هلا هلا
طيح واتوچه اعله حزنك غني حزنك
جيس روحك بالاغاني جيس روحك
بالدروب الشربت دموعك و حلمك
اتطشر وتاني اليلمك طيح يمك .
شاهين. شيخ معقولة مروان
الشيخ وحق علي اذا هوة لانعل والديه
نبراس هسة احنة مامتأكدين من نتأكد يصير خير يالله شيخ روح لبيتك ارتاح وانتة شاهين اصعد نام اني رايح يم الولد اني وهشام
الشيخ تمام بوية تصبحون على خير
شاهين ونبراس. وانتة من اهلة
الشيخ. رجعت للبيت لكيت قدر نايمة على التخم وهية كاعدة والتلفزيون مفتوح شلتهة وديتهة للغرفة غطيتهة ورجعت السليل حرام اذا فد يوم لكيتهة نايمة مثل البشر مصارعة مو نوم نومتهة عدل وغطيتهة وفتت سبحت طلعت لكيتهة كاعدة
ترف. طبينة للبيت اني وسليل هوة اصلاً نضيف دائما نجي انضفة بعتبار بيت الشيخ فا سليل كلتلهة اطب تقرة لان امتحانات شهرية واني بقيت كاعدة بالصالة انتضر اوراس بس من الدوة والهوسة نمت ماعرف شلون فزيت لكيت روحي على الجرباية وصوت مي بالحمام كمت عدلت روحي وبقيت كاعدة على الجرباية شوي وطلع هوة لابس تراكسود اسود طبعاً اني ابد مامباوعة بوجهة لان استحي منة وخاصة هوة لان لكل يحترمة ويخاف منة مو مثل نبراس ومصطفى لا هذولي يحششون ويسولفون بس هوة لا اصلاً نادراً مانشوفة مبتسم
الشيخ. ها بوية بيج شي يوجعج شي
قدر بخجل. لا شيخ سلامتك تريد اسويلك شي
الشيخ. اي بوية استكان جاي وتعالي للستقبال
قدر صار شيخ كملت الجاي وديته للستقبال
الشيخ. مشكورة تعالي كعدي اريد احجي وياج
قدر. تفضل شيخ
الشيخ. شوفي قدر مانكر اني احبج اي احبج بس خليت هذا الحب بيني وبين نفسي وخليت فرق العمر بيناتنة وانتي جنتي مضغوطة بسبب امج ولله شاهد مجان بالي انو امج هيج معذبتج صح اعرف بيهة متحبج وتسمعج حجي بس ماعبالي توصل مرحلت الضرب واني عقدت عليج مو بس حتى احميج لا لان احبج هم بس ماريد اضلمج بهذا الزواج لان اني اكبر منج ويجوز متحبيني ماكدر اني اجبرج على شي واذا تريدين تنفصلين عني عادي بس لازم ننتضر فترة والمهر الخليتة الج كامل عندي باجر باسلامة نطلع اني وياج وشنو الي بنفسج والي بخاطرج يجيج ونبقى هنا لحد مايشيلون اهلج نرجع للبيت تمام بوية
قدر بدموع. مشكور شيخ وو لا تحجي بسالفة لانفصال اني مرح الكة احد احسن منك الي انتة ابن عمي واكثر شي يخليني اكمل وياك هوة انو انتة حميتني من امي وهاشم اما سالفت المهر والغراض صدك مايهمني ولا معتازة شي بس بس
الشيخ شنو
قدر اريد اريد ارجع للدراسة واريد تلفون اتونس بي
