# تعشگ ونص دينك
#يكملة الغريب
# وهوة شمخرب العشگ
#غير النصيب 💔
••••••••••••••••••
# ياسمين الفهد
التاسع والثلاثون
# بقلم خاتون الكعبي
••••••••••••••••••••••
_____قرائة ممتعة____
ياسمين
فزيت الصبح علة صوت فهد وهوة ينده بية علة مود اكعد فزيت وباوعت علة الساعة بالخمسة الفجر صبحت علي وكمت حضرتلة الحمام دخل يسبح واني رحت كعدت الجهال وبدلتلهم ونزلتهم جوة يم البنات ورجعت صعدت وشفت فهد طالع من الحمام وديلبس ابساعتة ابتسمت ورحت غسلت ولبست البنطرون والقميص الجيت بيهن ولفيت الشال بسرعة ولبس العباية ونزلت صبحت علة الكول وكعدت اتريك وياهم كملت ورحت غسلت ايدي وغسلت وجه ملوكة الي ادمر من ورة الجبن وفهد اشرلي براسة بمعنة كملتي هزيتلة راسي وهوة اترخص ولزم كروري وطلع واني طلعت ورا وركبت السيارة وكعدت ملوكة بحظني وكرار ورة وفهد شغل قرآن وبدة يسوق ورة فترة كال
فهد بهدؤ : حضري نفسج باجر الفجر نرجع البغداد وعكب باجر اوديج من الصبح لهلج واطلع للفلوجة
ياسمين : وشوكت ترجع
فهد برود : اسبوع اسبوعين بالكثر وانزل
ياسمين بهدؤ : ان شألله ترجعنة سالم
فهد : ابتسمت واخذت ايدهة بستهة ورجعت التفتت علة الطريق و........
_______________
رفل
كعدت الصبح علة صوت جعير زهيرة وهية تكعد بية علة مود اكوم باوعتلهة بنعاس وضربتهة بالمخدة وفلتت للحمام سبحت وصليت ولبست البنطرون الأسود والقميص الأبيض وفوكاهن الصاية ولفيت شالي علة السريع وحطيت حمرة خفيفة وكحل ونزلت جوة شفت عمر وجبر كاعدين بالصالة وضرغومي كاعد بصف جبر ومتجي راسة علي ومغمض اعيونهة ابتسمت علة شكلة خطية مبين بعدة نعسان صبحت عليهم وجبر اول مرفع راسة وشافني خزرني وما رد اجاهلتة ورحت جبت مخدة وحطيتهة علة الكرويتة ورحت هزيت ضرغومي وكلت
رفل بهدؤ : ضرغومي حبيبي راح تنكسر ركبتك تعال نام اهنا
جبر : زفرت انفاسي بعصبية اشون تريد تحرك دمي من الصبح بنت الأوادم باوعتلهة ودنكت علة ضرغام هزيت جتفة وكلت
جبر بستهزاء : عيني ضرغوميهة كوم اكعد ونام اهناك لا تنكسر ركبتك شفتة ما رد ومبين مطفي من النعاس لأن البارحة نام متأخر تنهدت وكمت شلتة وحطيتة علة المخدة والتفتتلهة وكلت
جبر برود : وهسة حطيت ضرغوميج بمكانة تأميرن بشي ثاني
رفل بستغراب : ها لا مشكورة وعفتة ودخلت للمطبخ عمي صدوك ضاربة فيوزاتة ما علي عتب كلت هيج وفتحت الثلاجة طلعت الجبان والمربة وزهراء واكفة اتكلي البيض وفرشت السفرة وياسمين نزلت وخلت الجهال يمنة شلت ملوكة وبست اخديداتهة وجبر باوعلي وابتسم ورفع ايدة وكال جيبيهة رحت انطيتة ياهة ورجعت للمطبخ نقلت الريوك وزهراء جابت الجاي واجت وراي ونزل فهد صبح وكعدنة كولنة نتريك ورة فترة نزلت ياسمين واخذت ملوكة وكعدت تتريك ويانة ورة فترة خلصت ريوكي وكمت غسلت وشلت المواعين غسلتهن علة السريع اني وزهراء ورحت نزلت جنطتي وطلعت برة شفت زهراء وياسمين ركبن وية اخواني وراحو وجبر واكف وية ابو علي يحجي ويا ويأشرلة علة امكان بالمزرعة وطلع محفظتة انطى فلوس وسلم علي واشرلي اركب هزيت راسي ولزمت ايد ضرغومي الي وكاف بصفي يطوطح من النعاس ورحت فتحتلة الباب الورة ركب وتمدد علة الكشن ورجع نام ابتسمت وسديت الباب وركبت كدام واجة جبر ركب وسمة بأسم الله وبدة يسوق و............
_______________
ياسمين
وصلنة فهد للبيت وكال رايح اسلم علة جدي وعمامي واتغدة عدهم كتلة ماشي وشلت ملوكة ونزلت اني وكروري ودخلنة للبيت شفت عمتي بالصالة رحت سلمت عليهة وكروري ركض عليهة واحضنهة ابتسمتلهم وصعدت فوك حطيت ملوكتي بكاروكهة ورحت طلعت الملابس من الجنطة وغسلتهن وطلعت الجنطة مالتي ومال فهد ولميت كل الملابس والعطور خاف بليل ما الحك المهن ورحت غسلت وبدلت ملابسي وصعد كروري بدلتلة ولبتسة تراك منزلي وبدلت الملوكة وشلتهة ونزلت جوة كعدت يم عمتي وكلت
