#بلا ذمة وضمير تعيش
# بعض الناس
# تلچم بالجرح
# وتكول شعليه 💔
••••••••••••••••••••••
# ياسمين الفهد
الخامس والثلاثون
# بقلم خاتون الكعبي
•••••••••••••••••••••
مرحبا خاتوناتي اشلونج ✌🏻
____قرائة ممتعة_____
تذكير
جبر بنرفزة : والله هذة الحجي كولة للهانم اختك اني اجيتكم من الصبح وليكت الخاتون بعدهي نايمة
فهد : التفتت علة رفل وكلت وانتي مو تعرفين عدنة طلعة من الصبح غير اتكعدين من وكت وانتة استاذ شنو عذرك بلة
ثامر : حكيت ركبتي وبواعت علة كمر الي اول ما اجت عيني بعينهة دنكت راسهة ابتسمت والتفتت علة فهد وكلت
ثامر : والله يا اخوي تعرفني ما احب اتأخر بس شسوي السيارة بنص الطريق وكف المحرك مالتهة وحمة وفوك النص الساعة يلة انتظرتهة تبرد وصلحتهة
عمر بمكر : اكيد السيارة مو شي ثاني
ثامر بهمس : لا يا عار اشايفني مثلك انجب ولا تخليني امسح كرامتك بالكاع كدام البنات
عمر بهمس: صكط مو بيدك
فهد برود : لعد يلة اذن الأذان كومو غسلو وصلو وانتن طلعن الشواية والفحم علة مود نشوي
البنات : صار
ياسمين : وراهة الولد راحو ايصلون والبنات دخلن للمطبخ واشرتلي رفل علة مود اروح ورة فهد هزيت راسي وصعدت فوك دخلت للغرفة وشفتة كاعد علة الجرباية ويفتح بقياطين حذاتة اول ما دخلت رفع راسة شافني وابتسم ودنك راسة ورجع يفتح بالقياطين وهوة يكول
فهد : بشري اشون شفتي المزرعة عجبتج
ياسمين ببتسامة : اي كولش حلوة وهادئة وهسة تسبح احضرلك الحمام لو بس اتغسل
فهد : لا حضريلي الحمام اريد اسبح
ياسمين : هزيت راسي ورحت طلعتلة ملابس ومنشفة وعلكتهن بالحمام وطلعت وشفتة حاط ايدة علة عيونة ومنتجي علة تاج الجرباية خطية مبين تعبان كتلة جهزت الحمام هز راسة وكام كرصني خفيف من خدي ودخل للحمام ابتسمت ونزلت جوة شفت الجهال كاعدين بالصالة دخلت للمطبخ وشفت رفل تملح بلحم وكمر واكفة ومبين عليهة متوترة باوعتلهة وكلت
ياسمين : كمر حبيبتي بيج شي
كمر بتوتر : ها لا بس اريد رفل تروح تحاجي ثامر علة مود يرجعني لأن اعرف اهلي ميقبلون ابات وحدي
ياسمين : لا ليش حبي حرامات مجتمعين جمعة حلوة ومو كلتلج رفل راح تحجي وية ثامر حتة يخابر اهلج ويكلهم حتباتين
رفل : كتلهة بس هية ما تقبل ومعندة الة تروح اظاهر جمعتنة ما عجبتهة
كمر : لا حبي وربي بلعكس بس اني اعرف اهلي متحفظين وميقبلون ابقة برة البيت اصلاً كوات قبلو اجي ميحبون هيج اسوالف
