لا تبقة ابيض گلب...
وتصير مثل الگطن ....
واحنه بزمن نداف .....
صباح العسل خاتوناتي ✌🏻
البارحة يلة انتبهت علة القصة صايرة مية الف مشاهدة للصراح نصدمت وينفس الوقت فرحت فششششششكراً من كل كلب ♥️♥️♥️
••••••••••••••••••••••••••
# ياسمين الفهد
البارت الرابع والعشرون
# بقلم خاتون الكعبي
•••••••••••••••••••••••••
____قرائة ممتعة _____
تذكير
جير بهدؤ : حجية من رخصتج بس اريد احاجي رفل علة انفراد
ام فايز برود : جا ما تحاجيهة شنهي صامة حلكك اني
جبر : لا حجية مو هيج بس اريد احجي وياهة بموضوع خاص
ام فايز : وشنهي يمة الموضوع الخاص بينك وبينهة شوف ولك ابن غنيم احنة ما عدنة هاي السوالف وطلعات وطبات وكركرة وسوالف عود بس تتزوجهة وتاخذهة بيتك اكعد واحجي وياهة براحتك عسة ما اضلون سنة تحجون محد يكلي ليش بس هسة ممنوع
جبر بعصبية مكتومة : حجية ترة رفلل صارت بحسبت مرتي يعني حلالي واكدر هسة اخذهة لبيتي كدام الكل غصبن عن اليرضة والما يرضة
ام فايز : والله هذة الحجي ايفيدك ميفيدني وعيني عليمن كل هل تحرمص عليهة يعني متكدر ايفوت يوم اذا متحجي وياهة سودة علية ابنيتي شموسة اذكر من خطبتهة حتة سلام مسلم عليهة
رفل : انصدمت من حجي عجوز البين وبنفس الوقت ضجت وباوعت علة جبر قبض علة ايدة بعصبية وصارن عيونة حمرر عرفتة راح ينفجر بيهة وصير مشكلة فكمت بسرعة ورحت الجبر سحبتة من ايدة وكلت
رفل : خل نطلع بالحديقة انسولف احسن هم اني اريد احجي وياك باوعلي ورفع حاجبة وهز راسة وعجوز البين كامت ادردم بصوت ناصي ما هتميتلهة وسحبت جبر وطلعنة بالحديقة اول ما وصلنة وخرت ايدي منة وكتلة بتوتر
رفل : ماكو داعي تعصب من كلامهة ترة ماكو شي يستاهل
جبر : زفرت انفاسي بخنكة وهزيت راسي وباوعت علة لبسة اشون مفصل جسمهة تفصال والزنود والرجلين كلهة طالعة قبضت علة ايدي بعصبية وباوعت علة الستاير مال الابيوت الكبالهم ودرت عليهة وكلت
جبر وهوة راص علة اسنونة من العصبية : رررفل ادخلللي جوووة لا انعل شيب ااالخلفج علة هل للبس
رفل : خفت من كلامة وشفتة اشون عصبي ويحجي بحدة وربي غير اذا اراددة يشمرني من البيتونة فهزيتلة راسي بتوتر علة خوف ودخلت بسرعة جوة و.........
________________
كمر
السلام عليكم اني كمر اصلي من ميسان لاكن انتقلنة من فترة للبصرة عمري١٧ سنة وطالبة صف خامس علمي وعائلتي متكونة من والدي الله يحفظة ويخلي خيمة فوك روسنة وامي وتلث اخوان اثنين اكبار مزوجين واحد اصغر مني واني البنية الوحيدة الهم ما اكلك اني مدللة وعشت حياة سعيدة واي شي اطلبة وتمنة يجيني لأن اني البنية الوحيدة الأهلي لا بلعكس جانو اهلي عدهم تمسك بالدين بشكل مبالغ بي بحيث اكثر من مرة رادو ايبطلوني من المدرسة بحجة شنو ابنية تطلع واطب بكيفهة بس اني اعارضهم واضرب اسابيع عن الأكل في سبيل ايرجعوني للدوام الحد ما كال بابة تخلصين السادس وتكعدين والكلية ماكو واني رضخت بقلت حيلة للأمر الواقع لأن معندي اي حل غيرة واجينة للبصرة وزاد تعقيدهم وضغوطاتهم علية ما قل بحيث حتة رادو ايبوشوني ( ينقبوني ) بس مامة كلتلهم بعدهي اصغيرة مو مال بوشية وحتة بالمدرسة البس عباية للصراحة مجان عندي مشكلة بيهة لأن مرات احسهة ستر الية من نظرات اي شخص بس للأسف جانو كم بنية متخلفات بصفي يعيبن لأن البسهة وكل يوم ايذبن علية كلام مثل حجية خالة بيبي واني مجنت ارد غير ابتسم بوجهن واهز براسي جنت ماشي علة مثل يكول عامل الجاهل بتجاهل وفعلان هذة المثل مشة وياهن ولمن شافني ما ارد عليهن وجاهلهن ملن مني وعافني بس بقت اشكم وحدة منهن حاقدات علية واشوف نظرات الكره والغيرة بعيونهن لأن جنت اشطر وحدة بيهن وكذالك اهدة وحدة والمدرسات كولهن ايحمدن بية وبأخلاقي يمكن جان هذة الدافع الكبر عندي حتة اكمل دراستي وابني مستقبل خاص بية وبيوم جنة طالعين اني واخوي الصغير البيت صديقتي حتة اجيب الواجب منهة لأن جنت ماخذة اجازة مرضية من المدرسة وطبعاً بعد توسلات بأبوي واخواني الكبار يلة قبلو اروح اني واخوي والصغيرة وصدك لبست عبايتي ورحنة اني وياه البيت صديقتي جبت الواجب منهة وبالرجعة اخوي شاف طوبة بنص الشارع وراح حتة ياخذهة صحت علي لا يجيبهة لا يندعم بس ما رد وراح اخذهة وفجئة اجت سيارة وصار الحادث والف الحمد لله طلع منهة سالم بس سودة علية ايدة مجبسة ورجلة مكسورة هذة غير الكدمات البوجهة عبالي ابوي مراح يسكت للزملة الدعمة وراح ايسويهة عشاير او يدخلة للسجن لأن اخوية محمد اعز واحد علة كلبة وهوة اخر العنقود بس مسوة اي شي من الصورتة بالعكس رضة بسرعة لمن عرف بالولد الدعمة ايصير ابن صيدقة وحسب ما فهمتة من امي انو ابو الولد الدعم محمد ايصير اكثر من اخوة بنسبة البابة وجانو سوة ابيام الجيش حتة امي تعرف مرت الزلمة اليسمو ابو فهد واني مثل الطرش بالزفة وضجت لأن بابة سكت ومحاسب الشخص الدعم حمودي حتة لو ابن صديقة بس يستاهل ينسجن اقل شي سنة قابل الناس عبيد عندة يمشي ويدعم بيهم واليوم جان دوامي ضهري فكعدت متأخرة بالتسعة هيج وكمت صليت ونزلت جوة شفت نسوان اخوتي المسمومات وكل عادة كامن يبسمرن علية لأن كاعدة متأخرة ما هتميتلهن ورحت حميت الجاي وسويتلي لفت جبن اتريكت وخذت البريك النزكي بي الزرع ( نسيت اسمه 😅)وترستة مي وطلعت ورة البيت مالتنة عدنة حديقة اصغيرة اتخبل انواع الورد بيهة وكمت ازكي بيهة ودندن بغنية احبهة وفجئة درت وشفت واحد واكف ويباوعلي انصدمت وخزرتة وحطيت الشال علة راسي وكلت
كمر بعصبية: منوو ااانتة وشون تتجرئ وتجيي اهنااا هاا
