هلا ولله
اخاف اشتاكلك والكاك ماعايز
واخاف من لبكلبي لبعدة ماجايز
الشيخ. باوعت وين تباوع شفت مرة تجي بكصت امي وياهة بنية شابه ويسولفن ويضحكن ولبنية تبوس بايد امهة انداريت على قدر ادموع عشرة عشرة صحتهة مرتين مجاوبت بالثالثة شوي بصوت اعلة جان تجفل ومسحت ادموعهة بسرعة وكالت
قدر. سبقت الشيخ للسيارة جان اشوف مرة جبيرة هية وبتهة يضحكن ويتشاقن وكل شوي وحدة تبوس الثانية مادري ليش كمت ابجي لان بعمري معشت هذا الشعور فزيت على صوت الشيخ كلتلة اسفة شيخ تفضل
الشيخ بوية انتي بخير
قدر بشهكة اي اي مابية شي
الشيخ جريته لحضني ايد اسوق بيهة وايد حاضنهة كلتلهة اشششش كافي ياروحي اني امج اني ابوج اني حبيبج رجلج كلشي اتريدي دموعج يوجعني قدر
قدر. شي شيخ ليش ب بس اني اني هيج ليش شنو ذنبي اني
الشيخ. ياروح الشيخ انتي مو ذنبج ولله ولا احد محملج لمسئولية بس امج صارت الهة ردت فعل من سمعت خسرت رحمهة
قدر. ردت فعل ١٩ سنة شيخ ردت فعل شيخ جنت احتاجهة بكل شي شيخ اني مو ولد اني بنية لي تحتاج ام تنصحهة تعلمهة لصح من الغلط بس اني مجان عندي ام جان عندي ام تصيح وترزل وتصخرني هواي علمود لا اقرة واذا رفضت انكتل عندي اخ يجي تالي اليل يريد عشة واذا جنت نايمة انكتل عندي اب مامعبرني ومايعرف وين اراضي اخوي الجبير يخاف يدافعلي خاف انضرب ليش ها ليش
الشيخ. متاذاية من لماضي
قدر. هواي حيل
الشيخ عندج ثقة بية
قدر اكثر من متتصور
الشيخ شنو سبب هل ثقة
قدر. مادري بس عندي ثقة بيك اكثر من اي شخص بالدنية
الشيخ. اذا عندج ثقة بية نبدي صفحة جديدة من اليوم من ليوم اريد مرت الشيخ اوراس كدامة غزال وبضهرة لبوة اريدج كدامي هادئة حسج مترفعي وبضهري تاخذين حقج من حلك السبع قدر تراني مو مثل لي تعرفي ابن عمج لا اكو هواي صفات متعرفيهة من اعصب ماشوف كدامي من اريد شي وميتنفذ اعاقب وعقابي عسير مو بكلمة وكلمتين اتراضة لا واذا نكسرت ثقتي وياج بيوم مستحيل ترجع لاتضمين علية شي بيوم من لايام لان اذا اعرفة بعد فترة ميصير خير ورح اعاقبج اضعاف لعقاب وعد ماقصر عليج بشعراية واعوضج عن لماضي كله بس تلتزمين بالي كلتة قبل شوي وشوفي شلون رح تصير حياتج واكو موضوع رح اكلج ياه بس اذا نزلت دمعة من عينج صدكي ازعل عليج وتنسيني بعد
قدر شنو
الشيخ عمي انفصل عن امج
قدر بشهكة يعني اطلكو 😟😟😟
الشيخ اتنهد. اي ولسبب هل مرة اكبر من كرهة لج
قدر. شنو هوة
