مرات اشوفك صبح
مرات اشوفك ليل
ومرات اشوفك مطي
مربوط يم التيل .....✌🏻
خرب حظي علة هل شعر 😂 شاعرة مو بيدي 😅✌🏻
••••••••••••••••••••••••
# ياسمين الفهد
الخامس عشر
# بقلم خاتون الكعبي
•••••••••••••••••••••••••
———قرائة ممتعة ———
تذكير
ياسمين بتوتر : خير فهد بيك شي
فهد بحدة : خير ايصيبج بس لو تخففين هل اصخام العلة وجهج اني بخير
ياسمين بستفهام : يا صخام وعلة شنو هل عصبية
فهد : دست ابريك وسحبت اكلينس من العلبة ودرت عليهة لزمتهة من حنجهة وفركت اشفايفهة بقوة
ياسمين بوجع : اووي فهدد هاي اشدسوي وخر
فهد : بس لحظة اصطبري وحطيت الكلنس علة عيونهة وفركتهن بقوة وخرت الكلنس وباوعتلة برضة ورجعت شغلت السيارة وبديت اسوقهة
ياسمين : دمعت عيوني من الوجع وباوعت علة شفايفي بالجامة طاكات دم من كثر ما فركهن باوعت علي وكلت بعصبية : عود صدوك تحجي هاي اشسويت
فهد بستنكار : اشسويت مثلاً قابل امكرن وخليج اتروحين للناس وانتي محمرة
ياسمين : سكتت ما رديت علي وسحبت اكلينس ومسحت الدم من اشفايفي ودرت علة الجامة وضليت ساكتة وهوة ساكت ورة ساعتين دخلنة بمكان اشون القرية بيوتهة اصغيرة وداير مدايرهة خضار جان المنظر ايخبل ضليت صافنة علي الحد مكال
فهد : عجبج المكان
ياسمين ببتسامة : اي خبل
فهد : لعد العصر راح اوديج يم الهور
ياسمنين بفرح : كول والله
فهد : ههههه والله وتدلل ابنيتي
ياسمتين : درت راسي بخجل علة الجامة وهوة صف السيارة يم بيت جبيرة بس مبين علي قديم واكو اكبالة ابيوت اشون ابيوت الطين وشفت زلم كومة واكفين يم الباب ودرت علة فهد الي كال
فهد : ياسمين انزلي بسرعة ودخلي ورة امي وضلي كاعدة يمهة لا تخطين خطوة اذا مو وياج ماشي
ياسمين : ماشي وشلت ملوكتي الكضت الطريق كولة نايمة وحطيتهة علة جتفي ونزلت ورئستن دخلت ورة ام فهد وشفت نسوان كومة واكفاتلنة بالباب استقبلنة امباوس ومحاظن مبينات حبابات وراهة دخلنة النسوان الغرفة جبيرة مثل الستقبال شفت بيبية فهد بيهة وام جبر وام شمس وشمس وزهراء بيهة يمكن جايين قبلنة وام فهد راحت سلمت علة مرة جبيرة كاعدة بنص الغرفة مبين عليهة الهبية والسلطة للصراحة خفت من شكلهة وهية اول مشافتني اشرت علية بعكازتهة وكالت
ام فايز : هاية حرمت فهد
ام فهد : اي يمة هاية
ام فايزة : جا شمالهة متعرف اسلم لو اهلهة ما علموهة الأصول
ام فهد : لا يمة اشهل حجي ياسمين ابنيتي سلمي علة الحجية
ياسمين : اباوعله اشون اكلتن وشربتني واني كولشي ماكو ضالة صافنة مثل الطرش بالزفة ولمن عمتي كالت اسلم عليهة دنكت عليهة وبس ايدهة وراسهة وكتلت : هلو بيبي اشلونج
ام فايز : شنهي بيبي اصغيرة انتي وتكليلي بيبي
ياسمين بحراج : لعد شصيحلج خالة
ام فايز : وخلخالة تخلخل اعظامج كولي امين صيحيلي حجية لو شيخة افتهمتي
ياسمين : حاضر حجية هزيت راسي ورحت رئستن كعدت يم عمتي ام فهد عمي صدوك مثل مكالت رفل هاي كارثة هية صدوك وين رفل بقيت اتلفت بعيوني ودور عليهة الحد ما شفتهة دخلت وكالت ...............
_______________
رفل
جبر ببتسامة : صباح الخير
رفل بنرفزة : ومنين يجي الخير واني وياك بنفس المكان
جبر برود: رفلل السانج
رفل : اشبي اشو يخبل جنة عسل
جبر بعصبية مكتومة : رفل خل نتوكل ونوصل بالسلام لا تخليني اكلب السيارة بينة كظي السانج
رفل : رفعت حاجبي علة كلامة ودرت وجهي علة الجامة و ضليت ساكتة وهوة هم بس ضرغام يحجي وكل ما يكلي شي ابستم. وبوجهة واهز راسي وجبر ايباوعلي من المراية وينافخ ابعصبية ورة ساعة وكف السيارة كدام اسواق ونزل اشوية ورة فترة يلة رجع وبدية علاكتين انطة الضرغام علاكة وانطاني علاكة كتلة ماريد بس هوة شمرهة علية وكال اخذيهة و بلة اعناد ورجع كمل سواقة باوعتلة بغيض وحطيت العلاكة بصفي ورة ساعة يلة وصلنة ودخلنة القرية وكف السيارة يم بيت خوالي وشفت اخواني وبابة كلهم واصلين وجاي ايسلمون علة خوالي بالباب ردت انزل بس جبر الحقير قفل السيارة باوعتلة بعصبية وكلت
رفل : ليش قفلتهة اريد انزل
جبر برود : انتظري شوية خل اتخف الناس مشايفة الزلم تارسين الشارع مكرن اني ونزلج اهنا
رفل : ترة هذولي بس خوالي ولدهم يعني محد غريب افتح خل انزل اسلم عليهم عيب
جبر : راح افتح الباب بس بوجهج للبيت وحق الحق اذا شفتج وكفتي بالشارع وسلمتي عليهم انعل شيب الخلفج مفهوم
رفل : لا والله خاف ما ترضة
جبر : رفللل بلة طولت السان خلي هل يوم ايمر علة خير لا تخليني اطلع من طوري
رفل : هزيت راسي بعصبية وهوة فتحلي الباب نزلت بسرعة ودخلت جوة شفت نسوان خوالي بالباب سلمت عليهم ودخلت جوة شفت عجوز البين كل عادة مترئسة المكان جنهة بريعصي مسلوك كلت السلام عليكم ورحت سلمت عليهة وبست ايدهة وراسهة وهية كالت
ام فايزة : هلة بام السان وينج كاطعة بينة لا تكولين عندي حبوبة تسئل علية لا هاي
رفل برود : والله يحبوبة المايسئل علية ما اسئل علي وتعرفين عندي شركات اعمال وكذا ماخذة كول وقتي ما اكدر احك راسي منوارهن
ام فايز : حقج حبوبة حقج ما تلامين
رفل : باوعتلهة صفح ورحت كعدت يم ياسيمين وكلتلهة بصوت ناصي
رفل : ها بشري اشونهة عجوز البين
ياسمين بصوت ناصي : خليهة سكتهة اشو اول ما اجيت اكلتني بكشوري اليكول كاتلتلهة واحد
رفل : ضحكت علة كلامة واجيت ارد بس نطت شمس الحية وكالت
شمس بحقد : ما اضحكنة اوياجن دام السالفة اضحك
رفل ببتسامة : متفيدج السالفة خالة بعد انتي كبرتي وينج وين اسوالفنة
ام فايزة : ليش حبوبة اشو اسم الله عليهة العلي والحسن يحرسهة جنهة فلكت كمر بس سودة علية حظ ما عدهة وطاحت بواحد ميعرف ايصونهة ويحافظ عليهة بس انشألله بحك الحسن والحسين يجي اليعرف ايكدرهة ويحافظ عليهة
ام شمس : امين يمة الله يسمع من حلكج
رفل : رفعت حاجبي بستهزاء علة كلامهن وباوعت علة عمتي ام جبر الي مبينة ضاجت من حجي بيبي ابتسمت بوجهة وهزيتلهة راسي بمعنة لا تهمين وهية بادلتني البتسمامة وكمت وكلت
رفل : يلة اترخص اروح اسلم علة البنات وساعدهن ياسمين تجين وياي
ياسمين : هزيت راسي وحطيت ملوكة عد عمتي وطلعت وياهة ورحنة للمطبخ شفت كومة بنات بي سلمت رفل عليهن وبدت اتعرفني عليهة وحدة وحدة واني بس ابتسم بوجهن مثل الفاهية واهز براسي وبدينة اني ورفل انساعدهن خطية جان شغل وطبخ كومة الله ايساعدهن ورة فترة دخل ولد وصاح جهزو الغدة وباوع علية وعلة رفل وسلم بس جانت نظراتة ابد محلوة حاولت اتحاشا بس هوة لزك وكف بنص الباب الحد مال المطبخ الحد مأ دخل فهد وعمر يلة وخر وفهد باوعلي بخزرة وسلم علة بنات خالة واشرلي اجي ورا باوعت الرفل ورحت ورا وهوة وعمر دخلو للغرفة الي بيهة النسون سلمو علة بيبيتهم الحجية وسلم فهد علة نسوان خوالة والحجية كلتلة
ام فايز: تعال يمة اكعد اهنا اريد اشبع ومن شوفتك هيج تكطع بية ولا تكول حبوبتي تسئل علية مشتاكتلي لا
فهد : كعدت بصفهة وبست راسهة وكلت : حكج علية يل غالية بس والله مو بيدي اتعرفين شغل وجهال مفاضي احك راسي
ام فايز : الله ايساعدك وليدي واينولك بنت الحلال التريح كلبك وتسعدك
فهد : باوعت بوجه ياسمين وابتسمت وكلت : نلتهة حجية نلتهة وام كرروي الله يحفظهة الي وللجهال ممقصرة بشي
ام فايز : ياا يمة صدج تحجي هاي وينهة وين تربية الفروخ عوزك مرة حوك دير بيتك وتربي فريخاتك وهية اصير سندك وظهرك بهل دنية
فهد : اطمني حجية وحطي رجليج ابمي باردة ياسمين سباعية وبت أصول وتعرف ادير بيتي وتربي جهالي احسن تربية وما تطلع منهة العيبة
ام فايز : بعد ابراحتك وليد والله ايسعدك بحياتك ويفتحة ابوجهك ويحرسك من اولاد الحرام
فهد : عساج سالمة حجية متقصرين يلة اترخص
ام فايز : مرخوص وليدي وعسة الباري والرحمان ايحفظك من كل حاسد ومكروه
فهد : ابتسمتلهة وبس راسهة وكمت رحت يم امي شلت ملوكتي وبستهة وحطيتهة بحظن ياسمين وهمست بذنهة
فهد : وربي اذا شفتج بعد بالمطبخ رجليج اكسرهة وعفتهة ورجعت اني وعمر للديوان
ياسمين : بقيت بس ابتسم ورمش بعيوني مدري علة الكلامة الكالة البيبيتة مدري علة رزالتة وهنة ايباوعلي بحقد وغير اليكول كاتلة الخلفوهن ........
________________
جبر
ورة منزلت رفل من السيارة نزلت اني وضرغام وسلمت علة الزلم ودخلت للمضيف مالتهم جانت علاقتنة قوية بيهم لأن من بعد ما توفة ابو فايز اخو جدي ولدة همة الكظو المضيف وية جدي وصارو دايماً ايسيرون علينة واحنة نجيهم وبدو الزلم بالسوالف العشاير الما تنتهي وراهة اجة الكهوجي وضيفنة الكهوة وضليت كاعد وياهم اسولف الحد ما دك تليفوني شفت الرقم مال زبون ياخذ من المعمل طلبيات اترخصت من الزلم وطلعت للحديقة حجيت ويا وكتلة اليوم العمال البل معمل همة ايسلموك طلبيتك لأن اني مو مشغول وسلمت علي وسديت التليفون رجعتة بجيب دشداشتي وردت ارجع للمضيف بس اجت عيني علة المطبخ الصاير مقابيل المضيف وشفت الطركاعة مالتي وكافة وتتمضحك هية وابن خالهة العار فار دمي من وراهة ورحت دكيت علة باب المطبخ وتحمحمت وكلت
جبر بحدة : بت عمي من رخصتج رايدج بموضوع
رفل : بلعت ريكي بخوف لأن اعرف مراح ايمشيهة علة خير وكلت : حاضر شيخ وهوة طلع واني رحت ورا للحديقة واول ما وصلت يمة جرني من زندي وداني المكان معزول ورة الديوان ودفعني علة الحايط وصار اكبالي وكال
جبر بحدة : اشكم مرة امنبهج ما تحجين وية هذة العارر هااااااا
رفل بخوف :................
يتبع
_____________________
لا تنسون التصويت 💜
والتلعيق والمتابعة 🖤
