ياسمين الفهد

بارت٣٠

#صافن وافكر بيك
# وناسي متحاني
# واشرب نفط بالكاس
# حسبالي راني 🤦‍♀️

•••••••••••••••••••
# ياسمين الفهد
البارت الثلاثون
# بقلم خاتون الكعبي
•••••••••••••••••••••••

مساء الخير خاتوناتي 🌹
____قرائة ممتعة ____
تذكير
ابو سجاد : هلة بيك وليدي وجيتك علة راسي وتعرف معزتك عندي من معزت ابوك واتعذر منك بس ما اكد اخلي بتي اتروح وياك تعرف بعد انتو بعدكم ما عاقدين والسانات الناس ما ترحم فا مو مال اخليهة تروح وياكم حتة تختار الذهب

ثامر اتفاجئت بكلامة وهزيت راسي وكلت : صح عمي وكلامك علة راسي وعيني بس تعرف بعد هية عروس مثل كل العرايس ولازم هية التختار ذهبهة فراح اشترليلهة هسة بس حلقة وانشألله ورة ما اعقد عليهة اخذهة واشتريلهة الذهب

ابو سجاد ببتسامة : بعد بكيفك وليدي وانتة اصيل وابن أصول واكيد متقصر والله يتممهة علة خير 
ثامر بهدؤ : تسلم عمي بس من رخصتك اريد احجي وية المحروسة بنتك واتفاهم وياهة علة اشكم موضوع بعد تعرف هذة زواج مو لعبة ولازم نتفاهم اني وياهة علة كلشي قبل لا نتزوج علة مود منواجه اي مشاكل او صعوبات بزواجنة كملت كلام وباوعتلة يهز براسة بس مبين علي ما مقتنع بكلامي وكال

ابو سجاد بعدم اقتناع : انشألله وليدي سجاد روح صيح اخيتك خل تجي

سجاد : حاضر بوية

ثامر : طلع سجاد وراح صاح كمر خمس دقايق ورجع دخل ودخلت ورة كمر جانت لابسة صاية سودة وشال اسود وجهة تعبان وبي طبع راجدي مبين ضاربيهة زفرت بعصبية وهية سلمت بصوت ناصي رديت السلام واخوانهة وابوهة اترخصو طلعو اشرتلهة تكعد كدامي وكلت

ثامر برود : اكعد اريد احجي وياج بموضوع

كمر : هزيت راسي ورحت كعدت اكبالة وهوة كال
ثامر برود : غصبوج مو

كمر : ابسمت بكسر وهزيت راسي وكلت اي والفضل ايعودلك

ثامر برود : وضربوج لأن رفضتي

كمر : دمعت عيوني ودنك راسي وهزيتة سمعتة تنهد بحسرة وكال

ثامر بهدؤ : شوفي يبت الناس ما اكلج اني مغلطان لا والله اعرف بنفسي غلطت وتصرفت بطيش واعتذر منج بس سالفة الخطوبة ما اكد اوكفهة تدرين بعد الوالد صديق ابوج ويعزة اكثر من اخو واكيد مراح يقبل اوكف موضوع الخطوبة بشكل مفاجئ واكيد ايضاً هل شي راح يأثر علة صداقت ابوج وابوي فراح اخطبج حسب الأصول وفترة واكلهم متفاهمنة وافسخ الخطوبة وكل واحد يروح بطريقة مفهوم

كمر : دمعت عيوني من الفرح وباوعتلة وكلت : احلف بشاربك انك راح تتركني ومراح اتقرب علية مثل ما كلت

ثامر : رفعت حاجبي بستغراب علة كلامهة وحطيت ايدي علة شاربي وكلت : هل شارب مو علية وما انعد علة الزلم اذا ما نفذت كل كلمة كتلج ياهة
كمر : من الفرح ما كدرت انطق غير بكلمة وحدة وهية الشكراً واترخصت منة ورجعت دخلت للبيت واني الفرحة ما سايعتني احس جبل اهموم ونزاح عن صدري