اصعب الجروح
# هوة عندما ينزف القلب حزنا
# والوجه ما زال مبتسما لا يدركه احد..💔
••••••••••••••••••••••••••
# ياسمين الفهد
الرابع والثلاثون
# بقلم خاتون الكعبي
•••••••••••••••••••••••••
_____قرائة ممتعة____
تذكير
ياسمين بستفهام : هوة أنتة صاية وكوات قابل بيهة بعد اشون اتخليني البس بنطرون مفتهمت
فهد بستهزاء : اي مو اني مكرن حتة اخليج اطلعين بطرك البنطرون بوية لبسي بنطرون وفوكا العباية
ياسمين : خوب عليمن هل هوسة خل البس فستان طويل لو صاية هم استر وهم ارتاح بيهن
فهد برود : ياسمين بلة عناد الكتلج علي لبسي راح نتأخر ويلة بدلي بسرعة منتظرج جوة ورحت الكاروك ملاك شلتهة وبست اخدودهة واخذتهة ونزلت جوة
ياسمين : ضربت رجلي بالكاع بغيض ورحت للكنتور طلعت بنطرون كابوي نيلي لبستة ولبست ويا تشيرت طويل لون وردي فاتح ولبست ويا حذاء باتة بيضة وشال نيلي كوات لفيتة من ورة الجبس مال ايدي ولبست العباية واخذت تليفوني والجنطة مال ملابس وطلعت ملابس الكروري علة مود ابدلة وقبل لا اطلع حطيت حمرة وردية علة السريع ونزلت جوة شفت الكل مجموع جوة بس عمو نايم وجبر جاي بس امبين معصب صبحت عليهم وسئلت عمة علة رفل كالتلي راح ضرغام ايكعدهة هزيت راسي ورحت الكروري الي كاعد يتريك بستة بخدة وكتلة
ياسمين ببتسامة : كروري خلصت ريوكك علة مود ابدلك
كرار : خلصت
ياسمين : لعد تعال خل ابدلك كتلة هيج ولزمت ايدي ورحت للمغسلة غسلت وجهة وايدي ولبستة بنطرون كابوي اسود وتشيرت مغاويري وحذاء سودة ومشطت شعرة ورجعنة للصالة كلي فهد اتريكي بسرعة علة مود نطلع كتلة ما اشتهي هز راسة وسلم علة عمتي وخذة الجنطة وملوكة وطلع واني سلمت علة عمتي وطلعنة اني وكروري وراة صعد كروري ورة واني صعدت يمة واخذت ملوكة من حظنة وهوة سمة بسم الله وبدة يسوق وباوعت علة كروري اتمدد علة الكشن الورة ورجع نام ابتسمت علة شكلة وباوعت علة فهد وابتسمت ورجعت نظري علة الطريق ورة ساعتين او اكثر كال فهد راح نوصل باوعت علة المنطقة الدخنالهة اتحسهة مثل الغابة كلهة اشجار وخضار اشوية وفهد وكف كدام بوابة حديد جبيرة دك هورن وفتح البوابة رجال جبير بالعمر شاف فهد وابتسم بفرح وفهد نزل سلم علي وحظنة مبين علاقتهم قوية اشوية ورجع ركب السيارة والرجال فتح الطلاقة الثانية مال البوابة وفهد دخل السيارة بيهة باوعت علة الزرعة كلهة خضار وحيوانات واحصنة ابتسمت بأعجاب وشفت مرية جبيرة كاعدة تنطي علف للحيوانات اول مشافت السيارة كامت بسرعة وقربت عليهة بفرح وفهد ابتسم وصف السيارة اكبال بيت جبير ونزل سلم علة المرية وحظنهة واجة اخذة ملوكة مني وكلي انزلي سلمي علة الحجية هزيت راسي ونزلت سلمت علة المرية الي كامت تبوس بية وصيح مرت الغالي ابتسمت علة كلامهة مبينة حبابة واخذت ملوكة من فهد وكامت تبوس بيهة وفهد راح كعد كروري ودخلتني المرية للبيت جان حلو بس بنفس الوقت يخوف لأن بكل مكان جان اكو قطعت فرو مال حيوانات والمرية كل ساعة وبايستني ودخل فهد هوة وكروري وحط الجنطة مال ملابس بالكاع وكعد اشوية ويانة وطلع والمرية صاحت علة ابنية اسمهة فاطمة اجتي وباوعتلي بستغراب والمرية اشرتلهة علية وكتلهة هاي مرت الشيخ فهد اشو هاي او ما كلتلهة هيج نطت عيونهة وباوعتلي بحقد واجت سلمت علية من ورة خشمهة اتنرفزت منهة بس ما بينت وابتسمت بوجهة وهية كعدت اكبالي وحطت رجل علة رجل باوعتلهة صفح ودرت وجهي علة الحجية الي بدت تسئلني علة اهل فهد وامة هزيتلهة راسي وكتلهة زينين و...........
_______________
رفل
ضرغام : ماشي بس من هسة مو تتأخرين ترة ابوية صاير اعصاب
