ﻧﺴﻴﺖ ﺷﮕﺪ ﻟﺠﻞ ﻋﻴﻨﻚ ﺷﻔﺖ ﻟﻮﻋــﺎﺕ
ﻭﻓﻮﻙ ﻫﻤﻮﻡ ﮔﻠﺒﻲ ﺗﺤـــــﻤﻠﺖ ﻫـــــﻤﻚ
ﺍﮔﻠﻚ ﺟﺮﺣﻲ ﻳﻨﺰﻑ ﻳﻤــــﻚ ﺍﻧــــﺖ ﺩﻭﺍﻱ
ﺗﮕﻠﻲ ﺍﻧﺰﻑ ﻭﻣﻮﺕ ﻭﺍﻏــــﺮﻙ ﺑﺪﻣـــــــــﻚ💔
•••••••••••••••••••••••
# ياسمين الفهد
الثامن والثلاثون
# بقلم خاتون الكعبي
•••••••••••••••••••••••
_______قرائة ممتعة _____
تذكير
رفل بستفهام : شنوو
جبر بعصبية مكتومة : هيج ماكو شي وهسة صيحيلي ضرغام اريد اولي
رفل : ماشي والتفتت علة الجهال وصحت ضرغوومي تعال ابوك ايريدك كلت هيج ورجعت التفتت علي شفت فرك وجهة بعصبية واول ما اجة ضرغام سحبة من ايدة وراح هزيت ايدي علة خبالة وسديت الباب وطفيت الضوة ونومت كروري بصفي ونمت ورة فترة حسيت بزهراء اتكعدني فزيت من نومتي وفركت اعيوني بنعاس وباوعتلهة وكلت
رفل بنعاس : خير شرايدة مشوفين واحد من خمد الة تكعدينة
زهراء : هههه ولج كومي اجت ام علي وياهة فطيم الحقيرة وبس اني كاعدة تعالي سلمي عليهة عيب تبقة وحدهة بين ما اسويلهن الضيافة
رفل : هزيت راسي بنعاس وكمت غسلت وجهي وباوعت علة لبس ما بي شي زين مستور بس رفعت شعري ذيل احصان وشلت ملوكة الي كعدت وكامت تبجي هزيتهة اشوية يلة سكتت وعفت كروري نايم ونزلت جوة دخلت للصالة وشفت جبر كاعد هوة وعمر وام علي والحية بتهة كاعدات اكبالة انتبهت علة فطيم الكلبة تباوع علة جبر وتتبسم عمي لو ضالة علة فهد احسن الحقيرة والله لو مو امهة جان سلحلتهة اهنا كتمت عصبيتي وسلمت عليهن وكعدت مقابيلهة وبديت اسولف وية ام علي وزهراء جابت مي وقدمتة الهن ورادت تطلع مرة ثاني بس لزمت ايدهة بسرعة وهمست بذنهة
رفل بهمس : تعالي انتي اخذي ملوكة وكعدي وياهن واني راح اجهز الضيافة لأن اذا ابقة دقيقة ثانية يم هاي الحية ما اظمن نفسي
زهراء : ضحكت علة كيف واخذت منهة ملوكة وحطيتهة بحظني
رفل : كمت وباوعت علة فطيم الحقيرة بحقد وطلعت من الصالة دخلت للمطبخ وضربت رجلي بالكاع بغيض وبديت احضرلهن الضيافة واني انعل بيهة واغلط حسيت نفسي اشوية ارتاحيت من بعد ما غلطت عليهة وشلت صينية الضيافة ورجعت للصالة دخلت وقدمت للحجية ام علي وقدمتلهة ورحت انطيت الجبر الي اول ما دنكت علي خزرني خزرة معدلة باوعتلة بستغراب مفهمت علة شنو يخزر ورحت قدمت العمر وحطيت صينة الضيافة علة الطبلة وكعدت بصف زهراء و...............
_______________
ياسمين
فتحت عيوني بتثاقل واجت عيني بعين فهد الي جان مبين علي كاعد من زمان وصافن بوجهي ابتسمت بخجل وصعدت الغطة اكثر واتحمحمت وكلت
ياسمين بخجل واضح : احمم اشوكت كعدت
فهد : قبل اشوية كلت هيج ودفنت راسي بركبتهة اشتميتهة بقوة وطبعت بوسة خفيفة عليهة واول ما بديت اتعمق ياسمين دفعتني وكالت
ياسمين َبخجل : فهدد كافي فدوة ما شبعت
