البارت الثالث عشر
عبد الكريم القصاب يكول : مزاعلك بس مشتهيگ وضال حاير بين اجيگ وما اجيگ ♥️
••••••••••••••••••••••••••
# ياسمين الفهد
# بقلم خاتون الكعبي
••••••••••••••••••••••••••
مساء الورد والياسيمين علة احلة خاتوات 🥀🥀🥀
———-قرائة ممتعة ———
تذكير
رفل بتوتر وخجل : احم جبر وخر عيب الدسوي واني جايتك اريد احجي وياك بموضوع مهم فوخر فدوة
جبر برود : چا متحجين قابل لازم حلكج بوية
رفل بنرفزة : ملازم حلكي بس صاعد فوكاي وخانكني ومشألله انتة جنك ثور حتة كطعت نفسي وخرر
جبر رفعت حاجبي علة حجهية وكلت : جا بوية منطول اني ثور وخانكج شكو جايتني وبعدين اكو مرية محترمة اتكل الزوجهة ثور
رفل بحدة : تحلم تحلللم اصيرلك مرة من سابع المستحيلات ننجمع اني وياك جوة سكف واحد اكرهك تعرف شنو يعني اكرررهك انتة انذل انسان عرفتة بحياتي من يوم الحرمتني مستقبلي ودراستي اني حاقدة عليك وكارهتك وهسة تريدني اصيرلك زوجة هه لو اموووت لو اعرف احرك روحي ولا اخليك تلمس شعرة مني
جبر : هية تحجي واني احس اعيوني دخنن من العصبية لزمت خصرهة وعصرتة بيدي بقوة وقربت من اذنهة وهمست بحدة : تكرهيني موو كرهيني مي همني وخاف جنت حابج وهايم بيج هسة صرت كارهج بكد حبي وعشكي الج واذا ما اندمج علة الساعة النولدتي بيهة يا رفل وخليتج تتمنين الموت وما تحصلي ما اطلع الشيخ جبر
رفل : هوة يحجي ويعصر بخصري بقوة واني دمعت اعيوني من الوجع والخوف حسيتة صدوك اتبدل مو جبر العرفة حتة لمن كلي كرهتج حسيتهة طالعة من كل كلبة ودخلت بكلبي مثلل السهم وما كدرت الزم نفسي ودموعي طاحن حسيت بروحي اشكد اني ضعيفة ومخذولة وهوة عض شحمت اذاني بقوة وكام مني وكال
جبر برود : هسة تكدرين اترجعين البيتكم ما اتوقع دخولج الغرفتي واحنة ما بيناتنة اي شي صح
رفل : كمت مسحت ادموعي وكلت بصوت حاولت ابينة طبيعي : ولا راح يكون بيناتنة اي شي من الدكولة وردت اطلع بس هوة وكفني وكال
جبر رفعت حاجبي وكلت : لحظة انتي ويامن اجيتي من الصبح منو الجابج
رفل : محد جابني اني اجيت وحدي ليش عندك مانع
جبر : بله عيدي اشكلتي مسمعت زين
رفل بصوت اشوية عالي : محدد جااابني وااني اااجيت ووحد.. وقبل لا اكمل كلامي اتقرب مني ودفعني بقوة علة الحايط حسيت ظهري انقسم نصفين من الوجع وصار اكبالي وكال
جبر بحدة : انووب تحجيهة بووجهي بتل كلللب وعمي اشون رضة تطلع بتة المحترمة وحدهة بنص الشارع وخوانج السايبين وين هم
رفل بنرفزة : لا تغلط علة بابة وخواني وانتة اشدخلك اذا طلعت وذا ما طلعت ليش اتحسسني اني طالعة مصلخة بنص الشارع وترة احنة نفس الفرع وكلنة كرايب بالفرع يعني ماكو واحد غريب
