# تبجي وتهل ادموع
# صدكني العيون
# السبب مو فركاك
# بس بيهة صابون.....
بارت هدية الأحلة خاتونات ♥️
•••••••••••••••••••••••••
# ياسمين الفهد
السادس والعشرون
# بقلم خاتون الكعبي
••••••••••••••••••••••
_____ قرائة ممتعة ____
تذكير
مشتاق : لا خوية ما عندي شي تفضل امر خدمة
فهد : باوعت بوجه شمس وابتسمت وكلت : ما يأمر عليك ظالم خوية بس خيتي شمس اجتني اليوم وكالتلي هية متريد عرس وهوسة يعني بس اتروح تعقدون بالمحكمة وسوون حفلة بسيطة احترامن للمرحومة حرمتك وانهة بعدهي ما دايرة السنة عليهة
مشتاق بفرح : والله ياخوي ما ادري شكلك بس زحت عني جبل هموم جان نايم علة صدري واني جنت اريد افتحهة بموضوع العرس واكلهة ما اكدر اسوي احتراماً الروح المرحومة مرتي بس الحمد لله انحلت السالفة واذا بعدهي يمك كلهة باجر راح اجيج علة مود اروح للمحكة نعقد وعكب باجر انشألله انسوي حفلة بسيطة مثل ما رادت واخذهة البيتي سكتاوي
فهد بهدؤ : يوصل خوية يلة في امان لله وسلملي علة البنات سديت التلفيون منة وباوعت علة شمس والحجية صافنات بصدمة علة الي سويتة خوب شمس صار وجهة اصفر من الصدمة وابوهة انحرج وما كدر يحجي شي بس امهة نبت من مكانهة وكالت
ام سهر بعصبة : اشون تحجي ويا هيج من كيفك بعدين منو كلك احنة نرضة انزوج بتنة بلة عرس ايليق بيهة كدام العالم قابل عورة عمية عرجة حتة ياخذهة سكتاوي
فهد برود : والله يا عمة هذة الحجي احجي وية بنتج مو وياي هية الطلبت مني اقرب عرسهم ويصير سكتاوي صح شمس
شمس : اباوعلة وارمش بعيوني بصدمة اشون بلحضة دار السالفة كلهة علية وبدال ما اني اوكعة بالفخ هوة وكعاني باوعت الجدتي الي بادلتني نفس الصدمة وحطت ايدهة علة ايدي علة مود اتهديني وباوعت الأمي الي ما كدرت تنطق ولا كلمة بعد حجي وابوي الي منزل راسة بحراج دمعت اعيوني من الموقف الصار وبوعت علة ياسمين وفهد بحقد وتوعدتلهم بقسة انواع العذاب وابوي اترخص منهم وكمنة كلنة رجعنة البيتنة
ياسمين : سامعين الي مثل الطرش بالزفة جانت هاي حالتة بهذة الوقت اني ورفل وحدة تباوع بوجه الثاني وكل وحدة منة الفضول يقرة عدهة الف بس مي باررد مثلج نزل علة كلبي لمن سمعت راح تعقد الحية باجر البتسامة من وحدهة شكت حلكي اني ورفل يمكن جانت شمس بنسبة النة عدو مشترك بس استخطيتهة لمن شفتهة اشون دمعت اعيونهة صحيح باوعتلي اخر شي بحقد ما اكدر اوصفة ابي كلمة من الكلمات حسيتهة فعلاً كارهتني وحاقدة علية ولو ينطوهة سجين مراح تتردد ثانية بنهة تقتلني والحمد لله ابوهة كام بسرعة وترخص والحجية ضلت اتخوزر بفهد وفهد ولا علة بالة كاعد ويلعب بملوكة وكروري كمت اني ورفل ورحنة سوينة عشة وطبعاً ما خلة من نميمتنة علة شمس وعلة وحدة اسمهة سمر او علة كولت رفل سمية تمشي وتغلط عليهة معافت سبة مسبتهة بيهة الحد ما اجت عمتي وعاطت عليهة يلة سكتت وصبينة العشة اتعشينة وكملنة واني غسلت المواعين ورفل مسحت الأرضية مال مطبخ وصبتلهم جاي واني اخذت ملوكتي الي كامت اتغفي من النعاس ورحت نومتهة ونزلت جوة لكيت رفل جايبة ذرة مال بوشار سوينة اني وياهة وكل وحدة حطتلهة بطاسة جبيرة وصعدت فوك واني صعدت كرار وياي وشغلت التلفزيون جان بادي فلم هندي حلو بقيتة علي وخليت كرار يكعد علة الجرباية وحطيت طاست الفوشار يمة واني رحت لبست برمودة خفيفة لأن احتريت وكعدنة اني وكرار انتابع الفلم اشوية ودخل فهد شافانة وابسم واجة كعد بصفنة علة الجرباية وكل ساعة ايكول غيري ما غيري لأن ميحب الأفلام الهندية الحد ما انتبهت علة كروري نام ابنصنة ابتسمت وغطيت والتفتت علة فهد وكلت
ياسمين : فهد عادي اسئلك سؤال
فهد ببتسامة : اسئلي
ياسمين : انتة السويت هيج بشمس مو
فهد بستفهام : ليش اشسويت
ياسمين : اقصد انو فكرتك مال العرس السكتاوي وانو تتنزوج بسرعة مو فكرتهة لأن هية جانت اصلان تريد تلغي الزواج
فهد برود: اي
ياسمين : بس ترة خطية مشفتهة اشون دمعت اعيونهة واجت تبجي
فهد برود : شفتهة وشفتهة هم لمن باوعتلج بحقد ولو بيدهة جان راح تكتلج كتل حلال
ياسمين : حتة لو بس خطية ترة
فهد ببستامة : ياسمين الطيبة شي حلو بس ملازم تستخدميهة وية كل الناس مفهوم
ياسمين : هزيت راسي وشلت طاست الفوشار وحطيتهة علة الميز وشربت مي ورجعت نمت علة الجرباية وفهد كام غسل ورجع نام وراي التفتتلة وكلت
ياسمين : ترة هذيج جهتك من الجرباية ليش جاي اهنا
فهد برود:الجهة البيهة انتي هية جهتي وهسة اسكتي خل انام باجر عندي شغل اهواي
ياسمين : رجعت التفتت علة كروري وقربتة علية اكثر وحظنتة وفهد حط ايدة علينة اثنيناتنة وحظنة ابستمت وحسيت بشعور حلو اول مرة احسة يمكن شعور العائلة او شعور الأمان الأني بي هوة جان السبب وغفيت بسرعة و............
____________
ثامر
جنت معزوم عد صديقي علة العشة وبيقينة الوكت متأخر انسولف ونضحك وراهة ترخصت منهم ورجعت للبيت دخلت وشفت ابوية كاعد بالديوان ويقرة قرأن اول ما حس بية صدق وباوعلي ابسمتلة وقربت علي بست راسة وكلت
ثامر : السلام عليكم حجينة
