هلا هلا
مسيت العافية يالحدر ضلعي تبات
يالچنك حرز ي كحيل ي مهندم .
الشيخ. كعدت بالستة لاربع اليوم عندي طن شغل فوك راسي كمت كلت يالله فتت سبحت وصليت احس روحي حيل جوعان بس مالي نفس اكل لبست ملابسي العسكرية خابرت جاسر كلتلة انتة وين كال داتريك علمود اروح للدوام كلتلة اني هم رح اطلع للدوام
جاسر. احم شيخ شسمة رح تروح لبيت جدي
الشيخ. لا اكيد ماروح شعندي رايح صلوات لاخطيبة ولا اب ولا جد ولا حتى اخت وشاهين اشوفة بالواجب ونبراس ومصطفى يجوني للبيت اشوفهم وامي هم بس ذاك البيت مافوتلة بعد
جاسر. زين منو سوالك عشة لبارحة ريوك هسة انتة متعرف تسوي اكل
الشيخ. محد سوالي ولا اني سويت ومن اجوع اكل اكو مطاعم
جاسر شنو يعني انتة من اجيت لهسة بدون اكل
الشيخ. اي المهم يالله انة طالع في امان الله
جاسر. اوفففف تمام لله وياك
الشيخ. طلعت للمركز بس شنو الدوخة تقرة الف جانت حارة حيل الدنية وصلت للمركز ظربو تحية ومدري شنو بقيت احجي وياهم على جم شغلة بس احس الدوخة تزيد صار سواد على عيوني بس اني احاول اقاوم ماكو اخر شي سمعت صوت الالجنود لي يمي وبعد مادري بكلشي غير اني بالمستشفى ولكل يمي
جاسر. خلصت حجي من الشيخ امي كالت ذبنة بيت جدك واطلع كلتلهة تحضرو لعد كملو وطلعنة جانت نيتي اذبهم بالباب وروح بس جان نبراس برة اصر انو افوت كلتلة تمام فتت جانو كلهم كاعدين سلمت على جدي وعمامي بثكل ورحت على بيبيتي حضنتهة وبستهة من راسهة هية ومرت عمي ماباوعت لسليل لان تصرفهة كلش ضوجني وية الشيخ جنت احجي وية نبراس علمود الشغل دك تلفوني الشيخ فتحت خط
جاسر الو هلا شيخ
الولد. الو سيدي اني ماجد
جاسر. ماجد شيسوي تلفون الشيخ عندك
ماجد. سيدي النقيب انغمة علية واخذنا للمستشفى اني ولولد
جاسر كمت على حيلي كلتلة ولك شجاي تحجي انتة ويا مستشفى
ماجد مستشفى ال..... بقسم الطوارئ
جاسر. تمام جايك
شاهين. جاسر شصاير منو بالمستشفى
جاسر. ما مادري شا شاهين م ماجد خا خابرني من من تلفون اوراس يكلي يكلي متخربط ماعرف شنو اني اني رايحله
