تدري اشوكت
انساك وليلي انامة
من تلكي العصفور
لابس بجااامة.....❣️
•••••••••••••••
# ياسمين الفهد
البارت السابع عشر
# بقلم خاتون الكعبي
••••••••••••••••
صباح الورررد على احلى خاتونات 🥀
_____ قرائة ممتعة _____
تذكير
جبر بعصبية : بعد وكت خاتون جان بقيتي يمهم
رفل : والله اجيت ابقة يمهم بس تعرف مشاغلي متسمحلي
جبر : باوعتلة بحدة زفرت انفاسي بعصبية وشغلت السيارة وبديت اسوقهة وكال
جبر : باوعتلة بحدة زفرت انفاسي بعصبية وشغلت السيارة وبديت اسوقهة وكال
ضرغام : بابة ما تاخذنة مثل ذيج المرة للهوار
جبر : لا حبيبي ما اكدر اتأخر الوكت وراح اضلم الدنية ورانة طريق طويل انشألله غير مرة
ضرغام : لا فدووة اخذنة صارلك اهواي ما مطلعني واذا رجعنة راح تكظي وكتك كلة بالشغل واني اضل بالبيت لو بالبستان وحدي واصلاً بعد وكت مو رفل
رفل : انقهرت علة ضرغومي لأن فعلن جبر مقصر بحقة ونهار كولة لو بالشغل لو بالديوان وضرغام ضال بالبستان وحدة وحتة اصدقاء معندة لأن جبر يخاف علي ميخلي ايخالط ناس غربة فكلت الجبر : اي صدوك جبر ترة بعد وكت وصارلنة هواي مجايين للعمارة وشايفين الهوار
جبر : تنهدت بتعب وكلت
: ماشي يدلل اوليدي
ضرغام : ابتسمت بفرح وكلت : تسلم بابة وقربت علي بستة من خدة ورجعت المكاني
رفل : فرحت علة فرحت ضرغام وضلينة طول الطريق انسولف اني ويا الحد ما وصلنة للهوار وكل عادة المنظر ايخبل عبالك جنة ونسمات الهوة باردة ونسوان محزمات كاعدات ايحشن بالزرع والزلم ايصيدون ابتسمت علة منظرهم الحلو ونزلنة من السيارة واني لزمت ايدي ضرغام وكمنة نتمشة اني ويا يم الهور وجبر كتف ايدي الصدرة وتجة علة السيارة ونظراتة علينة وعلة الأهوار ورة ربع ساعة صاحنة علة مود نرجع لأن راح اظلم الدنية وفعلان رجعنة للسيارة وقبل لا افتح الباب الورة ضرغام سبقني وفتح وصعد وسد الباب وكال من الجامة
ضرغام بتسامة : روحي اصعدي يم بابة اني اريد اصعد اهنا
رفل رفعت حاجبي وكلت : ترة المكان ايكفي الشخصين يعني اكدر اكعد بصفك
ضرغام : لا ميكفي اني نعسان وريد اتمدد علة الكشن
رفل : اجبت ارد علي بس قبل لا احجي جبر دك هورن وكال
جبر : بشري تصعدين لو تبقين اهنا ترة متأخرين واريد ارجعج لهلج بسرعة لا يكولن خطفاج
رفل : اتففت بضوجة وباعت علة ضرغام ابمعنة اصبرلي علة هل دكة الناقصة وصعدت بصف جبر وركعت الباب بقوة وهوة باوعلي صفح واستغفر وبدة ايسوق وصارت السيارة هدوء ورة فترة قطع هذة الصمت ضرغام وهوة يسئل جبر
