ليش بس وياك البال يرتاح
ادري انته بشر لو راحت البال ♥️
...............................
# ياسمين الفهد
# بقلم خاتون
.................................
البارت 3
————- قرائة ممتعة ———
رفل
كعدت من الستة علة صوت اصياح امي كمت مفزوعة لأن اليوم راح يجي اخوية فهد هوة ومرتة وجهالة ثول اليثولني التهيت اسولف ونسيت اعرفكم عن نفسي اول شي هلو اني رفل اصير اخت فهد وعمري ١٩ سنة العام اتخرجت من السادس بمعدل ايخليني ادخل محاما بس للأسف ابن عمي جبر الغثة ما خلاني ادخل كلية والله شنو ماعدنة بنية تدخل كليات وابوي وافقة الرئي لأن هوة الشيخ وما يكدر يكسر كلمتة اشكد حاول اوياهم واجت ايام حتة اكل ما اكل واحبسة روحي ابغرفتي عسة ولعل ايوافقون اكمل حلمي بس وين ضلو مصرين علة رئيهم الحد ما استسلمت للأمر الواقع وتركت دراستي وحلمي الضليت اثنعش سنة ادرس واتعب علة مودة بس للأسف هذة واقعنة ومو بس اني اكو هواي بنات غيري تركن درتستهن وحلمهن علة مود شي اسمة عادات وتقاليد وهدمو احلامنة ومستقبلنة والله شنو البنية مالهة غير بيت رجلهة تكدرون اسمو تخلف وهمجية اوف لغيت هواي يلة رايحة اسبح لا امي اتعلكني بالبنكة لأن اتأخرت عليهة وكمت بسرعة سبحت وصليت ونزلت استلمت البيت من جوة ليفوك فرك بالجلافة وتنظيف انكسر ظهري واخر شي رحت فتحت غرفت اخوية فهد القديمة بس مسحت الخشاب ورتبتهة لأن البارحة باليل ابوي جاب غرفة تركية جديدة الة وكاروك البنتة سمعت عندة بنية عمرهة سنة اكيد حلوة علة عمتة متحمسة اشوفهة واشوف مرتة اوف ياخوي عاش طول عمرة مظلوم وحبيت الشخص الغلط واكفة ارتب بالتحفيات واذكر اشون تركنة وراح البغداد من ورة المسموة من الله لا يوفقة بجاه النبي وصحاني من ذكرياتي وصفنتي نبع الحنان وهية اتصيح علة مود اروح البيت جدي لأن هناك راح نستقبل فهد كتلهة هسة راح انزل وعلكت بخور بالغرفة وسديت الباب ورحت الغرفتي ولبست صاية خليجية فوك ملابسي وحطيت شال وردي وحطيت مسكارة وحمرة بناتية خفيفة وخذت تليفوني من الشحن ونزلت جوة قفلنة البيت ورحنة البيت جدي اول ما وصلنة البيت جدي شفت جبر واكف يم الطباخين ويحاجيهم ولمن شافني خزرني واشرلي ادخل ابسرعة للصراحة خفت من خزرتة لأن اعرفة اذا عصب ما يرحم واحد فا دنكت راسي وفتت بسرعة للبيت شفت نسوان عمومتي وعماتي كلهن جايات سلمت عليهن الحد ما راح فجي من المباوس ونزعت صايتي جنت لابسة ثوب حلو علة شكل فستان ولونة بيجي وشالي الوردي ورحت للمطبخ دخلت وسلمت علة بنات عمي الي اغلبهن ما اطيقهن وبديت اطبخ وياهن واغسل بالماعين الحد ما بدة صوت الطلاق وصاحو الجهال اجو اجو ابسمت بفرح ورحت وكفت يم امي بالصالة علة مود نستقبل اخوي ...........
_______________
ياسمين
خلصت نص الطريق واني نايمة ومتجية راسي علة الجامة الحد ما فزيت علة ايد فهد وهوة يندهن ويوكول : ياسمين ياسمين اكعدي ملوكة جوعانة
ياسمين بفزة : ها اي اي كعدت واخذت جنطتي وفتحتة وطلعت الممية منهة ودرت علة ملوكتي من ورة وانطيتهة الممة وخليتهة تلزمهة بيدهة وابتسمت لمن شفت كروري بعدة نايم وخرت شعرة النازل علة عيونة ورجعت درت وجهي لكيدام وكلت واني احرك بركبتي لأن احسهة انكسرت : بعد اشكد يلة نوصل
فهد وهوة يسوق : تقريبن بعد ساعة
ياسمين : اوف حيصير الظهر وحنة بعدنة ما واصلين ونوب انتبهت علة سيارة اول ما طلعنة من البيت شفتهة ورانة فسئلت فهد : فهد هذي السيارة شو اول ما طلعنة من البيت وهية ورانة
فهد برود : هذي الحماية مالتي
ياسمين بستغراب : و ليش حاطلك حماية
فهد بهدؤ : اكو اهواي اعداء بشغلي وممكن ايغدروني ابي ساعة فلازم اتكون وراية حماية بكل مكان
ياسمين : ها اوكي وضليت اباوع علة الطريق ورة نص ساعة كعد كروري درت علي وانطيتة كيكة وعصير لأن خطية متريك وضل ياكله واني اخذت ملوكة وحطيتهة بحظني ورجعت اباوع علة الجامة الحد ما دخلنة المنطقة كلهة خضار وزرع وبيوت جنهة قصور اكو بيهن حديث واكو بينهن لا قديم كلش وتحسة اثري جنت صافنة علة الطريق وسرحانة بجمالة الحد ما كال
فهد برود: ياسمين راح نوصل البيت اهلي اول منوصل دنكي راسج ودخلي خوش
ياسمين : حاضر ورة خمس دقايق وكف فهد كدام بيت تحسة قصر اثري من جمالة والخضار حولة وشفت زلم اهواي واكفين وكل واحد لازملة اسلاح خفت عبالي اكو مصيبة ونزل فهد من السيارة واشرلي علة مود انزل واول ما نزلت من السيارة اشتغل الرمي وملوكة حطت راسهة بصدري وكامت تبجي من الخوف واني بسرعة صرت ورة فهد ولزمتة من دشداشتة بقوة وغمضت اعيوني من الخوف التملكني وفجئة وكف الرمي فتحت اعيوني ابطئ وشفت فهد مأشرلهم ايوكفون الرمي واشر الرجال يمكن اخو وهمس يم اذني
فهد بهمس : فوتي بسرعة اويا
ياسمين : هزيت براسي بخوف ومشيت وية الزلمة ليجوة دخلني الصالة بيهة كوة نسوان وكلهم هاي زوجت ابو كرار قومو بواجبهة وطلع واتقدمت علية مرية شوية جبيرة بالعمر يمكن ام فهد لأن شايفتهة بالعرس مال اختي غادة الله يرحمة وبتسمت بوجهي بود وكالت
ام فهد ببتسامة : هلة بمرت الغالي وحظنت ياسمين وباستهة وباست ملاك الي جانت مستغربة منهم وخاتلة بحظن ياسمين
ياسمين بخجل : هلة بيج عمة
رفل بشقة : هلة بمرت اخوي الصاكة وحظنت ياسمين وباستهة
ياسمين ببتسامة : هلة بيج يعمري
ام فهد : تعالي يمة خل اعرفج علة النسوان
ياسمين : ماشي وبدت ام فهد اتعرفني علة النسوان الي نصهن يباوعلي بحقد عبالك كاتلة الخلفهن ونص الثاني يباوعلي بستعلاء وعرفتني علة بيبية فهد ايسموهة الشيخة رحت بست ايدهة وراسهة وسلمت عليهة بس مدري ليش احسهة كارهتني وكعدت يم ام فهد ورفل طبعاً الوحيدات الحبيتهن ورتاح كلبي الهن ورة اشوية فاتت مرية ابينة ابداية الثلاثين بس معتني ابروحة وبلبسهة وكالت
شمس بغرور : هاي مرت فهد
