ليش متجين اساعدينة
ياسمين بهمس : فهد ميقبل ايكول اذا مشيتي خطوة اكسر رجليج وبصراحة اني رجلية عزيزات وما اكدر اضحي بيهن وتعرفين اخوج خبل اذا كال شي ايسوي فخل اكعد واستر علة رجلية
رفل : ضحكت علة خبالات اخوي وردت ارجع للمطبخ بس سمعت عجوز البين اتكول الياسمين
ام فايز بستهزاء : جا متكومين اتعاونين البنيات لو تستنكفين تشتغلين
رفل بمكر : لا بيبي مو تستنكف تشتغل بس سودة علية فهد اموصيهة وكايلهة لا تمدين ايدج علة كشاية لأن اتعرفين البنية ترفة ومو مال تشتغل هل شغل الخير والبركة بشموسة النادرة الي راح تغسل المواعين كولهن مو شمس
شمس ببتسامة : اي اكيد اغسلهن جا هنة اشيرادلهن يجدة قابل استنكف اشتغل ابيت حبوبتي
ام فايز ببسامة : عفية ببنيتي النادرة يهيج النسوان يا بلة مو مثل نسوان هل وكت مكظياتهة طلعلات ونوم للظهاري وخيستهن طالعة
ياسمين : باوعهة اشون تحجي وية شمس بس البسامير موجهة الي ابتسمت بغباء لمن كالت طلعات اشو اني وفهد ما طلعنة طول السنة ذيج غير للقاحات مال ملوكة والعيادات مال اطفال لمن ايمرضون الجهال خررب حظي اي والله علة هاي الناس نافستني اليكول طالعة للكورنيش وباوعت الرفل الي اجت اترد عليهن اشرتلهة براسي بمعنة عوفيهن واخذت ملوكة وكلت الوحدة من البنات ادليني علة غرفة هادية علة مود انوم ملوكة بيهة ودتني البنية الغرفة اصغيرة وهادية اصير بصف الدرج دخلتلهة وسديت الباب وطلعت ممية ملوكة وحطيتلهة مي حار من الترمز وحطيت مكيالاتين حليب بالممة وخضيتهة ورضعتهة الملوكتي وضليت افتر بالغرفة واهز بيهة الحد ما نامت حطيتهة علة الجرباية وباوعت علة الساعة المعلكيهة بالحايط استوهة بالثنتين ونص يعني بعد حصبة وجدر يلة اروح واني راح اطفة من النعاس كلت خل انام بين ما يخلصون اسوالفهم وصدوك انجطلت بصف ملوكتي علة الجرباية وسحبت الغطة غطيت ملوكتي وتغطيت وحظنتهة ورحت بسابع نوومة ..........
_____________
فهد
ورة مسلمت علة جدتي رجعت للديوان وكعدت بصف ابوي وضليت اسولف وية خوالي وجدي الحد ما صبو الغدة اتغدينة وشربنة جاي وبتلاثة ونص جدي كال نحضر السيارات ونكول للنسوان يجهزن علة مود نرجع وخوالي ما قبلو اصرو علة جدي نبقة بس جدي رفض لأن عندة باجر اطلابة وبقة يتعذر منهم واني ولد عمي كمنة طلعنة السيارات ودخلنة سلمنة الحجية ونسوان بس اشو مشفت ياسمين ضليت اتلفت بعيوني ودور عليهة بس ماكو اشرت الرفل تجي
اجت وكتلهة بصوت ناصي
فهد : لعد وين ياسمين
رفل : اخذت ملوكة وراحت بالغرفة علة مود تنومهة
فهد : يا غرفة واني مو وصيتهة ما تخطي خطوة برة لو تلعب بكيفهة هية
رفل : هدي يخوي عليمهن كول هل عصبية ملوكة نعست وتعبت من الطريق وهنا هوسة فراحت بالغرفة ذيج علة مود الهدؤ
فهد : هزيت راسي ورحت للغرفة الأشرت علبة رفل فتحت الباب وشفت ياسمين حاظنة ملوكة ونايمة خرب اشكد اتحب النوم اشوكت ما اجيهة نايمة ابسمت وتقربتلهة هزيتهة من جتفهة وكلت
فهد : ياسمين ياسمين اكعدي ياسمين
راح نرجع اكعدي
ياسمين : فزيت من نومتي علة ايدي فهد وهية اتهز بجتفي رمشت بعيوني بنعاس وكلت بستغراب : هاا شكو
فهد : سلامتج يلة كومي راح اروح كلت هذة الكلام واني اشيل بملوكتي وحطهة علة جتفي
ياسمين : هزيت براسي وكمت حطيت الممية مال ملوكة والملهية بالجنطة ورتبت حجابي وطلع فهد واني ورا وسلمت علة الحجية ام فايز وعلة نسوان خوالة والبنات وطلعت وية فهد ركبت السيارة وفهد خلة ملاك علة الكشن الورة لأن جانت نايمة وراح ودع خوالة واجة ركب السيارة وبدة ايسوقهة وكتلة
ياسمين : كرار هم يرجع وية عمتي وعمو مو
فهد بهدؤ : اي
ياسيمين بحماس : فهد انتة مو كلت العصر اوديج للهوار اشوفيهة
فهد برود : اي
ياسمين : شنو اي يعني اتوديني لو لا
فهد برود : اشوف
ياسمين : ششوف
فهد : باوعتلهة صفح ولتفتت للطريق
ياسمين : اباوعلة ولا مهتملي ويحجي وياي برود تام سكتت ودرت راسي للجامة وبقة ساعة ادك السيارة بينة ايست بعد ايوديني كلت راح نرجع للبصرة بس اشو هذة صف السيارة وكال
فهد : وصلنة
ياسيمن : باوعتلة بستغراب ورفعت راسي ليكدام شفت منطقة كولهة اهوار وزرع وزلم كومة بقواربهم جاي ايصدمون ابتسمت بنبهار علة منظر الهوار جان فعلاً منظر اكثر من رووعة بقيت بس ارمش بعيوني وكتلة بنبهار
ياسمنين : سبحاان الله المنظر ايجنن يلة فدوة خل ننزل
فهد : هوب هوب وين تنزلين منانة وباوعي ع الهور مشوفين الزلم جاي ايصدون
ياسمين : لا فدوة خل ننزل والله بسرعة نرجع بس اشوي فدوة واصلاً الزلم ملتهين ايصيدون يعني مراح ينتبهولنة فدددوة
فهد : زفرت انفاسي بعصبية وكلت : وملاك انعوفهة وحدهة
ياسمين : لا طبعاً هسة اكعدهة وناخذهة ويانة
فهد : ما شألله الكلشي عندج حل
ياسمين : لعد اشعبالك شفتة ابتسم بس خفة ابتسامتة بسرعة وكال
فهد : يلة بسرعة كعدي ملوكة
ياسمين : هزيت راسي وهوة نزل من السيارة واني درت علة ملوكتي كعدتهة وشلتهة بستهة من خدودهة وطلعت من السيارة ورحت وكفت ورة فهد وهوة بدة يمشي واني ورا الحد ما هوة سحباني بصفة ولزم ايدي اشون الطفلة ابتسمت بخجل وضليت اباوع اني وملوكة علة الهوار وكل ساعة سائلتة شغلة وهوة يجاوبني برحابت صدر وراهة كال خل نرجع ورانة طريق كتلة ماشي ورجعنة للسيارة ركبناهة وبدة هوة يسوق واني صافنة علة الطريق ........
________________
رفل
ورة مأجة فهد وكال راح نرجع للبصرة كمت رتبت حجابي وسلمت علة نسوان خوالي وعجوز البين وردت اطلع وية امي بس دخل جبر وجدو وبابة سلمو علة عجوز البين وهية اهلت ورحبت بيهم بس ردت علة جبر من ورة خشمهة انتبهتلة ضاج منهة بس ما بين انوب نبت عجوز الغثة من مكانهة وكالت لجدو
ام فايز : عساك سالم شيخ بس انه عاتبة عليك بسالفة
الشيخ سالم : افا حجية عسة ما شر شنهي السالفة
ام فايز : والله السالفة وما بيهة سمعت توني بمهر الشيخ جبر ورفيلة وموش من الأصول حفيدك جبر يعقد علة رفيلة وهوة جان ماخذ بت عمهة وخالتة هاي حتة عيبة بحقنة بنات خالات وحدة تاخذ رجل الثانية
رفل : هية تحجي واني اباوع علة جبر قابض علة ايدة بعصبية وعروك ايدة وكصتة ناطات من العصبية والله لا ارادين ابتسمت اول مرة تحجي شغلة بيهة خير هل عجوز المغثة وما اشوفلك الة امي كارصتني من زندي باوعتلهة بوجع وهية اشرتلي علة حلكي لأن ابتسم خفيت ابتسامتي وباوعت علة جدو الي كال
الشيخ سالم : والله يا حجية كلامج علة راسي بس بعد الولد رايد بت عمة وهوة احق بيهة من الغريب ومثل ما تعرفين كل واحد ياخذ نصيبة يلة اترخص ونشألله نزوركم بالفراح وبيت العامر انشألله
ام فايز : الله وياكم شيخ وعسة الرحمان والحسين يحفظك ويدمك خيمة علة راس ولدك وحفادك
رفل : وطلع جدي وابوي وجبر وامي سلمت علة عجوز المغثة وطلعنة اني وياهة واني ختلت وراهة مردت ايشوفني ضرغام ويكلي تعالي ويانة مسحيل اتحمل ابو منا للبصرة بس وين حظي مصخم من كاعة واني جاي البس حذائي شافني ضرغام واجاني ركض وكال
ضرغام : وينج صالي ساعة ادور عليج يلة تعالي ويانة راح نرجع
رفل : ضريغم راح ارجع وية امي وابوي مبية حيل مغثت ابوك
ضرغام : ههههه عود انتي وبابة ليش اتكرهون بعض وكل مكان تجتمعون بي لازم اصير مصيبة
رفل : والله المفروض تسئل هذة السؤال الابوك مو الي لأن هوة اشوكت ما شافني ايصيح علية ويغلط
ضرغام : بعد اشوية اسئلة وهسة يلة تعالي ويانة فدوووة فدووة والله امل وحدي بالطريق وبابة اتعرفي ما يحجي اهواي فدووة تعالي
رفل : كال هيج وكام ايدفع بية للسيارة تنهدت بضوجة وكتلة : ماشي بس اول شي اسلم علة خوالي لأن عيب مسلمت عليهم
ضرغام : ماشي بس منتظرج بالسيارة مو تتأخرين
رفل : هزيتلة براسي ورحت الناحيت خوالي شفتهم واكفين بالباب همة وعماي وجدي وجبر رحتلهم وسلمت علة خوالي وضليت واكفة يم خالو الأصغير الي كام ايشاقيني ويضحك وياي هذة اقرب خال الية اعتبرة مثل فهد لأن بعدة اصغير بالعمر وما مزوج وكمت اضحك ويا وشاقة وراهة باوعت علة جبر الي كام يتحمحم وشفتة خازرني باوعتلة بستفزاز وكتلة صحة هوة باوعلة وخنزر وسلم علة خوالي وراح ركب سيارتة واني هم ودعت خوالي ورحت بسرعة ركبت بسيارة جبر الي كام ايباوعلي من المراية وكال
جبر بعصبية : بعد وكت خاتون جان بقيتي يمهم
رفل :.............
يتبع
وهذة البارت انشألله يعجبجن وربي التكولي قصير اركعهة بالجفجير مال الوالدة لأن صارلي يوم كامل اكتبة وينمسح 😭 وعدتة الخاطركم
