هلا هلا
عادي تروح بس بكلبي مو عادي
اموت وداعتك لايغرك عنادي
لهسة اضحك جذب لو فزن جروحي
لكن بالحقيقة اضحك على روحي
بقيت ابجي لحد مادمع عيني فض
لحد ماحضي كال لا ولحض
تابعتك حلم والجفن ماغمض
ونمت متأخر وجان الحلم بادي
الكاتبة هيلين دريد الواسطي 🍂🍂
الشيخ. قدر بوية شبيج ليش البجي سليل اسيل دلال هوس لاتكفروني شبيهة
اسيل شيخ كل مابالموضوع من صعدنة مرت مصطفى قدر ماجانت ويانة وجاية مروة وكايلتلهة انو الشيخ اتزوج عليج وكسر خشمج وانتي بعدج مو زوجتة وصارلنة ساعة نقنع بيهة البنية مرت مصطفى بس هية قافلة
الشيخ بعصبية اني صاعد قدر قبل ماوصل اريدج كدامي مفهومممممم عفتهة وصعدت حسيتهة تمشي وراي طبيت للغرفة وعفت الباب مفتوح كعدت ادخن على الجرباية فاتت وبقت مدنكة وتبجي لحظة وحدة لو متاخرة جان رحت حضنتهة بس الي كالتهة خلتني اوكف على حيلي و
قدر كلش فرفحت واني اسمع مرت عمي وبتهة وامي يضحكن ومتشمتات بية انو عقد على غيري واحنة بس خطوبة بقيت ابجي وكلبي ياذيني حيل وحيل كارهة اوراس اجة هوة وسأل اني ماجاوبت جاوبو البنات كال اصعدي وراي اني مجانت اريد اصعد بس ادري اذا مصعدت ونزل يصيح ويغلط هذني رح يتشمتن اكثر عاد صعدت ورا وهوة كاعد يدخن ماعرف اول مرة جانت الي اطلع الي بداخلي
قدر اكرهك خاين وية ماكملتهة محسيت غير حرورة الراجدي على خدي اذني صوفرت من وراه بعدني ممستوعبة الاول اجة الثاني اخر شي لزمني من شعري قربني علية وكال
الشيخ من كالت هلكلمتين صح اذني بس تاذيت اضعاف واني امد ايدي عليهة ودموعهة الي بعينهة اخر شي لزمت راسهة حيل وقربتهة علية وحجيت بصوت كله غضب وعصبية بس مجان الصوت مو عالي
الشيخ. ماجابتهة امهة الي تهيني يبنت العم وانتي بهذا كلامج هنتيني وجنت كادر اعوفج بهل لحظة وارمي عليج اليمين وماتهزني شعرة بس رح اخلي كلشي يتم نفس مامتفقين مو الخاطرج الخاطر جدي وابوي وامي الي الكاع ماشايلتهة من الفرحة عبالهة جنتهة براسهة خير بس اكلج شغلة من هسة خليهة بالج زواج كدام العالم اي بس بغرفتنة حالج حال اي قطعت اثاث بهل غرفة وهسة اطلعين وجهج ماريد اشوفة برةةةةةةة
قدر كلامة حطم كلبي احس اخذ كلبي ومردة بايدة جان حجية ياذي حيل بس ماجان الي القدرة انو اعبر عن مشاعري واكله اني احبك ومن حبي هيج سويت سحلت روحي وطلعت من باب غرفتة واحس الهوة راح من عندي رحت الغرفتي حضنت المخدة وشبعت بجي ليش ممكتوبلي الراحة ليش ليش كل مافرح يجي فدشي يقهرني معقولة خلص بعد ماكو اوراس بعد لايحضني ولا يجي يمي لحد مانام ويعوفني ولا يذكرني بموعد الدوة ويشربنيا بايدة ولا يكعد يراقبني شلون اقرة بقيت ابجي واني النوم جافى عيوني صارت ب٥:٣٠ الصبح اعرف هيج وكت يكعد كمت سبحت ولبست دشداشة سودة وشال بنفسجي هادي وجهي ماباوعتلة بالمراية ابد مالي خلك لازم اكمل بسرعة واصعد اتحضر عندي دوام نزلت محد جان كاعد فتحت باب الطبخ وخليت الجاي على النار وفورت مي بيبي تحبه وشغلت الصوبة والهيتر اصلان مشتغل بس هاي الصوبة يموتون عليهة سويت الريوك كلة واني بالتواسيل اشيل روحي وكلبي ياذيني حيل بس ادوس على نفسي واكمل كلشي سويت الريوك الي هوة يحبهة الة نفس كل يوم جنت اسوي الكل شخص شنو يحب صارت ب٦:٤٠ دقيقة بدو يكعدون كلهم وسليل عدهة هم دوام وهوس يمنةبايتة فاهم تطلع ويانة للدوام صبحت على الكل جنت اصب جاي لعمو ابو اوراس طب هوة بكل هيبة لابس البدلة والعطر الي ملة المكان بس ولا باوعلي حتى بطرف عينة بوس امة وابو واختة واني جاي اباوع علية فلت القوري على ايدي همزين محد لاحة بس اني الكل يصيح اسم لله وسودة عليه اني اصلاً مو حاسة بوجع شلت القوري والكلاص وديتهن على السنك ومناك وصعدت ركض لغرفتي بعدني مفاتحة الباب جان اشف مصطفى يطلع من غرفتة والبنية وراه وهوة يسولف وياهة هنا اتاكدت من حجي البنات طبيت الغرفتي بجيت لحد ما عيوني يبسن باوعت ٧:١٥ اول محاضرة ماعندي شي بس لازم اروح باوعت على ايدي الجلد كله مبطبط وصايرة بيضة ضحكت عليهة وغسلت وجهي بايد وحدة ورحت لبست قاط اسودوشال اماروني لفيت ايدي بالشاش بدون اي دهن لان اصلاً ماعرف شخلي رغم كلشي جان المفروض اذب الحلقة لان ايدي اليمنة الي حتركت بس اني لبستهة باليسرعة نزلت جانو بعدهم مرايحين حتى هوة كال جدي
